பாகீரதி

விமர்சனம் + விருது

2012-02-09T19:45:00.002+05:30

சென்ற வருடம் "நினைவுகள" அப்படின்னு ஒரு தொடர் கதை எழுதினேன் . அதைப் பற்றி ரொம்ப சீக்கிரமா ஒருத்தங்க விமர்சனம் பண்ணியிருக்காங்க. இதுவரை புத்தகத்தை (நாவல்/சிறுகதை தொகுப்பு) இவற்றை விமர்சனம் செய்துப் பார்த்திருக்கிறேன்.

முதல் முறையாக என் கதைக்கும் ஒருத்தர் விமர்சனம் எழுதி இருக்கார். "குட்டி சுவர்க்கம்" ஆமினா அவர்களுக்கு நன்றி. அவங்கதான் அந்த விமர்சனத்தை எழுதி உள்ளார்கள்.

நீங்கள் குறிப்பிட்டக் குறைகளை கவனத்தில் கொள்கிறேன் .

விமர்சனத்தைப் படிக்க இங்கே செல்லவும்

திருமதி கீதா அவர்கள் எனக்கு ஒரு விருது கொடுத்துள்ளார்கள். அந்த விருது விவரம் இங்கே

இருவருக்கும் எனது உளமார்ந்த நன்றிகள்

அன்புடன் எல்கே

ஷ்யாமளா - 2

2012-02-05T19:49:00.001+05:30

அன்றுதான் சேலம் கிளையின் மேலாளர் இடத்திற்கான நேர்முகத் தேர்வு. வந்த விண்ணப்பங்களில் வடிக்கட்டப்படப் பின் எஞ்சிய மூன்று பேரை இறுதி கட்ட தேர்வுக்கு சென்னைக்கு அழைத்திருந்தனர். வந்திருந்த மூன்று பேரில் அவள் ஒருவளே பெண். அந்த நிறுவனத்தைப் பற்றி ஏற்கனவே கேள்விப் பட்டிருந்ததால் நம்பிக்கை இன்றியே அவள் விண்ணப்பம் செய்திருந்தாள். பொதுவாய் அந்த நிறுவனத்தில் மேலாளர் பதவிக்கு பெண்களை எடுப்பதில்லை என்றுக் கேள்விப் பட்டதால் அவ நம்பிக்கை கொஞ்சம் இருந்தது.

சாரசரி தமிழ் பெண்ணின் உயரம், கடந்து செல்பவர்களை திரும்பி பார்க்க சொல்லும் முகம்.அவள் முகத்திற்கு அவளது கண்கள் கொஞ்சம் பெரிதுதான். மெலிதான மையினால் அதற்கு கரை கட்டியிருந்தாள். அவள் மிக மெல்லிய லிப்ஸ்டிக் பூச்சு கண்ணுக்கு உறுத்தாமல் ரசிக்க வைப்பதாய் இருந்தது. அவள் அணிந்திருந்த காட்டன் புடவை அவள் நிறத்திற்கு மெருகூட்டுவதாக இருந்தது. கூந்தலைப் பின்னாமல் லூசாக விட்டிருந்ததிலும் ஒரு அழகும் ஒழுங்கும் இருந்தது .

கல்லூரிப் படிப்பை முடித்து இரண்டு வருடங்களில் இரண்டு சிறிய நிறுவனங்களில் பணி புரிந்திருந்தாலும் , ஒரு விதப் பதற்றம் அவளிடையே இருந்தது. விண்ணப்பம் அனுப்பியதில் இருந்தே ஒரு விதமான சஞ்சலம் அவள் மனதில் இருந்துகொண்டே இருந்தது. மனதில் பதற்றம் இருந்தாலும் அவள் முகம் அதைப் பிரதிபலிக்கவில்லை.

மூன்று பேரில் இவளைக் கடைசியாகத்தான் அழைத்தனர். உள்ளே நுழையும் முன் ஒருமுறை புடவையை சரிபார்த்துக் கொண்டு உள்ளே நுழைந்தாள். நாற்பது வயதுக்கு மேற்ப்பட்ட ஒருவரை அங்கே எதிர்பார்த்த ஷ்யாமளா, சரவணனை கண்டு சிறிது ஆச்சர்யமே அடைந்தாள். இருப்பினும் அதை வெளிக்காட்டாமல் அவனுக்கு வணக்கம் சொல்லிவிட்டு , அவன் எதிரே இருந்த இருக்கையில் அமர்ந்தாள். நேரம் ஓட , அந்த நேர்முகத் தேர்வும் அரைமணி நேரம் கழித்து முடிந்தது. அவளை அறைக்கு வெளியே காத்திருக்க சொன்ன சரவணன் , மீண்டும் ஒருமுறை அவளைப் பற்றி எடுத்தக் குறிப்புகளில் கண்ணை ஓட்டினான் .

பொதுவாய் பெண்களிடம் அதிகம் கவனம் செலுத்தாத சரவணனுக்கு ஷ்யாமளா , நேர்முகத் தேர்வில் நடந்துக் கொண்ட விதம் பிடித்திருந்தது. அதிகப்படியான அலட்டல் இல்லாமல், தேவைக்கதிகமாய் பேசாமல் இருந்ததும், அவள் நேர்த்தியாய் உடை அணிந்திருந்ததும் அவளது மதிப்பை அவனிடம் உயர்த்தி இருந்தது. சிறிது நேரம், அவளைப் பற்றியக் குறிப்புகளை மீண்டும் ஒருமுறைப் படித்துவிட்டு, அவளை அந்த வேலைக்குத் தேர்வு செய்ய முடிவெடுத்தான். பின் அவளை மீண்டும் அழைத்து அதை தெரிவித்துவிட்டு, அடுத்த நாள் முதல் வேளையில் சேர சொன்னான்.

அடுத்த சில நாட்கள், அவளுக்கு வேலையைப் பற்றிய பயிற்சி தருவதில் கழிந்தது. பொதுவாய் , இந்த மாதிரி பயிற்சிகளை மற்றவர்களிடம் தள்ளி விடும் சரவணன், ஷ்யாமளாவிற்கு அவனே பயிற்சி அளித்தது மற்றவர்களுக்கு சிறிது ஆச்சர்யத்தை அளிக்க செய்தது. அவர்கள் கற்பனை செய்தப் படி எதுவும் நடக்கவில்லை என்றாலும் , சரவணனின் மனம் ஷ்யாமளாவின் பக்கம் கொஞ்சம் நகர ஆரம்பித்திருந்தது . பல தரப்பட்ட பெண்களை சந்த்திருந்தாலும் , ஷ்யாமளாவின் கண்கள் அவன் மனதை ஊடுருவி இருந்தது.

ஒரு வார பயிற்சிக்குப் பின் , அவளை சேலம் கிளம்ப சொன்ன சரவணன், தான் இரண்டு நாட்களில் வருவதாய் சொல்லி இருந்தான். அவன் சென்னையில் இருந்து கிளம்ப வேண்டிய தினத்தின் மாலையில் வீட்டிற்கு கிளம்புமுன் வந்த அந்த இ மெயில் அவனை பெரிதும் சஞ்சலப்படுதியது.

-தொடரும்

அன்புடன் எல்கே

மனம் போன போக்கில் - 1

2012-01-30T20:23:00.004+05:30

நங்கநல்லூர் ஆஞ்சநேயர் கோவிலுக்கு சமீபத்தில் சென்றிருந்தேன். எப்பொழுதுமே ஆஞ்சநேயர் கோவில்களில் எனக்கு மன நிம்மதி கிட்டும். அதனாலேயே மனம் மிக சஞ்சலம் அடையும் சமயங்களில் ஆஞ்சநேயர் கோவிலுக்கு செல்வது வழக்கம். நங்கநல்லூர் சென்று வெகு நாட்கள் ஆகிவிட்டதால் இந்த முறை அங்கு சென்று வரலாம் என்ற எண்ணத்தில் மாலையில் சென்றிருந்தோம். அப்பொழுதுதான் கோவில் திறந்திருந்தக் காரணத்தினால் கூட்டம் குறைவாகவே இருந்தது. வழக்கமான தரிசனம் சிறிது நேரம் தியானம் எல்லாம் முடிந்து , உள்ளிருந்த கிருஷ்ணரை தரிசித்து வலம் வருகையில் நடந்தது முதல் சம்பவம்.

முன்பு குங்குமம் குடுக்க ஒருவரை நியமித்திருந்தனர். இப்பொழுது அப்படி யாரையும் காணவில்லை. அதற்கு பதில் ஒரு ஸ்டேண்டில் குங்குமத்தை கொட்டி மேலே துவாரமிட்டிருந்தனர். இந்த முறையில் குங்குமம் அதிகம் வீணாகாது என்றாலும், அர்ச்சகர் கையில் குங்குமம் பெறுவது என்பதே பொருத்தமாக இருக்கும் என்பது எனது எண்ணம். அதற்கு காரணம் , அவர் குங்குமம் தரும்பொழுது ஏதவாது ஆசிர்வாதத்துடன் தான் தருவார். ஆதுதான் பொருத்தமாக இருக்கும். இப்படி வீட்டில் போட்டு வைத்துக் கொள்வது போல் எடுத்து வைத்துக் கொள்வது கோவில்களுக்குப் பொருந்தாது. அது சரியுமல்ல .

அடுத்தது , இன்னொரு அறிவிப்புப் பலகை வைத்திருந்தனர். அதாவது அந்தக் கோவிலில் எவை எவை பூஜைக்கு ஏற்கப்படுவதில்லை என்று . அதில் கற்பூரம் நூலினால் கட்டப்பட்ட மாலைகள் இரண்டும் ஏற்றுக் கொள்ளக் கூடியதே. ஆனால் அதில் கூறப்பட்டிருந்த "துளசி மாலை, பூ மாலை மற்றும் சில " ஏற்கக் கூடியதாக இல்லை. எளியனும் எளியனாகிய கண்ணன் " ஒரு துளசி இலையோ இல்லை ஒரு உத்தரணி தண்ணீரோ " தனக்கு நைவேத்தியமாக தந்தால் போதும் என்று சொல்லி இருக்க, கோவில் நிர்வாகத்தினர் இப்படி நடந்துக் கொள்வது சரியல்ல.

நிர்வாகத்தின் மேல் மேலே குறிப்பிட்டுள்ள இரண்டுக் குறைகள் இருந்தாலும், கோவிலைத் தூய்மையாக வைத்துள்ளனர். அதற்கு கண்டிப்பாக பாராட்டுத் தெரிவித்தே ஆக வேண்டும். இன்னொன்று , பொதுவாக பொது இடத்தில் குப்பைப் போடுவதில் ஆர்வமுள்ள நம் மக்கள் , இங்கு அப்படி நடக்கவில்லை. இதுவே அரசாங்கத்தின் அதிகாரத்தின் கீழ் உள்ள கோவில் என்றால், கேட்பார் யாருமில்லை என்ற எண்ணத்தில் குப்பை போடுவோம். இங்கே தனியார் நிர்வாகம் என்றக் காரணமா ? இல்லை கட்டுப்பாடுகளும் கண்காணிப்பும் இருந்தால் மட்டுமே விதிகளைப் பின்பற்றுவோம் என்ற எண்ணம் காரணமா ??

விதி என்றவுடன் , இன்னொன்று நினைவிற்கு வருகிறது. ட்ராபிக் சிக்னல்களை பற்றி திவ்யாவிற்கு சொல்லிக் கொடுத்திருந்தேன். இன்று சிக்னலில் நின்றுக் கொண்டிருந்த பொழுது, ஒரு அரசாங்க பேருந்து, சிகப்பை மதிக்கமால் சென்றது. அதைப் பார்த்த திவ்யா " ரெட் போட்டிருந்தா நிக்கணும்னு சொன்ன இல்ல,அப்ப ஏன் இந்த பஸ் நிக்காம போகுது ? என்றுக் கேட்டாள். என்னிடம் பதில்தான் இல்லை.

என்ன சொல்வது நண்பர்களே ? பதில் கூறுங்கள்...

இது அதீதம் இதழில் வந்துள்ளது. அதற்கான சுட்டி

மனம் போன போக்கில் - 1

அன்புடன் எல்கே

ஷ்யாமளா - 1

2012-01-29T16:00:00.001+05:30

'பாக்யாத லக்ஷ்மி பாரம்மா " சி டியில் எம் எஸ் லக்ஷ்மியை அழைத்துக் கொண்டிருந்தார். சாம்பிராணிப் புகையும், ஊதுவத்திப் புகையும் கலந்து வீட்டின் உள்ளே மார்கழி பனி புகுந்ததைப் போன்றத் தோற்றத்தை அளித்துக் கொண்டிருந்தது. விடிந்தும் விடியாத அவ்வேளையிலும் ,தலைக்கு குளித்துவிட்டு ஈரத் தலையை சரியாய் துடைக்காமல் , அவசரமாய் நுனி முடிப் போட்டுக் கொண்டு சமையலறை நோக்கி சென்றுக் கொண்டிருந்தாள் மைதிலி.

"காப்பி ரெடியா ? " அவள் சமையல் அறையில் நுழையும் பொழுதே அதிகாரத்துடன் ஒரு குரல் எம் எஸ்ஸின் இனியக் குரலின் ஊடே வந்தது.

"பால் வெச்சிட்டேன் மா. அஞ்சு நிமிஷத்தில் காப்பி ரெடி ஆகிடும்".

"ம் ம். சீக்கிரம் , அவன் வந்தவுடன் காப்பிதான் கேட்பான். தெரியுமோல்லியோ ?"

"தெரியும் தெரியும், எல்லாம் ரெடி ஆய்டும் "

விடுமுறை நாளாய் இருந்தும் அந்தக் காலை வேலையில் அந்த வீடு பரப்பரப்பாய் இருந்தது. ஒற்றை வார்த்தையில் காரணம் சொல்லவேண்டுமென்றால் , சரவணன்.

சரவணன் , அந்த வீட்டின் இளைய மகன். சென்னையில் வேலை செய்துக் கொண்டிருந்தான். அவன் வரவை ஒட்டியே அந்தப் பரபரப்பு .

மைதிலி , சரவணின் அண்ணன் மனைவி .அவளின் கணவன் கணேஷ் சேலத்தில் முன்னணி ஆடிட்டரிடம் வேலை செய்துக் கொண்டிருந்தான். குழந்தை இல்லை என்ற ஒன்றைத் தவிர வேறு எந்த விதக் குறையும் இல்லாமல் சென்றுக் கொண்டிருந்தது அவளது வாழ்க்கை. திருமணம் ஆகி ஐந்து வருடம் முடிந்திருந்தாலும் இன்னும் குழந்தை எதுவும் இல்லை.

அவளது மாமனார் சுந்தரேசன், அவள் திருமணம் ஆகி வந்த இரு வருடங்களில் இறந்து விட, வீட்டில் இவர்கள் மூவர் மட்டுமே. சரவணன் இரு மாதங்களுக்கு ஒரு முறையோ இல்லை மூன்று மாதங்களுக்கு ஒரு முறையோதான் வீட்டிற்கு வருவது. குழந்தை இல்லாதக் காரணத்தால் சரவணன் மீது பாசம் அதிகம். மாமியார் கேட்ட பொழுது சலிப்பாய் பதில் அளித்தாலும், அவளும் அவன் வரவை மகிழ்ச்சியுடனேயே எதிர் நோக்கியிருந்தாள்.

ஜெயம் , சரவணனின் அம்மா. இளையவன் மேல் பாசம் அதிகம். எனவே அவன் வரும் நாட்களில் வயதுக்கு மீறிய பரபரப்பு கொள்வாள். எல்லா அம்மாக்களையும் போல் விரைவில் அவனுக்கு ஒரு கல்யாணம் பண்ணி விடவேண்டும் என்று துடித்துக் கொண்டிருந்தாள்.

"மைதிலி , இந்த முறையாவது அவனை கல்யாணத்துக்கு சம்மதம் சொல்ல வைக்க வேண்டியது உன் பொறுப்பு. உன் பேச்சைத்தான் அவன் கேட்பான். நான் சொல்றதை எங்கக் கேட்கிறான்? "

"பேசிப் பாக்கறேன் மா. இந்த விஷயத்தில பிடியே குடுக்க மாட்டேங்கறான் அவன் ?"

"ஏதாவது காதல் அப்படி இப்படி ஏதாவது ...?

"அம்மா, சரவணன் அந்த மாதிரி மாட்ட மாட்டான் . நீங்க ஏன் கவலைப் படரேல் ? '

"இல்லடிமா , இந்த முறை உங்களுக்கு எல்லாம் ஒரு சர்ப்ரைஸ் கொடுக்கப் போறேன்னு சொன்னானே அதான் பயமா இருக்கு . எப்பவும் ரெண்டு , மூணு மாசத்துக்கு ஒருமுறை தான் வருவான். இப்ப வந்துட்டு போய் ஒரு மாசம் கூட ஆகலை. அதுக்குள்ள வரேன்னு சொல்லி இருக்கான். அதான் பயமா இருக்கு."

"அதெல்லாம் ஒன்னும் இருக்காதுமா. ஒரு வேளை, இந்த முறை கல்யாணத்துக்கு ஒத்துக்கப்போறானோ என்னமோ ?"

ஒரு மாதத்திற்குள் அவன் வருவதை ஒட்டியக் குழப்பமும், அவன் சொன்ன சர்ப்ரைஸ் என்னவாக இருக்கும் என்ற ஆர்வமும் ஒன்று சேர அவன் வரவை எதிர்பார்த்துக் கொண்டிருந்தனர் இருவரும்.

சரவணன் , எம் பி ஏ முடித்து விட்டு சென்னையில் ஒரு பன்னாட்டுக் கம்பெனியின் இந்திய சந்தைக்கான சர்வீஸ் பிரிவில் மேலாளராக இருக்கிறான். தேவையை விட அதிக சம்பளம் வந்தாலும் , அனாவசிய செலவுகள் செய்யாதவன். எப்பொழுதும் முகத்தில் ஒரு புன்முறுவல் பூத்திருக்கும் . கல்லூரி காலத்தில் சிலப் பெண்களுடன் நெருங்கிப் பழகி இருந்தாலும், அவர்கள் மேல் அவனுக்கு ஏனோ காதல் வரவில்லை.

புதிதாய் அவர்கள் துவங்க உள்ள சேலம் கிளையில் ஆரம்பக் கட்ட வேலைகளை கவனிக்க அவனை அவன் நிறுவனம் பணித்திருந்தது. எப்படியும் இரண்டு மாதங்கள் இருக்க வேண்டி இருக்கும் என்பதால் அவன் மகிழ்ந்தான். வெகு நாட்கள் கழித்து சேலத்தில் தொடர்ந்து இரு மாதங்கள் இருக்கப் போவது அவனுக்கு வெளிநாடு செல்வதை போன்ற மகிழ்ச்சியை தந்தது.

இந்த விஷயம் வீட்டில் இருப்பவர்களுக்கு ஒரு இன்ப அதிர்ச்சியாய் இருக்கட்டுமே என்று அவன் சொல்லவில்லை. இந்த ஒரு விஷயம் மட்டுமல்ல , இன்னொரு விஷயமும் அங்கு சென்றப் பின் சொல்லிக் கொள்ளலாம் என்று விட்டு விட்டான். இருந்தாலும் அவர்களுக்கு ஒரேடியாய் அதிர்ச்சி அளிக்கக் கூடாதென்று லேசாக கோடிட்டுக் காட்டினான்.

சேலத்திற்கு கிளம்பும் முன் , சேலம் கிளையை நிர்வகிக்க ஒரு மேலாளரை தேர்வு செய்ய வேண்டியிருந்தது. அவன் வாழ்வை மாற்றப் போகும் நேர்முகத் தேர்வு அது என்று அவன் அப்பொழுது எண்ணவில்லை. சேலத்திற்கு அவன் கிளம்பும் நாள் வரை சலனமில்லா கிணற்று நீராக இருந்த அவன் மனம், அவன் கிளம்புவதற்கு முன் வந்த செய்தியால், அலைப் பாயத் துவங்கியது .

- தொடரும்

விழி கிடைக்குமா ?

2012-01-08T09:59:00.002+05:30

விழி கிடைக்குமா ? அபய கரம் கிடைக்குமா ?
குருநாதர் சரணத்தில் நிழல் கிடைக்குமா ?....விழி...

அலைமீது அலையாக துயர் வந்து சேரும் போது
அஞ்சாதே என அபயக்குரல் கேட்குமா ?...விழி..

நங்கூரம் போல் குருநாதர் கடைவிழி இருக்க
சம்சாரத் துயர் கண்டு மனம் அஞ்சுமா?
நிலையாக அன்பு வைத்து எனதெல்லாம் உனதடியில் வைத்தால்
விழியோரப் படகில் எனக்கிடம் கிடைக்குமா ?...விழி..

கோடி கோடி ஜன்மம் நான் எடுப்பேன்,
குரு உந்தன் அருள் இருந்தால்
குணக்குன்றே உனக்காக எனை ஆக்குவேன்
நினைக்காத இன்பம் பல எனைவந்து சேரும்போது
நினைத்தாலே அபயம் தரும் கரம் கிடைக்குமா ?

அன்புடன் எல்கே

தானேவுக்குப் பிறகு - கடலூரில் இருந்து ஒரு ரிப்போர்ட்

2012-01-06T07:19:00.000+05:30

எனது குடும்ப நண்பரும் சகப் பதிவருமான திவா அண்ணா கடலூரில் இருந்து அனுப்பிய விவரத்தை கீழே படியுங்கள்

தானே வந்து தானே போய் இன்று ஐந்தாம்நாள். இன்னும்எங்கள் ஊரில் மின்சாரம் இல்லை.இன்னும் பத்து நாள்ஆகும்போல் இருக்கிறது.கலெக்டர் ஆபீஸ்வளாகத்து இணைப்புகளை மட்டும் இப்போதைக்கு சரி செய்திருக்கிறார்கள்.மற்ற இடங்கள் ஒவ்வொருபகுதியாக வர்ம் என்கிறார்கள்.ஏறத்தாழ எல்லாம்மின் கம்பங்களும் சாய்ந்துவிட்டதாலும், எல்லாம் மின்மாற்றிகளும் விழுந்துவிட்டதாலும் மெதுவாகத்தான் எல்லாம் நடக்கும். அரசை குற்றம் சாட்ட முடியாது.எவ்வளவு தூரம் இயற்கை வாழ்வை விட்டுவெளியே வந்துவிட்டோம்? மின்சாரம் இல்லாமல் எல்லோரும் விழிக்கிறார்கள்.இருந்த கிண்றுகளை தூர்த்து வீடு கட்டிவிட்டு இப்போது தண்ணீர் இல்லை என்றூஅலறுகிறார்கள். நகரத்தில்தான் இப்படி என்றூ நினைத்தால் எல்லாம் கிராமங்களிலும் இதே கதை என்று தெரிகிறது. எங்கள்வீட்டில் கிணறு இருக்கிறது.தண்ணீர் தரையில்இருந்து அரை அடி 'ஆழத்தில்'இருக்கிறது.சேந்திக்கொள்ளவேண்டியதுதான்; பிரச்சினையேஇல்லை! வீட்டுஜன்னல்களை திறந்து வைத்தால்வெளிச்சமோ காற்றோ பிரச்சினையேஇல்லை! இரவுக்குமட்டும் விளக்குகளை ஏற்றிக்கொண்டுசமாளிக்க வேண்டி இருக்கிறது.வீட்டுக்குசமையல் செய்யும் பெண்மணிஇன்னும் வரவில்லை. போன்செய்து கேட்டால் ஏதோ சாக்குப்போக்கு.உண்மையை கண்டறியநாளாகவில்லை. ஊரில்எல்லோரும் செய்வதைத்தான்இவரும் செய்கிறார். அதாவதுநடந்த களேபரத்தை கொஞ்சம் கூடசரி செய்யாமல் உட்கார்ந்துகொண்டு இருக்கிறார். ஏன்?அதாவது ரெவியூ ஆட்கள்வர வேண்டுமாம். என்னசேதம் என்றூ குறிப்பெடுக்கவேண்டுமாம். அப்போதுதான்நஷ்ட ஈடு கிடைக்குமாம்.இல்லை என்றால்கிடைக்காதாம். அடக்கடவுளே!பாதிக்கபடாதநபர் என்று யாரும் இல்லை.எந்த சீமானையும்கூட தானே விட்டு வைக்கவில்லை.எல்லோருக்கும் ஏதோஇழப்பு இருக்கத்தான் இருக்கீறது.பேசாமல் எல்லோருக்குஇழப்பீடு வழங்கப்படுமென்றுஅறிவித்து இருக்கலாம்.இதேகாரணத்தால்தான் நகரில் ஒருகடையும், ஹோட்டலும்திறக்க முடியவில்லை. ஆள்வரவில்லை. திண்டாடுவதுயார்?நாம்மக்களை எப்படி பழக்கி வைத்துஇருகிறோம்? ஏற்பதுஇகழ்ச்சி என்று சொன்ன மண்ணாஇது? கடவுளேகாப்பாத்து!

காக்காகாக்காவா வாந்தி எடுத்தான்.ஏற்கெனெவே தானே புயல்ல சிக்கி தவிக்கிறவங்களுக்குஇன்னொரு கொடுமை நேற்று முன்நாள் இரவு..நெய்வேலிஅருகே காடாம் புலியூர்என்னுமிடத்தில் நில நடுக்கம்ஏற்பட்டதாக வதந்தி பரவியது.நெய்வேலியில் இருந்துஒரு கோஷ்டி மக்கள் கிளம்பிகடலூர் வந்து சேர்ந்தனர். அவர்களது கோஷ்டியைசேர்ந்த ஒருவர் இங்கே இருக்கிறார்போல் இருக்கிறது. எங்கள்மருத்துவ மனை செவிலி ஒருவர் வீட்டுக்கதவை இடித்து அவரைஎழுப்பினர். இயல்பாகவேபயந்த / கூச்சசுபாவம் உள்ள அவர் கதவை முதலில்திறக்கவில்லை. விடாமல் இடிக்கவே பயந்து கொண்டே ஜன்னல்வழியாக வெளியே பார்த்து இருக்கிறார்.

எவ்வளவுநேரமா கதவை தட்டறது? முதலில்வெளியே வாங்க, அப்புறம் பேசிக்கலாம் என்று சொல்லியுள்ளனர்.அவர் பகுதியை சேர்ந்த மக்கள்தான் என்று புரிந்ததும் வெளியே வந்து இருக்கிறார். 'பூகம்பம் வரப் போகிறது; தெருவில்தான்இருக்கணும்; வீட்டுக்குள்ளே போக கூடாது' என்றுவற்புறுத்தி உள்ளனர்.முதலில் இவரும் செய்வது அறியாமல் தெருவிலேயேநின்று இருக்கிறார்.உக்காரக்கூட இடம் இல்லை. எழுபதைகடந்த இந்த மூதாட்டி ஒன்றும் புரியாமல் நாகர்கோவிலில் உள்ள தன் உறவினருக்கு போன்செய்தார். உறவினரும் இன்டர்நெட் பார்த்து ஒரு நிலநடுக்கமும் பதிவாகவில்லை;எச்சரிக்கை ஏதுமில்லைஎன்று கண்டு "நீ நிம்மதியாக உள்ளே போய்படுத்துக்கொள். ஒருபூகம்பமும் வராது. யாரும்கேட்டால் "வந்தால்வரட்டும், என்தலை மீது இடிந்து விழட்டும்என்று சொல்லிவிடு" என்றுசொல்லியுள்ளார். இவரும் அப்படி செய்ய பார்க்க முடியவே முடியாது, நீங்கள் வீட்டுக்குள் போக நாங்கள் விட மாட்டோம் என்று வற்புறுத்தி தெருவிலேயே நிற்க வைத்துஉள்ளார்கள். ஒருவாறாக விடிகாலையில் மெதுவாக மருத்துவமனைக்கு வந்துவிட்டார்.எங்கள் வீட்டுக்கு விடிகாலை நாலு மணிக்கு போன் வந்தது. பூகம்பம் வருவதாக சொல்லுகிறார்கள்என்று. ஏற்கெனெவே என் மடிக்கணினி மின் சக்திஇல்லை என்று வேலை செய்ய மறூத்துஇருந்தது. ஏதேனும்கொஞ்சமாவது முடிகிறதா என்று பார்த்தால் நல்ல வேளையாக எச்சரித்தாலும் ஒரு நிமிடம்வேலை செய்தது. அதற்குள்ஒரு மீடியாவிலும் அப்படிஎச்சரிக்கையோ பூகம்பம்ஏற்பட்டதாக செய்தியோ இல்லைஎன்று தெரிந்து கொண்டேன்.அதற்குள் ஆஸ்பத்திரியில்இருந்து யாரோ இப்படி செய்திசொன்னதாக போன். அவர்களைஆசுவாசப்படுத்திவிட்டு என்வேலையை கவனிக்க ஆரம்பித்தேன்.காலையில் சிலமீடியாக்கள் இதை பெரிதுபடுத்தியதாக கேள்விப்பட்டேன்.மின்சாரம் இல்லாமல் டிவி முதலியன 5 நாட்களாக பார்க்கமுடியவில்லை. அதனால்அதை உறுதிப்படுத்த முடியவில்லை.உண்மை பேரிடர்களை விட இந்த காக்காகாக்காவா வாந்தி எடுத்தான் ரீதியிலான வதந்திகள் பெரியபிரச்சினையாக இருக்கிறது

கடலூருக்கு என்ன தேவை என்று கேட்டு சில தொலை பேசி அழைப்புகள் வந்தன.ஒன்றும் தேவையில்லை. அரசு அமைப்புகள் வேலை செய்து கொண்டு இருக்கின்றன. எல்லாம் சரியாக நாள் ஆகும். பல இடங்களிலும் தண்ணீர் கிடைத்துக்கொண்டுதான் இருக்கிறது. ரீச் சந்திரா போன் செய்து விசாரித்தார். கிணறுகளை தூர்த்துவிட்ட நிலையில் தண்ணீர் இல்லை. இருந்தால்தானே சுத்தி செய்ய? இருந்தாலும் பெரும்பாலும் ஜெனரேட்டர்கள் உதவியுடன் மோட்டர்கள் இயக்கப்பட்டு நீர் வினியோகம் ஆகிறது. எங்களுக்கு இது இல்லை அது இல்லை என்று கூப்பாடு போடுவது அரசு அறிவிக்கும் நிவாரணம் தமக்கும் கிடைக்க வேண்டும் என்றுதான். மோடி உடனடியாக நிறைய மின்கம்பங்களை அனுப்பி இருக்கிறார். 'குஜராத்' என்று கம்பத்தின் பக்கத்தில் எழுதி இருப்பதை பார்த்து கேட்டதில் தெரிந்தது.

பி.கு இதன் ஆதரவில் தீண்டத்தகாத மின்சாரம்தான் வினியோகம் ஆகும் என்பதை நினைவில் கொள்ளவும்!

அன்புடன் எல்கே

புத்தாண்டு வாழ்த்துகள்

2012-01-01T07:26:00.000+05:30

புத்தாண்டில் அனைவரும் குறையின்றி வாழ என் வாழ்த்துகள்

அன்புடன் எல்கே

இன்னுமொரு அப்பாவி ரங்கமணி

2011-12-01T10:03:00.001+05:30

ஒரு சில வாரங்களுக்கு முன்னாடி தக்குடுகிட்டஇருந்து ஒரு மெயில் வந்துச்சு. டிசம்பர் ஒண்ணு சென்னையில் எனக்கு கல்யாணம்.கண்டிப்பா வந்திருங்க பாஸ் அப்படின்னு சொல்லி இருந்தான். ஆஹா இன்னொரு விக்கெட்டும்காலி என்று மனதுக்குள் நினைத்தேன்

நேற்று மாலை திருமண வரவேற்புக்கு போனேன். வேறுசில வேலைகளும் இருந்துச்சு அதனால் அதை முடித்துவிட்டு அப்படியே மண்டபத்துக்குபோலாம்னு ஐடியா. இதுக்கு நடுவில் பாலாஜி நானும் சென்னையில்தான் இருக்கேன்.கல்யாணத்துக்கு வரேன்னு சொன்னான்.

மண்டபத்துக்கு போனப்ப ஆறு மணி இருக்கும்.தெரிந்த முகம் ஒண்ணு கூட கண்ணில் படலை. சரி எப்படியும் மாப்பிள்ளை வெளில வருவான்பார்த்துக்கலாம்னு இருந்தேன். அப்பத்தான் கோவிலுக்கு போயிட்டு வருங்கால மனைவிசகிதமா தக்குடு வந்தான்.

ஒரு நிமிஷம் அவனோட டிரெஸ்ஸை பார்த்து டென்சன்ஆகிட்டேன். தோஹாவில் போட்ட கோட்டை(பேஸ்புக்கில் அவன் போட்டோ பார்த்த நல்லவங்க நாலுபேருக்கு இது தெரியும்) இன்னும்கலட்டமாட்டேனு அடம்பிடிச்சு அதையே போட்டுகிட்டு இருந்தான்.

அவன் இருந்த நிலைமையில் அவனா வந்து நம்மக்கிட்டபேசுவான்னு எதிர் பாக்கறது தப்புன்னு , நானே போய் கை கொடுத்தேன். நல்லவேளைஅறிமுகப்படுத்திக்க வேண்டிய அவசியமில்லாமல் யாருன்னு தெரிஞ்சிகிட்டான். அதன் பின்அவன் அம்மாவிடம் அறிமுகப்படுத்தினான். பதிவர் என்று சொன்னவுடன் அவங்க முகத்தில்அந்த ஒரு சந்தோசம்.

எவ்ளோ நேரம் தனியா உக்காந்திருப்பது என்று யோசித்துகிட்டு இருந்தப்ப பாலாஜி போன் பண்ணிநான் வந்துகிட்டே இருக்கேன்னு சொன்னான். சரி அப்படியே நம்ம ஆர்விஎஸ்க்கு போன்பண்ணலாமேன்னு பண்ணா , அவர் குடும்ப சகிதமாக அவரோட ரதத்தில் வரதா சொன்னார்.

பாலாஜி வந்த கொஞ்ச நேரத்தில் திராச(TRC) சாரும்வந்தார்.தக்குடு எப்படியும் அறிமுகப்படுத்தமாட்டான்னுதெரியும் அதனால அவர் தக்குடுவோட மாமனாரிடம் எங்களை அறிமுகப்படுத்தினார். தக்குடுவுக்குஅண்ணா மாதிரிதான் இருக்கார் அவர்.

இந்த நேரத்தில்தான் ஒரு அழைப்பு வந்தது. புதுநம்பரா இருந்தது . எடுக்கலாம வேண்டாமான்னு யோசிச்சி எடுத்தா ,கனடாவில இருந்து நம்மஅப்பாவி தங்கமணி. ஒரு மாதிரி தூக்கக் கலக்கத்தில் இருந்த மாதிரி இருந்தது. ஒருவேளை எழுந்தவுடன் போன் பண்ணிட்டாங்கலோன்னு கேட்டா இல்லை இப்பதான் ஆபிஸ் வந்தேன்னுசொன்னாங்க. அப்ப சரியாதான் இருக்கு . நம்ம அப்பாவி ஆபிசில் எப்ப வேலைபார்த்திருக்காங்க ??

அவங்கக்கிட்ட பேசிட்டு இருக்கப்பவே , ஆர்வீஎஸ்எங்களை கண்டுக்காம உள்ள போயிட்டு அங்க இருந்து எங்களை கூப்பிட்டார்.

ஆர்வீஎஸ் வரது தெரிஞ்சோ என்னமோ , அவ்ளோ நேரம்நடந்த பஜனை முடிந்து ஒரு மாமி தனியா பாட ஆரம்பித்தார். ஆர்வீஎஸ்க்கும்அவங்களுக்கும் எதோ பகைன்னு நினைச்சேன். அப்புறம் யோசிச்சு பார்த்தா, நம்மதக்குடுதான் அவனோட பதிவுல கல்லிடைகுறிச்சி மாமிகளை கணக்கில்லாமல் கிண்டலடிச்சிஇருக்கானே . அதுல பாத்திக்கப்பட்ட எதோ ஒரு மாமியோ இருக்குமோன்னு ஒரு சந்தேகம் இப்பவரைக்கும் இருக்கு.

கொஞ்ச நேரம், உக்காந்து பேசிட்டு, இன்றைக்கு“இல்லறத்தில்” நுழையப்போகும் தக்குடு ப்ரம்மாச்சாரிய இருக்கறப்ப ஒரு வார்த்தைபேசிடலாம் அப்படின்னு மேடையேறி அவனிடம் ரெண்டு வார்த்தை பேசிட்டு, பையனை கண்கலங்காம பார்த்துக் கொள்ளசொல்லி அவன் தாலிக் கட்டப் போகும் அந்தப் பெண்ணிடம்சொல்லிவிட்டு கீழே இறங்கினோம்.

அதிசயமா தக்குடு கோட் போடாம, ஷெர்வானிபோட்டிருந்தான். கோட் இல்லாமல் தக்குடுவை பார்ப்பது அரிது. இதை மிஸ் பண்ணாம போட்டோஎடுக்கலாமேன்னு பார்த்தா இப்படி ஒரு போஸ் தரான்.

அதன்பிறகு டின்னரை சாப்பிட்டு கிளம்பும் பொழுதுதக்குடு ஒரு வார்த்தை சொன்னான். அதனாலதான் இந்த போஸ்ட். “போட்டோ போடறது ,கமென்ட்அடிக்கறது” இதெல்லாம் பண்ணக் கூடாதுன்னு சொன்னான். மற்றவர்கள் சொல்லி நாம என்னைக்குக் கேட்டிருக்கோம் அதான் இந்தபோஸ்ட் .

திருமண வாழ்வு இனிமையாக அமைய வாழ்த்துகள்
அன்புடன் எல்கே

மாலை மாற்று(மீள் பதிவு)

2011-11-21T20:04:00.001+05:30

நம் முன்னோர்களிடம் இருந்து நாம் கற்றுக்கொள்ளத் தவறிய விஷயங்கள் பல உள்ளன. அதில் ஒன்றுதான் "மாலை மாற்று ".

ஆங்கிலத்தில் "பாலிண்ட்ரோம்" என்று ஒன்று உள்ளது. தமிழிலும் வார்த்தைகள் உண்டு. அதே போல் பாடல்களும் பல உண்டு. அந்த வகையில் திருஞான சம்பந்தர் ஒருப் பதிகம் எழுதி உள்ளார். "திருமாலை மாற்றுப் பதிகம்" என்ற அப்பதிகமும் அதன் உரையும் கீழே உள்ளது.

மாலை மாற்று என்றால் என்ன?

"ஒரு செய்யுள் முதல், ஈறு உரைக்கினும், அ·தாய் வருவதை மாலை மாற்றென மொழி"

ஒரு செய்யுளின் கடைசி எழுத்தை முதலாக வைத்துக் கொண்டு பின்னாலிருந்து திருப்பி எழுத்துக் கூட்டிவாசித்துக் கொண்டு முதல் எழுத்துக்கு வரவேண்டும். அது முன்னிலிருந்து வாசிக்கும் அதே வாசகமாக அமையவேண்டும்.

பாடல் எண் : 1

யாமாமாநீ யாமாமா யாழீகாமா காணாகா
காணாகாமா காழீயா மாமாயாநீ மாமாயா.

பொழிப்புரை :

ஆன்மாக்களாகிய நாங்கள் கடவுளென்றால் அது பொருந்துமா? நீயே ஒப்பில்லாத கடவுளென்றால் அது முற்றிலும் தகும். பேரியாழ் என்னும் வீணையை வாசிப்பவனே! யாவரும் விரும்பத்தக்க கட்டழகனே! பகைப்பொருள்களும் சிவனைச் சாரின் பகை தீர்ந்து நட்பாகும் என்ற உண்மையினை யாவரும் காணுமாறு பாம்புகளை உடையவனே. கை, கால் முதலிய அவயவங்கள் காணா வண்ணம் காமனை அருவமாகச் செய்தவனே. சீகாழி என்னும் திருத்தலத்தில் வீற்றிருந்தருளுபவனே. இலக்குமியின் கணவனான திருமாலாகவும் வருபவனே! மாயை முதலிய மலங்களிலிருந்து எம்மை விடுவிப்பாயாக!.

பாடல் எண் : 2

யாகாயாழீ காயாகா தாயாராரா தாயாயா
யாயாதாரா ராயாதா காயாகாழீ யாகாயா.

பொழிப்புரை :

வேள்வி வடிவினனே. யாழ் வாசிப்பவனே. அடியார்கட்கு அருள வரும்பொழுது உருவத்திருமேனி கொள்பவனே. சங்கார கருத்தாவே. அனைத்துயிர்க்கும் தாயானவனே. ஆத்திப்பூ மாலை அணிந்துள்ளவனே. தாருகாவனத்து முனிபத்தினிகளாகிய மகளிர் கூட்டத்தை வேட்கையுறும்படி செய்தவனே. சீகாழி என்னும் திருத்தலத்தில் வீற்றிருந்தருளுபவனே. துன்பங்கள் எவற்றினின்றும் எம்மைக் காப்பாயாக.

பாடல் எண் : 3

தாவாமூவா தாசாகா ழீநாதாநீ யாமாமா
மாமாயாநீ தாநாழீ காசாதாவா மூவாதா.

பொழிப்புரை :

அழியாத மூப்பிலாத தசகாரியத்தால் அடையும் பொருளாக உள்ளவனே. சீகாழி என்னும் திருத்தலத்து முதல்வனே. எல்லோரும் அஞ்சி நீங்குகின்ற சுடுகாட்டில் நள்ளிரவில் நடனமாடும் நாதனே. மாண்புமிக்கவனே. ஐராவணம் என்னும் யானையின் மேல் ஏறி வருபவனே. கொடையில் கடல் போன்றவனே. சாவினின்றும் எங்களைக் காத்தருள்வாயாக. ஒளியுடைய மாணிக்கம் போன்றவனே. வேண்டும் வரங்களைத் தந்தருள்வாயாக. எங்கள்முன் எழுந்தருள் வாயாக. முன்னைப் பழம்பொருளே. காற்று முதலான ஐம்பூதங்களின் வடிவானவனே!

பாடல் எண் : 4

நீவாவாயா காயாழீ காவாவானோ வாராமே
மேராவானோ வாவாகா ழீயாகாயா வாவாநீ.

பொழிப்புரை :

என்றும் மாறுதலில்லாத மெய்ப்பொருளானவனே. தாங்கிய வீணையை உடையவனே. கொடிய பிறவித் துன்பம் எங்களை அடையாவண்ணம் வந்து காத்தருள்வாயாக. விண்ணிலுள்ள தேவர்கள் துன்பம் அடையாதவாறு மேருமலையை வில்லாக ஏந்தி முப்புரங்களை அழித்தவனே. சீகாழி என்னும் திருத்தலத்தில் வீற்றிருந்தருள்பவனே, ஆகாய சொரூபியே! நீ விரைந்து வருவாயாக! அருள் புரிவாயாக.

பாடல் எண் : 5

யாகாலாமே யாகாழீ யாமேதாவீ தாயாவீ
வீயாதாவீ தாமேயா ழீகாயாமே லாகாயா.

பொழிப்புரை :

யாவற்றுக்கும் கால கர்த்தாவாக விளங்குபவனே. எப்பொருளிலும் எள்ளில் எண்ணெய் போன்று உள்ளும், புறம்பும் ஒத்து நிறைந்திருப்பவனே! சீகாழி என்னும் திருத்தலத்தில் வீற்றிருந்தருள்பவனே! அறிவில் மேம்பாடு உடையவனே! அனைத் துயிர்கட்கும் தாயாகவும், உயிராகவும் உள்ளவனே! என்றும் அழிவில்லாதவனே! இன்குரல் எழுப்பும் கின்னரம் முதலிய பறவைகள் தன்னருகின் வந்து விழும்படி வீணைவாசிப்பவனே. யாங்கள் மேற்கொண்டு ஆவனவற்றிற்கு ஆராயாதவாறு எங்களைக் காத்தருள் வாயாக!.

பாடல் எண் : 6

மேலேபோகா மேதேழீ காலாலேகா லானாயே
யேனாலாகா லேலாகா ழீதேமேகா போலேமே.

பொழிப்புரை :

மார்க்கண்டேயரின் உயிரைக் கவர வந்த காலனைக் கடுங்குரலால் கண்டித்தவரே. உம் திருவடியால் அவனை உதைத்து அக்காலனுக்குக் காலன் ஆகியவரே. பொருந்திய சனகர் முதலிய நால்வர்க்கும் சிவகுருவாகிக் கல்லால மரத்தின் கீழ் உபதேசித்து மெய்யுணர்வு பெறச் செய்தவரே. சீகாழி என்னும் திருத்தலத்தில் வீற்றிருந்தருளும் பரம்பொருளே. மேகத்தை வாகனமாகக் கொண்டருளியவரே. அடியேங்கள் உம் திருக்கூட்டத்தில் ஒருவர் போல் ஆவோம்.

பாடல் எண் : 7

நீயாமாநீ யேயாமா தாவேழீகா நீதானே
நேதாநீகா ழீவேதா மாயாயேநீ மாயாநீ.

பொழிப்புரை :

உன்னைவிட்டு நீங்குதலில்லாத உமாதேவியை உடையவனே! ஒப்பற்ற தாயானவனே! ஏழிசை வடிவானவனே! நீயே வலிய எழுந்தருளி எங்களைக் காத்தருள்வாயாக! பேரன்பு வாய்ந்த நெஞ்சத்தை இடமாக உடையவனே. சீகாழி என்னும் திருத்தலத்தில் வீற்றிருந்தருளும், வேதங்களை அருளிச்செய்து வேதங்களின் உட் பொருளாக விளங்குபவனே. எங்களைக் கொல்லவரும் துன்பங்களை நீ கொன்று அருள்செய்யாயோ

பாடல் எண் : 8

நேணவராவிழ யாசைழியே வேகதளேரிய ளாயுழிகா
காழியுளாயரி ளேதகவே யேழிசையாழவி ராவணனே.

பொழிப்புரை :

இறைவரின் திருவடிகளில் பேரன்பு செலுத்தும் அடியவராம் பசுக்கள் தன்வயமற்றுக் கிடக்க, கட்டிய ஆசை என்று சொல்லப்படும் பெருங்கயிற்றைத் தண்ணளியால் அவிழ்த்தருள்பவரே. மிக வேகமாக ஓடும் மானின் தோலை அணிந்துள்ள பேரழகு வாய்ந்தவரே. பொறுக்கலாகாத் தீவினைத் துன்பங்கள் தாக்க வரும்போது காத்தருள்வீராக! மன்னித்தற்கரிய குற்றங்கள் எங்களின் சிறுமைத் தன்மையால் செய்தனவாகலின் அவற்றைப் பெரியவாகக் கொள்ளாது சிறியவாகக் கொண்டு பொறுத்தருள்வீராக! ஏழிசைவல்ல இராவணன் செருக்கினால் செய்த பெரும்பிழையைத் தேவரீர் மன்னித்து அருளினீர் அல்லவா? (அடியேம் சிறுமையால் செய்த பிழையையும் மன்னித்தருளும் என்பது குறிப்பு).

பாடல் எண் : 9

காலேமேலே காணீகா ழீகாலேமா லேமேபூ
பூமேலேமா லேகாழீ காணீகாலே மேலேகா.

பொழிப்புரை :

காற்றாகி எங்கும் கலந்தருள்பவனே. மறைப் பாற்றலின் வழி எவ்வுயிர்க்கும் மயக்கம் செய்து பின் அருள் புரிபவனே. பூக்களில் சிறந்த தாமரைப்பூவில் வீற்றிருக்கும் பிரமனும், திருமாலும், முறையே திருமுடியையும், திருவடியையும் காணுதலை ஒழித்த வைரத் தன்மையுடையவனே! சீகாழி என்னும் திருத்தலத்தில் வீற்றிருந்தருளுபவனே. எங்களைக் கடைக்கணித்தருள்வாயாக. உன் திருவடியைத் தந்தருளுவாயாக!.

பாடல் எண் : 10

வேரியுமேணவ காழியொயே யேனைநிணேமட ளோகரதே
தேரகளோடம ணேநினையே யேயொழிகாவண மேயுரிவே.

பொழிப்புரை :

நறுமணமும், தெய்விக மணமும், பெருமையும், புதுமையும் கலந்து விளங்கும் சீகாழி என்னும் திருத்தலத்தில் வீற்றிருந்தருள்பவனே! துன்பங்களை நீக்கி அருள்பவனே. பேரருள் உடையவனே. அதனை அள்ளிக்கொள்ளல் அகத்தவத்தாராகிய சிவயோகிகளின் செய்கையே . புத்தர், சமணர்களின் மொழிகளை எண்ணுதலையும், நண்ணுதலையும் ஒழித்தருள்வாயாக! இப்புறச் சமயத்தார் பன்னெறிகளில் புகாமல் காத்தருளும் திறம் நின் திருவடிக்கே உரியதாகும்.

பாடல் எண் : 11

நேரகழாமித யாசழிதா யேனனியேனனி ளாயுழிகா
காழியுளானின யேனினயே தாழிசயாதமி ழாகரனே.

பொழிப்புரை :

நேர்மையை அகழ்ந்து எறிவதாகிய, நெஞ்சத்தில் நிலைத்து எவரையும் துன்புறுத்தும் காமம், வெகுளி, மயக்கம் என்னும் முக்குற்றங்களையும் அழித்தருள வல்லவனே. உலகுக்கெல்லாம் தாயாம் தன்மையை ஏற்றருளத் தக்கவன், ஒப்பில்லாத நீ ஒருவனே. நன்மை புரிந்தருளுவதில் உயர்ந்தவனே! நாங்கள் தளர்ந்த இடத்து எங்களைக் காத்தருள்வாயாக! என்று நற்றமிழுக்கு உறைவிடமாகவுள்ள திருஞானசம்பந்தப் பெருமான் சிவபெருமானைப் போற்றி அருளிய, பாடுவோர்களையும், கேட்போர்களையும் உள்ளம் குழையச் செய்யும் இத்திருப்பதிகத்தை ஓதவல்லவர்கட்கு எந்தக் குறைவும் உண்டாகாது.

இந்தப் பாடல்களையும் விளக்கங்களையும் கீழ்க்கண்ட தளங்களில் இருந்து எடுத்தேன்.

http://www.visvacomplex.com/MaalaiMaaRRu2.html

http://www.thevaaram.org/thirumurai_1/onepage.php?thiru=3&Song_idField=31170

அவர்களுக்கு என் நன்றி

அன்புடன் எல்கே

இடைத் தேர்தல் , ஊழல் வழக்குகள்

2011-10-22T12:05:00.001+05:30

ண்டுமொரு இடைத் தேர்தல் நடந்து முடிந்துள்ளது. இந்த முறை தேர்தலில் வெற்றிப் பெற்றவர் பணியாற்றத் துவங்கும் முன்னே விபத்தில் மரணமடைய இந்த இடைத் தேர்தல் . இந்த மாதரித் தருணங்களில் தேர்தல் அவசியமா என்பது யோசிக்க வேண்டிய ஒரு விஷயமாகும். தேர்தல் நடந்து வெகு நாளாகத நிலையில் முன்பிருந்த கட்சிக்கே அந்தத் தொகுதியை விட்டுக் கொடுக்கலாம் . இதன் மூலம் தேவையற்ற செலவுகள் தவிர்க்கப் படும். இதை தேர்தல் கமிஷன் கவனத்தில் கொண்டால் நல்லது.

கூடங்குளம் விஷயத்தில் முடிவெடுக்காமல் தள்ளிப் போட்டுக் கொண்டே போவது நல்லதல்ல. தெலுங்கானா பிரச்சனை போன்று பெரிய அளவில் பிரச்சனை நடந்தால்தான் நடவடிக்கை எடுப்பார்களோ என்னமோ ? பல பிரச்சனைகளில் மத்திய அரசு முடிவெடுக்காமல் தள்ளிப் போட்டுக்கொண்டே செல்கிறது.

தொடர்ந்துப் படிக்க http://tinyurl.com/5rsnv2r

அன்புடன் எல்கே

புத்தக பரிமாற்றம்

2011-09-19T09:48:00.001+05:30

உங்களிடம் நீங்கள் படித்துமுடித்த பல புத்தகங்கள் இருக்கலாம். இடம் போதாக் காரணத்தாலோ வேறு காரணத்தாலோ அதை நீங்கள் விற்க விரும்பலாம். அதே போல் சிலர் குறிப்பிட புத்தங்களை தேடிக் கொண்டிருக்கலாம். அவர்களுக்கு உங்களிடம் இருக்கும் புத்தகம் தேவைப்படலாம்.

உங்களிடம் இருக்கும் / உங்களுக்குத் தேவையான புத்தகங்களைப் பற்றிய அறிவிப்பை இந்தப் பகுதியில் நீங்கள் வெளியிடுங்கள்.

அந்தப் புத்தகம் தேவைப்படுவோர் அல்லது வைத்திருப்போர் உங்களை தொடர்புக் கொள்வார்கள். இது கிட்டத் தட்ட ஒரு லெண்டிங் லைப்ரரி போன்றுதான். அதீதம் தகவல் பரிமாற்றத்திற்கு ஒரு களம் தருகிறது. மேற்கொண்டு எப்படி புத்தகத்தை வாங்கிக் கொள்வது திருப்பிக் கொடுப்பது இதையெல்லாம் புத்தகம் தருபவரும் / பெற்றுக் கொள்பவரும் முடிவு செய்துக் கொள்ள வேண்டும்.

இந்த அறிவிப்பை உங்கள் தளங்களில் பகிர்ந்துக் கொள்ளலாமே. சைட் பார் விட்ஜெட்டாகப் போட்டு வைக்கலாம் .

அதீதம் உங்கள் அறிவிப்பை மட்டுமே வெளியிடுகிறது. புத்தக பரிமாற்றத்திற்கு எந்த வகையிலும் அதீதம் பொறுப்பேற்காது.

சுட்டி : http://tinyurl.com/6l8obsp

குண்டுவெடிப்பும் மற்றவையும்

2011-09-09T07:53:00.000+05:30

இந்திய மக்களுக்கு குண்டுவெடிப்புகள் சாதாரண நிகழ்வாய் மாறிக் கொண்டுள்ளது. சில மாதங்களுக்கு முன்பு நடந்த மும்பை வெடிகுண்டுகள் பற்றிய விசாரணை எந்த அளவில் இருக்கிறது என்று தெரியாத நிலையில் இப்ப்பொழுது டில்லி ஹைகோர்ட் வாசலில் குண்டு வெடிப்பு நிகழ்ந்துள்ளது. வழக்கமான கண்டனங்களும் , இதை உறுதியுடன் எதிர்கொள்ளவேண்டும் என்ற வேண்டுகோள்களும் வாசிக்கப்பட்டு விட்டன. இன்னும் சிலநாட்கள் பஸ்,ரயிலில் செல்வோர் அனைவரும் சோதிக்கப்படுவார்கள் . அதன்பின் மீண்டும் ஒரு முக்கியப் பண்டிகையோ இல்லை ஒரு குண்டுவெடிப்போ நிகழாத வரை ரயில்வே ஸ்டேஷன்களில் சோதனை செய்வதற்கென்று நிறுத்தப்பட்டிருக்கும் போலீசார் அருகில் இருக்கும் நாற்காலிகளில் ஓய்வெடுத்துக் கொண்டிருப்பர். அங்கிருக்கும் மிஷின்கள் வேலை செய்கிறதா என்றுக் கூடத் தெரியாது. அப்படிப்பட்ட நிலையில்தான் அவை இருக்கின்றன.

மீண்டும் நான்கு மாதம் கழித்து மீண்டும் ஒரு குண்டுவெடிப்பு நிகழும்.இப்ப முதலில் இருந்து படிச்சு பாருங்க மறுபடியும்.

உக்கடத்தில் புதைந்த வீடுகள்

உக்கடத்தில் தமிழ்நாடு குடிசை மாற்றுவாரியத்தால் கட்டப்பட்ட வீடுகள் பூமிக்குள் புதையத் துவங்கியுள்ளன. மொத்தம் 2904 வீடுகள் 21 ப்ளாக்களாக கட்ட திட்டமிடப்பட்டது. அதில் இது வரை மூன்று ப்ளாக் இதுபோல் மண்ணில் புதையத் துவங்கியுள்ளது அதிர்ச்சியைத் தருவதாக உள்ளது.

அங்கு வீடுகட்ட துவங்கும் முன் ,அங்குள்ள மண் எத்தகையது என்று முறையாக பரிசோதிக்கப்பட்டதா என்றுத் தெரியவில்லை.கல்லூரியில் இருப்பவர்களை வைத்துப் பரிசோதிக்கப்பட்டதாக சொல்லப்படுகிறது . அந்த ஆய்வு எந்த அளவு நம்பிக்கையானது என்றுத் தெரியவில்லை. 15 செ மீ அளவிற்கு வீடுகள் பூமியில் இறங்கியுள்ளன. அங்கு யாரும் வசிக்கததால் உயிரிழப்பு நிகழவில்லை.

இப்பொழுது அண்ணா பல்கலைகழக பேராசிரியர் தலைமையில் ஒரு கமிட்டி அமைத்து அங்குள்ள அணைத்து வீடுகளும் பரிசோதிக்கப்படும் என்று சொல்லியுள்ளனர். இனியாவது பொதுமக்கள் உயிரோடு விளையாடுவதை அரசாங்க அதிகாரிகள் நிறுத்திக் கொள்வார்களா ??

சட்டசபை

தினமும் சட்டசபை கூடுவதும் தி மு க வினர் வெளிநடப்பு செய்வதும் வாடிக்கையான ஒன்றாக மாறிவிட்டது. சபாநாயகர் இரண்டுக் கட்சியினரையும் சமமாக நடத்தவேண்டும். ஆளும் கட்சியினருக்கு மட்டுமே வாய்ப்புகள் அளிக்கக்கூடாது. அதேபோல் திமுகவினரும் சிறு சிறு விஷயங்களுக்கும் வெளிநடப்பு செய்வதைக் குறைத்துக் கொள்ளவேண்டும்.

அதீதத்தில்

பாஞ்சாலி சபதம்: பகுதி 1: பாடல்- 2

அன்புடன் எல்கே

உறுதி

2011-08-31T13:34:00.001+05:30

அங்கு நிலவிய அமைதி, அவனை பயமுறுத்தியது. எப்பொழுதும் கலகலவென இருக்கும் அந்த இடம் நிசப்தத்தின் பிடியில் இருந்தது. தான் சொன்ன செய்தி, இத்தகையதொரு அமைதியை விளைவிக்கும் என்று அவன் எதிர்பார்க்கவில்லை. இதற்கு முற்றிலும் எதிர்விதமான சூழ்நிலையையே எதிர்பார்த்து, அதற்கு தன்னை தயார்படுத்தி இருந்தான். அதனால், இப்பொழுது என்ன செய்வது என்று புரியாமல் நின்றிருந்தான்.

மைதிலி, அவனுடைய அம்மா, கண்களில் எப்பொழுதும் கரை உடைந்து பாயக்கூடிய நிலையில் தளும்பும் கண்ணீருடன் அவனை முறைத்துப் பார்த்துக் கொண்டிருந்தாள். அவனின் அப்பாவோ, எந்த உணர்ச்சிகளையும் முகத்தில் காட்டாமல் தீவிரமாக யோசித்துக் கொண்டிருப்பவரைப் போல் அமர்ந்திருந்தார். அவனின் தங்கை அம்ருதா, அங்கு நடந்துக் கொண்டிருந்த மவுனப் போராட்டத்தில் தான் பேசலாமா இல்லை பேசினால் தவறாகுமா என்றுப் புரியாமல் விழித்தாள்.

பல மணி நேரம் போல் கழிந்த பத்து நிமிடங்களுக்குப் பிறகு, அவன் தந்தை நரசிம்மன் நிதானமாகப் பேசத் துவங்கினார்.

"ஆல்ரைட், ரைட்டோ தப்போ நீயா முடிவு பண்ணிட்ட. அந்தப் பொண்ணை ஆத்துக்கு அழைச்சிண்டு வா. பேசிப் பாக்கலாம்."

இடையில் பேசத் துவங்கிய தன் மனைவியை, "வேற என்ன பண்றது ? அந்தப் பொண்ணுக்குதான் வேற யாரும் இல்லைன்னு சொல்றான். அப்ப அந்தப் பொண்ணுகிட்டதான பேசியாகணும்" என்று சொல்லி அமைதியாக்கி விட்டு" அவசரப்பட்டு நாளைக்கே கூட்டிண்டு வராத, நல்ல நாளா பார்த்து சொல்றேன், அன்னிக்கு அழைச்சிண்டு வா" என்று கூறி நிறுத்தி, பின் "அழைச்சிண்டுதான் வரச் சொன்னேன்" என்று மீண்டும் ஒருமுறை அழுத்திக் கூறி, இனி பேசுவதற்கு ஒன்றுமில்லை என்பதுபோல் அங்கிருந்து எழுந்து சென்றார்.

அவர் அங்கிருந்து செல்வதற்காகக் காத்திருந்தவள் போல், புலம்ப ஆரம்பித்தாள் மைதிலி. "இந்தக் காலத்தில் பெத்தவா பேச்செல்லாம் யாரு கேக்கறா? நாலு எழுத்து படிச்சிட்டா எல்லாம் தனக்கேத் தெரியும்னு ஒரு மிதப்பு உங்களுகெல்லாம். உன்னைச் சொல்லி பிரயோஜனம் இல்லைடா, அவளை அழைச்சிண்டு வரச் சொன்னாரே இந்த பிராமணன், அவரைச் சொல்லணும்."

"என்ன அங்க சத்தம் ?" வெளியில் மைதிலியின் குரல் கேட்டு, உள்ளிருந்து ஒலித்தது நரசிம்மனின் குரல்.

"நான் ஏதோ புலம்பிண்டு இருக்கேன். அதுக்குக் கூட இந்தாத்தில் நேக்கு உரிமை இல்லையா?" மகனின் காதலியைத் தன் கணவன் வீட்டுக்கு அழைத்து வர சொல்லி விட்டாரே, அதைத் தடுக்க இயலவில்லையே என்ற ஆதங்கம் குரலில் வெளிப்பட்டது.

வெங்கட், மைதிலி, நரசிம்மனின் சீமந்தப் புத்திரன் அதைக் கண்டுகொண்டதாகத் தெரியவில்லை. அப்பா, வீட்டுக்கு அழைச்சிண்டு வரச் சொன்னதே பாதிக் கிணறைத் தாண்டியதைப் போல் உணர்ந்தான். எப்படியும் அம்மாவை, அப்பா சரிகட்டி விடுவார் என்ற நம்பிக்கை அவனுக்கு இருந்தது. அதனால் அம்மாவின் புலம்பலைக் கண்டு கொள்ளாமல் அவன் பாட்டுக்குத் தன் அறையினுள் புகுந்தான்.

"வீட்ல ஒரு பொண்ணு இருக்கா, அவளை மொதல்ல ஒருத்தன் கைல பிடிச்சுக் கொடுக்கணுமேன்னு இந்த வீட்ல யாருக்காவதுக் கவலை இருக்கா", மைதிலியின் புலம்பல் தொடர்ந்துக் கொண்டிருந்தது.

"அம்மா! இப்ப எனக்கு கல்யாணம் பண்ணுங்கன்னு நான் கேட்டேனா? அதான், இன்னும் ஒரு வருஷம் இருக்குல்ல படிப்பு முடிய? அப்புறம் ஏன், இப்பவே ஆரம்பிக்கற. அதெல்லாம் அப்பாவுக்கும் அண்ணனுக்கும் தெரியம். அவங்க பார்த்துப்பாங்க." பட்டாசாய் வெடித்து விட்டு அங்கிருந்து, தன் அண்ணனின் அறைக்குள் புகுந்தாள், எம் பி ஏ படித்துக் கொண்டிருந்த அம்ருதா.

வெங்கட்டின் அறைக்குள் புகுந்தவள், " டேய் யாருடா அது ? போட்டோவ காமிடா."

"போட்டோலாம் இல்லை"

"எனக்கு சின்ன வயசிலேயே காது குத்தியாச்சு. ஒழுங்கா மன்னியோட போட்டோவைக் காட்டு இல்லை..."

"விட மாட்டியே! பார்த்துக்கோ" என்று சொல்லித், தன் செல்போனில் இருந்த அவனோட காதலி ஸ்வர்ணாவின் போட்டோவைக் காண்பித்தான்.

"பேருக்கேத்த மாதிரியே தங்க விக்ரகம் மாதிரி இருக்காடா மன்னி. ஆமா, உன்னை போய் எப்படி லவ் பண்ணா மன்னி. பாவம்டா உன்கிட்ட மாட்டிக்கிட்டு..."

"பார்த்து பேசுடி. அம்மா காதில் நீ மன்னினு சொல்றது விழுந்தது, நீ காலி. அம்மாக்கு இதில இஷ்டம் இல்லை."

"அதுதான் தெரிஞ்ச விஷயமாச்சே, அதெல்லாம் அப்பா பார்த்துப்பா."

"எனக்கென்னவோ கொஞ்சம் பயமா இருக்குடி, என்ன சொல்வாரோன்னு."

"நீ ஏன்டா கவலைப்படற... அதெல்லாம், ஸ்வர்ணா பார்த்துப்பா. "

"என்னமோ ரொம்ப நாள் தெரிஞ்சமாதிரி சொல்ற?"
"உன்னையே லவ் பண்ணி சமாளிச்சிட்டு இருக்கா. இவாளையெல்லாம் சமாளிக்க மாட்டாளா என்ன?"

"உனக்கு எல்லாமே ஜோக்தான். நீ நினைக்கற மாதிரி அவ்ளோ சுலபம் இல்லை."

"சரி சரி, ரொம்ப பீல் பண்ணாத, எல்லாம் நல்ல படியா நடக்கும்"

"நடந்தா நல்லது."

அவள் சென்றுவிட, வெங்கட்டின் நினைவுகள் சில வாரங்களுக்கு முன் நடந்ததை அசை போட்டது.

இரண்டு வருடக் காதலை, அடுத்தக் கட்டத்துக்கு கொண்டு செல்ல வேண்டியக் கட்டாயத்தில் இருவரும் இருந்தனர்.

"ஒரு வேளை எங்க வீட்ல ஒத்துக்காட்டி வீட்டை விட்டு வெளியே வந்துக் கல்யாணம் பண்ணிக்கலாமா? உனக்கு அது ஓகேவா?"

"என்ன பேசற வெங்கட்? உன்னைப் பெத்து வளர்த்தவங்க அவங்க. கண்டிப்பா எதிர்ப்புச் சொன்னாலும் நாமதான் போராடி சம்மதிக்க வைக்கணும்."

"ஒரு வேளை, போராடியும் சம்மதம் கிடைக்காட்டி.."

"அதெப்படி கிடைக்காம போகும்? நம்பிக்கைதான் வாழ்க்கை. அவங்கச் சம்மதம் இல்லாமல் நம்ம கல்யாணம் இல்லை."

"அப்ப உன் முடிவுல எந்த மாற்றமும் இல்லை"

"கண்டிப்பா இல்லை."

ஒரு பக்கம் ஸ்வர்ணாவின் பிடிவாதம், மற்றொரு பக்கம் அம்மாவின் பிடிவாதம். இரண்டுப் பெண்களின் பிடிவாதத்துக்கு இடையில் தன் வாழ்வு ஊசலாடுவதாய் வெங்கட் நினைத்தான்.

நடுவில் இருந்த இரண்டு நாட்களும் விரைந்தோட, சனிக்கிழமை மாலை.

"நாலு மணிக்கு முன்னாடி வீட்ல இருக்கணும். நான் வந்து பிக்கப் பண்ணிக்கவா? லேட்டா வந்தா அப்பாவுக்குப் பிடிக்காது. அதுவுமில்லாமல் முதல் முறை வீட்டுக்கு வர..." வெங்கட் பேசிக்கொண்டேப் போக, ஸ்வர்ணா இடைமறித்தாள்.

"நீ வர வேண்டாம். உன் வீட்டு அட்ரெஸ் இருக்கு. ஷார்ப்பா நாலு மணிக்கு வீட்ல இருப்பேன் போதுமா? "

"சரியா வந்திருவதானே?"

"அதெல்லாம் சரியா வந்திருவேன். தொலைஞ்சு போறதுக்கு நான் என்ன சின்னக் குழந்தையா?"

"ஹ்ம்ம் சரி சரி."

வழக்கமாய் விரைந்து முடியும் ஞாயிற்றுக் கிழமை அன்று ஏனோ மிக மெதுவாய் சென்றுக் கொண்டிருந்ததைப் போல் வெங்கட்டிற்கு எண்ணம். மாலை என்ன நடக்குமோ என்ற பயம் மனதை பிரட்ட, நிலை கொள்ளாமல் தவித்துக் கொண்டிருந்தான்.

தொடர்ந்துப் படிக்க அதீதம்

பள்ளித் தேர்வு முறையில் மாற்றம்

2011-08-27T09:56:00.001+05:30

தேர்வு முறையில் மாற்றம்

நேற்று சட்டசபையில் வரும் கல்வியாண்டில் இருந்து பள்ளித் தேர்வு முறையில் மாற்றங்கள் வரும் என்ற அறிவிப்பு வந்துள்ளது. கல்லூரிகளில் இருக்கும் பருவ முறையை பள்ளிகளுக்கும் கொண்டு வந்துள்ளனர். கல்லூரியில் இரண்டு பருவங்கள் இருக்கும் அதற்கு பதில் இங்கு மூன்றாக வைத்துள்ளனர். முதல் பருவத்தில் படித்து தேர்வு எழுதியதை மீண்டும் படிக்கத் தேவையில்லை. இதற்கு வசதியாக மூன்று பருவங்களுக்கும் தனித் தனி புத்தகங்கள் வழங்கப்படும் என்று சொல்லியுள்ளனர்.

அதேபோல் வகுப்பறைகளில் கணிணி வழியாகக் கற்பிக்கவும் வழிவகை செய்யப்படும் என்று தெரிவித்துள்ளார்.

இந்த இரண்டும் நல்ல திட்டங்கள். இதன் மூலம் மாணவர்களின் புத்தக சுமைக் குறையும் . மேலும் கற்பதும் ஒரு இனிமையான அனுபவமாக மாறும் என்று நம்புவோம்.

தொடர்ந்துப் படிக்க http://tinyurl.com/3mcr8de

ஹாப்பி பர்த்டே கிருஷ்ணா

2011-08-21T08:31:00.002+05:30

வலைபூவுக்கென்று பதிவெழுதி ரொம்ப நாள் ஆச்சு. இன்னிக்கு நம்ம கிருஷ்ணருக்கு பிறந்தநாள். எனக்குப்(திவ்யாவுக்குப்) பிடிச்ச சில கிருஷ்ணன் பாட்டுகளை போடறேன்.

அனைவருக்கும் கோகுலாஷ்டமி வாழ்த்துகள்.

கடைசியாக....

அன்புடன் எல்கே

விடைத் தெரியாக் கேள்விகள்

2011-08-20T09:46:00.001+05:30

சென்ற ஆட்சியில் தலைமை செயலகத்துக்காகக் கட்டப்பட்ட கட்டிடத்தை பல் துறை உயர் சிறப்பு மருத்துவமனையாக மாற்றப்போவதாக நேற்று சட்டசபையில் முதல்வர் அறிவித்துள்ளார். நல்ல விஷயம்தான் . பல கோடி மக்கள் வரிப்பணம் கொண்டு கட்டப்பட்ட கட்டிடத்தை வீணடிக்காமல் எதாவது ஒரு வகையில் பயன்படுத்தப்போகின்றார்கள் . மக்களுக்கு உபயோகம் ஆகும் வகையில் அந்தக் கட்டிடம் இருக்கும் என்ற வகையில் மகிழ்ச்சியே. மேலும் அங்கு தலைமை செயலகம் வந்தபொழுது, அருகில் இருக்கும் ரிச்சி ஸ்ட்ரீட் கடைக்காரர்கள் பாதுகாப்புக் காரணங்களால் தங்களை அங்கிருந்து அகற்றிவிடுவார்களோ என்று அஞ்சினர். இப்பொழுது அது நடக்காது. அந்த வகையிலும் மகிழ்ச்சியே.

ஆனால் , சிலக் கேள்விகள் மனதில் எழுவதைத் தவிர்க்க இயலவில்லை .

அந்தக் கட்டிடம் கட்டியதில் ஊழல் என்று சொன்னார்கள். அது சம்பந்தமான விசாரணை நிலுவையில் இருக்கும் பொழுது எதற்கு இந்த முடிவு ?

மருத்துவமனையாக மாற்றவேண்டும் என்றால் அதற்கு இன்னும் பல மாற்றங்களை செய்யவேண்டி இருக்கும். ஏற்கனவே நிதிப் பற்றாக்குறையில் இருக்கும் அரசு இதற்கு நிதிக்கு எங்கே செல்லப்போகிறது ?

ஏற்கனவே கட்டப்பட்டக் கட்டிடத்தை மாற்றியமைத்தல் மிகக் கடினம். புதியக் கட்டிடத்தை கட்டுவதை விட இருக்கும் கட்டிடத்தை மாற்றியமைத்தல் சிரமங்கள் அதிகம். அதற்கு இன்னும் எத்தனை மாதங்கள் ஆகும் ?

இப்படி பலக் கேள்விகள் அனைவரின் மனதிலும் எழுந்துள்ளன. இதற்கு முதல்வர் விடை சொல்வாரா ?

அன்னா ஹசாரே

ஏற்கனவே அன்னா ஹசாரே முன்னுக்குப் பின் முரணாக பேசுகிறார் என்று சொல்லியிருந்தேன். நேற்று மீண்டும் அதை நிரூபித்துள்ளார். பதினைந்து நாட்கள் உண்ணாவிரதம் இருப்போம் என்று ஒத்துக்கொண்டு சிறையில் இருந்து வெளியே வந்த அன்னா ஹசாரே இப்பொழுது லோக்பால் மசோதா நிறைவேறும் வரை உண்ணாவிரதம் என்று சொல்லியுள்ளார். இப்படி முன்னுக்குப் பின் முரணாக பேசுபவரை நம்பி பலர் அவர் பின் செல்கின்றனர். அவர்கள் நிலைமை ???

தனிமனிதராகப் பார்த்தால் அன்னா ஹசாரே மிக நல்லமனிதர்தான். ஆனால் அவரைச் சுற்றி இருக்கும் கோமான்கள் அவரை குழப்பித் தவறானாப் பாதையில் அழைத்து செல்கின்றனரோ என்ற சந்தேகம் எழுவதைத் தவிர்க்க இயலவில்லை.

அதீதத்தில் படிக்க http://tinyurl.com/3tybeob

என்ன கொடுமை இது ?

2011-08-18T09:47:00.001+05:30

எம் பி ஏ

அகில இந்திய தொழில் நுட்ப கவுன்சில் நேற்று ஒரு அறிவிப்பை வெளியிட்டுள்ளது. அதன்படி இனி எம் பி ஏ படிப்பிற்கு நாடு முழுவதும் ஒரே நுழைவுத் தேர்வு நடத்தப்படும் . இப்பொழுது நடைமுறையில் இருக்கும் தனித் தனி நுழைவுத் தேர்வுகளை ரத்து செய்து ஒரே நுழைவுத் தேர்வாக மாற்ற இது வழிவகுக்கும்.

ஆனால் இது பொருளாதார ரீதியாகப் பின்தங்கியிருக்கும் மாணவர்களுக்கு மேலும் பாதிப்பை உண்டுபண்ணும். தேசிய அளவிலான நுழைவுத் தேர்வுகளுக்கு தனியாக கோச்சிங் செல்வது என்பது அவர்களால் இயலாத காரியம். அவர்களும் எளிதாக எஞ்சினியரிங் படிக்க வேண்டும் என்பதற்காகத்தான் தமிழகத்தில் நுழைவுத் தேர்வு ரத்து செய்யப்பட்டது.

தொடர்ந்துப் படிக்க http://tinyurl.com/3s2kzca

முதல்வருக்கு இது அழகல்ல

2011-08-16T16:37:00.000+05:30

நேற்றைய சுதந்திர தின விழாவில் கொடியேற்றி விட்டு முதல்வர் பேசியது ஒரு மாநிலத்தின் முதல்வருக்கு பெருமை சேர்க்கக் கூடியவகையில் இல்லை. அதுவும் அனைவருக்கும் சுதந்திரதின வாழ்த்துகளை சொல்லிவிட்டு அவர் பேச்சைத் துவங்கிய விதமே சரியாக அமையவில்லை. அவர் கூறியது

64 ஆண்டுகளுக்கு முன்னர் சுதந்திரம் பெற்றதைக் கொண்டாடும் நேரத்தில், கடந்த அணித்து ஆண்டுகளாக அடிமைப்படுத்தி இருந்த விலங்கு இப்பொழுது தகர்த்து எறியப்பட்டுள்ளதையும் மக்கள் உவகையுடன் கொண்டாடி வருகின்றனர்

இது தவறான ஒரு செய்கையாகும். நாட்டின் சுதந்திர தினத்தை கொண்டாடும் நேரத்தில் அது சம்பந்தமான பேச்சுகளும், மாநில முன்னேற்றத்துக்கு எடுக்கப்போகும் நடவடிக்கைகளை பற்றி மட்டுமே பேசியிருக்கவேண்டும்.

தொடர்ந்துப் படிக்க http://tinyurl.com/3pattcy

நாட்டு நடப்பு - சுடச் சுட

2011-08-12T11:18:00.001+05:30

மெல்ல எழும் எதிர்ப்புகுரல், முன்னெடுக்கும் தமிழக முதலமைச்சர்

இலங்கை அரசு இறுதிக்கட்டப் போரின் பொழுது தமிழர்களின் மீது நடத்திய கோரத் தாண்டவத்தில் நடைபெற்ற மனித உரிமை மீறல் மற்றும் போர்குற்றங்களுக்காக இலங்கையின் மீது பொருளாதாரத் தடை விதிக்க வேண்டும் என்று கடந்த ஜூன் மாதன் தமிழக சட்டசபையில் தீர்மானம் நிறைவேற்றப்பட்டிருந்தது.

இந்நிலையில் பி பி சிக்கு பேட்டி அளித்த கோத்தபாய ராஜபக்ஷே "அரசியல் ஆதாயம்" பெறவே அத்தகைய தீர்மானம் நிறைவேற்றப்பட்டதாக சொல்லியிருந்தார். நேற்று சட்டசபையில் இது குறித்து பேசிய முதல்வர் ஜெயலலிதா கோத்தபாயவின் பேச்சுக்கு கடும் எதிர்ப்புத் தெரிவித்தார்.

மேலும் அவர் பேசுகையில்...

தொடர்ந்துப் படிக்க http://tinyurl.com/42d46mq

மூன்றாவது-டெஸ்ட்-போட்டி-முன்னோட்டம்

2011-08-09T20:21:00.001+05:30

நாளை இந்திய இங்கிலாந்து அணிகளுக்கு இடையே மூன்றாவது டெஸ்ட் போட்டி பிர்மிங்காமில் துவங்குகிறது. இந்தப் போட்டியில் இங்கிலாந்து வெற்றிப்பெற்றால் டெஸ்ட் தரவரிசையில் முதல் இடத்தைப் பிடிக்கும். அதேப் போல் தோனி ,அவரது தலைமையில் முதல் டெஸ்ட் தொடர் தோல்வியை சந்திப்பார். இப்படி பல வகையிலும் முக்கியத்துவம் வாய்ந்ததாக இந்தப் போட்டி உள்ளது

தொடர்ந்துப் படிக்க http://tinyurl.com/3jjnoba

அதீதத்தில் உங்கள் படைப்புகள் இடம் பெற

அதீததிற்கான படைப்புகளை (சிறுகதை/கவிதை/கட்டுரை / புத்தக அறிமுகம்/விமர்சனம் ) அனுப்பும் பொழுது கீழ்க்கண்ட விஷயங்களை கவனத்தில் கொள்ளுங்கள்.

இதுவரை வேறு எந்தத் தளத்திலும் வராத படைப்பாக இருக்கவேண்டும்.

படைப்புகளின் காப்புரிமை படைப்பாளிகளுக்கே.

அதீதம் இதழுக்கான படைப்புகளை அனுப்ப வேண்டிய முகவரி articlesatheetham@gmail.com.

அன்புடன் எல்கே

கிரிக்கெட் ரவுண்ட் அப்

2011-08-07T11:22:00.000+05:30

இங்கிலாந்துக்கு எதிரான ஒருதினப் போட்டிகளுக்கான இந்திய அணி நேற்றுத் தேர்வு செய்யப்பட்டுள்ளது. அனைவருக்கும் அதிர்ச்சி அளிக்கும் வகையில் ராகுல் திராவிட் அணிக்கு மீண்டும் அழைக்கப்பட்டுள்ளார். எதற்காக அவரை இப்பொழுது அணியினால் சேர்த்துள்ளனர் என்றுப் புரியவில்லை. ஒரு காலத்தில் டெஸ்ட் போட்டிகளுக்கு மட்டுமே ஏற்றவாறு இருந்த திராவிட் ஒருதினப் போட்டிகளுக்கு ஏற்றவாறு தன்னை மாற்றிக் கொண்டாலும், இப்பொழுது இருக்கும் பவர் ப்ளே நேரங்களுக்கு ஏற்றவாறு ஆட இயலுமா அவரால் என்றுத் தெரியவில்லை. அதேப்போல் பீல்டிங் அவரால் ரைனா கோஹ்லி போன்றோருக்கு ஈடு கொடுக்க இயலாது. மைதானத்தில் சுறுசுறுப்பாக பந்தைத் தடுப்பாரா என்றும் தெரியவில்லை. அடுத்த உலகக் கோப்பைக்கு அணியை தயார் செய்யாமல் இந்தத் தொடரை மட்டுமே மனதில் வைத்து தொலைநோக்குப் பார்வை இல்லாத அணித் தேர்வு.

தொடர்ந்துப் படிக்க http://tinyurl.com/௩ஒக்க௨௫ந்

அன்புடன் எல்கே

மைக்கேல் வாகனும் தோனியின் தவறான முடிவும்

2011-08-01T09:48:00.001+05:30

இந்தப் போட்டியில் பல சர்ச்சைகள் எழுந்துள்ளன. இரண்டாம் நாள் ஆட்டத்தில் லக்ஷ்மனுக்கு நாட் அவுட் கொடுத்தது பல முன்னால் இங்கிலாந்து வீரர்களை எரிச்சல் அடைய செய்துள்ளது . ஹாட் ஸ்பாட் பால் பேட்டில் பட்ட மாதிரி காட்டவில்லை. ஆனால் சிறிது சப்தம் மட்டும் வந்தது. பந்து பேட்டில் பட்டதா இல்லையா என்ற சந்தேகம் தொழில்நுட்ப உதவியாலும் தீர்க்க இயலாததால் அவுட் இல்லை என்று அம்பையர்கள் முடிவு செய்தனர்.

ஆனால் இங்கிலாந்து அணியின் முன்னால் கேப்டன் மைக்கேல் வாகன் லக்ஷ்மன் பேட்டில் வாசிலைன் தடவி இருந்தார் அதனால் அது ஹாட் ஸ்பாட்டில் தெரியவில்லை என்று ட்விட்டரில் எழுதி ஒருப் புயலைக் கிளப்பி உள்ளார் .பொதுவாக இளம் இந்திய வீரர்களைத் தவிர்த்து , திராவிட்,லக்ஷ்மன்,சச்சின் போன்றோர் அமபையர் அவுட் கொடுத்தால் அது தவறாக இருந்தாலும் முகம் கோணாது களத்தில் இருந்து வெளியேறி விடுவார்கள்

தொடர்ந்துப் படிக்க http://tinyurl.com/3ns49t5

தோனியால் தடுமாறிய இந்தியா ..

2011-07-31T07:55:00.000+05:30

இந்தியாவின் வலுவான மிடில் ஆர்டருக்கும் வலுவிழந்த டெயில் என்டர்களுக்கும் இடையில் இருக்கும் பாலம் தோனி. எனவே பந்து வீச்சாளர்களுக்கு சாதகமான இங்கிலாந்து ஆடுகளங்களில் அவரது ஆட்டம் மிக்க முக்கியமானது. சிறிது நேரம் களத்தில் இருந்தால் அதன்பின் ஆட்டத்தின் போக்கை மாற்றக் கூடிய திறன் படைத்தவர் தோனி. சமீபக் காலங்களில் அவரது ஆட்டம் சொல்லும்படியாக இல்லாவிடினும் அவர் களத்தில் இருந்தால் எதிரணியினருக்கு சிறிது பயம் இருந்துக் கொண்டேதான் இருக்கும். முதல் டெஸ்டில் கீப்பிங் மற்றும் பேட்டிங்கில் சொதப்பிய தோனி நேற்றும் தனது சொதப்பலான ஆட்டத்தை வெளிப்படுத்தினார்.

மறுமுனையில் சதமடித்த திராவிட் இருக்கையில் ஆட வந்த உடனேயே அடித்து ஆடவேண்டிய அவசியம் இல்லை. அதேப்போல் அப்பொழுதுதான் புது பந்து எடுக்கப்பட்டு இருந்தது.

தொடர்ந்துப் படிக்க http://tinyurl.com/௩மொக்க்ம௬

அன்புடன் எல்கே

மாற்றம் கொடுத்த ஸ்ரீஷாந்த்

2011-07-30T09:40:00.001+05:30

சமீப பத்தாண்டுகளாய் உலகில் உள்ள பெரும்பான்மையான பிட்ச்கள் அதன் வேகத்தை இழந்து வருகின்றன. குறிப்பாய் சொல்லவேண்டுமென்றால் , மேற்கிந்திய தீவுகளில் உள்ள பிட்ச்கள் அதன் அணியைப் போன்றே தங்கள் தரத்தையும் இழந்து விட்டன. ஒரு காலத்தில் அந்த பிட்ச்களில் விளையாட வெளிநாட்டு அணியினர் பயப்படுவர். இதை எதற்கு சொல்கிறேன் என்றால், பிட்ச்கள் வேகமும் ச்விங்கும் இழந்ததால் , ரன் குவிப்பது எளிதாகிவிட்டது. இதனால் நல்ல பாதுகாப்பு ஆட்டம் ஆடக்கூடிய பேட்ஸ்மேனை காண்பது அரிதாகிவிட்டது. இந்தியாவில் திராவிட், தென்னாப்ரிக்காவில் கல்லிஸ் இதன்பிறகு அடுத்த பேட்ஸ்மேன் யார் வரப்போகிறார்கள் இவர்களைப் போல ??

தொடர்ந்துப் படிக்க http://tinyurl.com/3hl8hpa

எழுச்சிப் பெறுமா இந்திய அணி?

2011-07-29T11:56:00.001+05:30

முதல் டெஸ்ட்டில் இந்தியா படுதோல்வி அடைந்துள்ள நிலையில் இரண்டாவது டெஸ்ட்டில் எப்படி விளையாடுவார்கள்.முதல் டெஸ்ட்டில் பெற்ற அடியில் இருந்து மீண்டு வருவார்களா என்ற கேள்வி இந்திய கிரிக்கெட் ரசிகர்கள் மனதில் இப்பொழுது இருக்கும் மிக முக்கியக் கேள்வி ஆகும்.

சமீபக் கால இந்திய அணியின் ஆட்டங்களைப் பார்த்தால் , வெளிநாடுகளில் விளையாடும்பொழுது பெரும்பாலும் முதல் டெஸ்ட்டில் சொதப்புவதும் இரண்டாவது டெஸ்ட்டில் சிறப்பாக விளையாடுவதும் இந்திய அணியின் வழக்கமான ஸ்டைல் ஆகிவிட்டது. எனவே நான் இங்கிலாந்து அணியின் கோச் அல்லது கேப்டனாக இருந்தால் இன்று மிகக் கவலைக் கொள்வேன். கடந்த வருட இறுதியில் தென்னாப்ரிக்கவிற்கு எதிரான தொடரிலும் இதே போன்று முதல் டெஸ்ட்டில் மிக மோசமாக விளையாடிவிட்டு இரண்டாவது டெஸ்ட்டில் சிறப்பான ஆட்டத்தை கொடுத்தனர். அது மீண்டும் தொடரும் என்று எதிர்பார்ப்போம்.

தொடர்ந்துப் படிக்க http://tinyurl.com/3rqqph9

மூன்றெழுத்து (தொடர் பதிவு )

2011-07-28T20:02:00.003+05:30

இந்தத் தொடருக்கு என்னை அழைத்த நண்பர் சேட்டைக்காரனுக்கு என் நன்றிகள்

1) நீங்கள் விரும்பும் மூன்று விஷயங்கள்?

பேருந்துகளில் நீண்ட பயணம்

அதிகாலை தனிமையில் பாட்டுக் கேட்பது
பேசிக் கொண்டே இருப்பது

2) நீங்கள் விரும்பாத மூன்று விஷயங்கள்?

சமீபத்திய தமிழ் சினிமா பாட்டுகள்

இரைச்சல்கள்

அடுத்தவரைப் பற்றிய அவதூறுகள்

3) பயப்படும் மூன்று விஷயங்கள்?

அதிக உயரம்
சில சமயங்களில் எதிர்காலம்

என் பதிவை படிச்சிட்டு யாரவது எதிர் பதிவு எழுதுவாங்கலோன்னு

4) உங்களுக்குப் புரியாத மூன்று விஷயங்கள்?

இலக்கியம் என்று சிலர் எழுதுவது

எவ்வளவு முயற்சி செஞ்சும் புரியாமல் போனது காலேஜில் பிசிக்ஸ்
சில சமயங்களில் சில நபர்களின் பேச்சு

5) உங்கள் மேஜையில் உள்ள மூன்று பொருட்கள்?

* லேண்ட்லைன் போன்
* ஸ்பீக்கர்

* முத்தொள்ளாயிரம்

6) உங்களைச் சிரிக்க வைக்கும் மூன்று விஷயங்கள் அல்லது மனிதர்கள்?

* எனது குழந்தையின் சேட்டைகள்.

* சிலரது கூகிள் பஸ்கள்

* இணையத்தில் நடைபெறும் சில விவாதங்கள் .

7) தாங்கள் தற்போது செய்து கொண்டு இருக்கும் மூன்று காரியங்கள்?

* ஜெயமோகனின் "பத்ம வியூகம்" படித்துக் கொண்டிருக்கிறேன் .

* ரிவர்ஸ் லாஜிஸ்டிக்ஸ் படிப்பது .

* அதீததிற்காக அடுத்த மேட்ச் பற்றிய ப்ரிவியு .

8) வாழ் நாள் முடிவதற்குள் செய்ய நினைக்கும் மூன்று காரியங்கள்?

* சொந்தமாக ஒரு வீடு.

* ஒரு அறக்கட்டளை அமைப்பது .

* ஒரு புத்தகம் எழுதுவது .

9) உங்களால் செய்து முடிக்கக் கூடிய மூன்று விஷயங்கள்?

எல்லாமே செஞ்சு முடிக்க முடியும் (நம்பிக்கைதானே வாழ்க்கை )

10) கேட்க விரும்பாத மூன்று விஷயங்கள்?

அடுத்தவர்களை பற்றி புறம் பேசுவது
பொய்கள்
இந்த வருஷம் அப்ரைசல் இல்லை என்று என் மேனேஜர் சொல்லுவது

11) கற்றுக் கொள்ள விரும்பும் மூன்று விஷயங்கள்?

மிருதங்கம்
பிரெஞ்சு
வெப் டிசைனிங்

12) பிடித்த மூன்று உணவு வகைகள் ?

சைவ உணவு அனைத்துமே பிடிக்கும்

13) அடிக்கடி முணுமுணுக்கும் மூன்று பாடல்கள்?

* குறை ஒன்றுமில்லை மறைமூர்த்திக் கண்ணா ...

* உனக்கென்ன மேலே நின்றாய் ஓ நந்தலாலா...

* நாதவிநோதங்களும் (சலங்கை ஒலி)

14) பிடித்த மூன்று படங்கள்?

பொதுவா அப்படி சொல்றது கஷ்டம். எல்லா ரஜினி படமும்

15) இது இல்லாம வாழ முடியாதுனு சொல்லும்படியான மூணு விஷயம்?

அப்படி எதுவும் இல்லை. எதுவுமே நிரந்தரம் இல்லை. சோ எது இல்லாமையும் வாழ முடியும்

16) இதை எழுத அழைக்கப்போகும் மூன்று நபர்?

கீதா சாம்பசிவம்
அப்பாவி தங்கமணி

ராஜகோபாலன்

அன்புடன் எல்கே

முதல் டெஸ்ட் தோல்வி அடுத்து என்ன....??

2011-07-26T09:13:00.001+05:30

ஓரளவு எதிர்பார்த்தவாறே முதல் டெஸ்ட்டில் இந்தியா படுதோல்வியை சந்தித்துவிட்டது. நேற்றைய ஆட்டத்தைப் பற்றி சொல்லப் பெரிதாக எதுவும் இல்லை. லக்ஷ்மனும் ரைனாவும் தோல்வியைத் தவிர்க்கப் போராடினார்கள். மற்ற யாரும் குறிப்பிட்டு சொல்லும் அளவிற்கு ஆடவில்லை. இந்திய அணியின் தோல்விக்குக் காரணங்களைப் பார்ப்போம்

முதல் கோணல்

டாஸ் ஜெயித்து பந்துவீச்சுக்கு சாதகமான சூழ்நிலையில் முதல் இரண்டுமணி நேரம் ஜகீர்கானைத் தவிர்த்து மற்ற இரண்டு பேரும் சரியாக பந்துவீசாதது மிகப் பெரிய பின்னடைவு. உணவு இடைவேளைக்கு முன்பு இரண்டு அல்லது மூன்று விக்கெட்கள் வீழ்ந்திருந்தால் இங்கிலாந்திற்கு அது ஒரு பின்னடைவாக இருந்திருக்கும். ஜகீர் காயம் அடைந்தது அடுத்தப் பிரச்சனையாக அமைந்தது.

தொடர்ந்துப் படிக்க http://tinyurl.com/3hzkcpq

தோல்வியைத் தவிர்க்குமா இந்தியா ??

2011-07-25T09:16:00.001+05:30

இந்தியா இன்று முழுவதும் போராடினால் மட்டுமே போட்டியை டிரா செய்ய முடியும். இன்னும் ஒன்பது விக்கெட்களே கைவசம் உள்ள நிலையில் , அதிலும் கம்பீர் இடது கை முட்டியில் அடிபட்டு எப்பொழுது களம் இறங்குவார் என்றுத் தெரியாத நிலையில் , சச்சின் அவரது வழக்கமான இடத்தில் விளையாட முடியாத நேரத்தில் இந்தியா இந்த போட்டியை டிரா செய்யுமா ? இந்திய வீரர்கள் கிட்டதட்ட நூறு ஓவர்கள் சமாளிக்க வேண்டும் . ஆனால் இப்பொழுது இருக்கும் இந்திய அணி நெருக்கடி வரும்பொழுதெல்லாம் சமாளித்து ஆடி இருக்கிறது.

தொடர்ந்துப் படிக்க http://tinyurl.com/4xlyvck

இந்தியப் பெருஞ்சுவர்

2011-07-24T08:14:00.000+05:30

பதினைந்து வருடங்களுக்கு முன்பு லார்ட்ஸில் தனது முதல் டெஸ்ட் போட்டியில் தனது சதத்தை ஐந்து ரன்களில் தவறவிட்ட அவர் , நேற்று லார்ட்ஸ் மைதானத்தில் தனது முதல் சதத்தை பூர்த்தி செய்தார். சமீப காலமாக ,குறிப்பாக உலகக்கோப்பை ஜெயித்ததில் இருந்து , டெஸ்ட் அணியில் இருந்து லக்ஷ்மண், திராவிட் ஆகியோர் ஓய்வுப் பெறவேண்டும் என்றக் குரல் மீடியாக்களிலும் ,ரசிகர்களிடமும் அதிகரிக்கத் துவங்கியுள்ளது. அவர்கள் சொல்லும் காரணம் திராவிட் அடித்து ஆடுவதில்லை. மிக மெதுவாக ஆடுகிறார். அவரால் இந்தியா ஆட்டத்தை வெல்ல முடியாமல் போகிறது . வயதாகிவிட்டது எனவே இளைஞர்களுக்கு வழி விடவேண்டும் போன்றக் குரல்கள் மிக அதிகமாகிவிட்டது. அதுவும் முதல் இன்னிங்க்சில் அவர் ஒரு கேட்சைத் தவறவிட்டவுடன் இன்னும் அதிகமாகிவிட்டது.

தொடர்ந்துப் படிக்க.....

http://tinyurl.com/3tmneux

அன்புடன் எல்கே

அதீதத்தில் நான்

2011-07-22T08:56:00.000+05:30

பதிவெழுதுவதில் இருந்து கொஞ்ச நாள் விடுமுறை சொல்லி இருந்தேன். அதே சமயத்தில் அதீதம் இதழில் இருந்து "இந்தியா - இங்கிலாந்து டெஸ்ட் போட்டிகளில் " ஒவ்வொரு நாள் ஆட்டத்தை பற்றியும் எழுதித் தரமுடியுமா என்றுக் கேட்டார்கள்.

இணைய இதழில் எனக்கு பிடித்த கிரிக்கெட் பற்றி எழுதக் கேட்டதால் மறுக்கத் தோணவில்லை. எனவே இன்றிலிருந்து இந்தத் தொடர் முடியும் வரை ஒவ்வொரு நாள் ஆட்டத்தைப் பற்றியும் அடுத்த நாள் காலை என்னுடைய கருத்துகள் அங்கு வரும். நேற்றைய ஆட்டத்தைப் பற்றிப் படிக்க கீழே உள்ள சுட்டியை சொடுக்கவும்

http://tinyurl.com/3bnt8vg

வியாபாரம் 13

2011-07-10T08:03:00.001+05:30

மிக நிதானமாக யோசித்து யோசித்து நடப்பவன் போல வந்துக் கொண்டிருந்தான். பாலத்தின் அடியில் இரவு தந்த இருளின் மறைவில் சில போலீசார் தயாராக இருந்தனர்.

அதே நேரத்தில் அவனை இறக்கி விட்டு பறந்த காரை , கலெக்டர் ஆபிஸ் ரவுண்டானாவில் போலீசார் மடக்கி இருந்தனர். அங்கும் இருட்டுதான் அவர்களுக்கு உதவி செய்தது.

பாலத்தை நெருங்கும் வரை வேகமாய் நடந்தவன், அதனருகே வந்தவுடன் தன் நடையில் வேகத்தைக் கூட்டினான். வாகனங்களை தடுக்கும் வகையில் போடப்பட்டிருந்த தடுப்புகளின் வழியே நுழைந்து வெளியேற முயன்றவனை
அவனை சுற்றி சூழ்ந்த போலீசார் கைது செய்தனர்.

அரை மணி நேரம் கழித்து, கமிஷனர் அறையில் , சேலம் மாநகர கமிஷனர் முன்பு சேகர், ஜெய்யுடன் அமர்ந்திருந்தார்.

"ஆறு மாசம் முன்னாடி ரமேஷ் செட்டியார்கிட்ட கடன் கேட்டு இருக்கான் .இன்னும் ஒரு கார் வாங்கி ட்ராவல்ஸ்ல விட்டா கொஞ்சம் காசு பார்க்கலாம்னு ஆசை . யார்யாருக்கோ கொடுத்து உதவி பண்ணி இருந்த செட்டியார் , என்ன நினைச்சாரோ தெரியலை, கொஞ்ச நாள் கழிச்சு பார்க்கலாம்னு சொல்லித் தட்டிக் கழிச்சிட்டே இருந்திருக்கார்.

அந்த நேரத்தில்தான் இந்த ரெண்டு பேரும் ரமேஷுக்கு பழக்கமாகி இருக்காங்க. அவங்கதான் கடத்தற ஐடியாவை அவனுக்குக் கொடுத்து இருக்காங்க. எல்லாம் சரியாதான் பண்ணாங்க. ஆனால் செல்போன்தான் இவங்க சிக்கினதுக்கு முக்கியக் காரணம்.

இதுல ஜெய் பிடிச்ச ரமேஷோட ப்ரெண்டும் முக்கியக் காரணம். அவன் மாட்டியதில்தான் அவங்க கார் பத்தி விஷயம் தெரிஞ்சு அதுக்கேத்த மாதிரி ப்ளான் பண்ண முடிஞ்சது.

"வெல் . குட் வொர்க் சேகர் " என்ற கமிஷனரின் பாராட்டுக்கு புன்னகையுடன் தலையசைத்து எழுந்து சல்யுட் அடித்து விட்டு வெளியேறினான் சேகர்.

அடுத்த நாள் காலை பேப்பர்களில் " கடத்தல்காரர்கள் கைது " என்றத் தலைப்பு செய்தியுடன் சேகரின் போட்டோவும் வெளியாகி இருந்தது.

- வியாபாரம் முடிந்தது

பி . கு. அதிகம் இடைவெளி விட்டு எழுதியதால் கொஞ்சம் சுவாரசியம் குறைந்துவிட்டதோ என்று எண்ணுகிறேன். வியாபாரம் முடிச்ச கையோட கடையைக் கொஞ்ச நாள் சாத்தலாம்னு முடிவு பண்ணிட்டேன். எனவே ஒரு தற்காலிக விடுமுறை எழுதுவதில் இருந்து மட்டுமே .(நிம்மதின்னு அ(ட)ப்பாவி தங்கமணி பெருமூச்சு விடறது தெரியறது இங்கே )

அன்புடன் எல்கே

வியாபாரம் 12

2011-07-06T07:20:00.001+05:30

பழைய வியாபாரங்களைப் பார்க்க

சிறிதுநேரம் முயற்சி செய்துபார்த்தும் அவன் எண் கிடைக்கவில்லை. என்ன செய்வது என்ற யோசித்துவிட்டு சேலம் வழியாக சுற்றி செல்வதுதான் ஒரே வழி என்று முடிவு செய்தனர். முடிவு செய்தவண்ணம் திரும்பவும் வந்தவழியே செல்ல ஆரம்பித்தனர். முதலில் எதிர்பட்ட செக்போஸ்ட்டில் எந்தவிதப் பிரச்னையும் இல்லாதக் காரணத்தால் சேலம் நகரை நோக்கி வேகமாக சென்றுக் கொண்டிருந்தனர்.

அதே நேரத்தில் அங்கே சேகர் ராஜுவிடம்

"சொல்லுங்க எத்தனை மணிக்கு உங்க கார் காணாம போச்சு ? '

"ஒரு ரெண்டு மணி இருக்கும் சார் "

"காரை எங்க நிறுத்தி இருந்தீங்க ?"

"வழக்கமா நிறுத்தற இடத்தில்தான் சார். எங்க சந்துக்குள்ள கார் வராது. மெயின் ரோட்ல நிறுத்தி இருந்தேன் ."

"கார் லாக் பண்ணி இருந்தீங்களா ??"

"பண்ண மாதிரி நியாபகம் இருக்கு சார் "

"இதுக்கு முன்னாடி அந்த ஏரியாவில் கார் காணாம போயிருக்கா ?"

"இல்லை சார்."

"ம்ம். வண்டி நம்பர் என்ன சொன்னீங்க ? "

அவன் சொன்ன வண்டி எண்ணை நோட் செய்த சேகர் , கண்ட்ரோல் ரூமை தொடர்புக் கொண்டார் .குறிப்பிட்ட எண் காரை மடக்க சொல்லி செக்போச்ட்களுக்குத் தகவல் கொடுக்க சொன்னார்.

"ரமேஷை எத்தனை வருசமாத் தெரியும் ?"

"சின்ன வயசில் இருந்தேத் தெரியும் " என்று சொல்லிய ராஜு, ஜெயிடம் ஏற்கனவே சொன்னதைத் திரும்ப சொல்லத் துவங்கினான்.

"சோ, ரொம்ப நாள் பழக்கம் . அவன் ஒருத்தரைக் கடத்த காரைக் கொடுத்து இருக்க . கரெக்ட் ?"

"கடத்தலா ? நான் காரைக் கொடுத்தானா ?"

"ரொம்ப நடிக்காத . ஒழுங்கா உண்மையை ஒத்துக்க. உன் பிரெண்ட் ரமேஷ் எல்லாத்தையும் சொல்லிட்டான் . இனி நடிச்சு பிரயோஜனம் இல்லை . ஒழுங்கா உண்மையை சொன்னா உனக்கு அதிகம் பிரச்சனை இல்லை. கேசை வேற மாதிரி கொண்டு போய்டறேன். இல்லை இன்னமும் கார் காணாம போச்சுன்னு சொல்லிட்டு இருந்தா என்ன பண்றதுன்னு எனக்குத் தெரியும் ?"

ரமேஷ் எல்லாவற்றையும் சொல்லிவிட்டான் என்றுத் தெரிந்தவுடன் ,ராஜுவிற்கு இனித் தான் நடித்துப் பிரயோஜனம் இல்லை என்று விளங்கிவிட்டது.

"கார் நான்தான் கொடுத்தேன். ஆனால் அது கடத்தரதுக்குன்னு சத்தியமா எனக்குத் தெரியாது சார் ."

"குட். ஜெய் ஒரு ஸ்டேட்மென்ட் எழுதி வாங்கிடுங்க . அந்த ரமேஷோட மொபைல் எங்க."

"இதோ இங்க இருக்கு சார் ."

அந்த போனை கையில் வாங்கி சிறிது நேரம் யோசித்த சேகர் பின் ராஜுவிடம் "நீ காரைக் கொண்டு போய் கொடுத்தவங்க மொபைல் நம்பர் இருக்கா ?"

"இருக்கு சார் "

"சரி ஒரு வேலை பண்ணு . அவர்களுக்கு போன் பண்ணி எங்க இருக்காங்கன்னு கேளு . யார் கேட்க சொன்னான்னு கேட்ட , ரமேஷ்தான் கேட்க சொன்னார். அவருக்கு சின்ன விபத்துன்னு ஒரு பொய் சொல்லு ."

"ஓ ஓகே சார்."

ராஜுவிடம் அவனோட மொபைல் போனைக் கொடுத்தார் ஜெய் .

ரமேஷின் நண்பர்களின் எண்ணை அதில் தேடி எடுத்து அழைத்தான். சில ரிங் சென்றப் பிறகு

"ஹலோ "

"சார் நாந்தான் ராஜு பேசறேன்."

"என்ன விஷயம் ? அதான் கார் ரெண்டு நாளில் தரேன்னு சொன்னோம் தானே ?"

"அதில்லை சார். ரமேஷுக்கு ஆக்சிடென்ட். ஆஸ்பத்திரில சேர்த்து இருக்காங்க ."

"எந்த ஆஸ்பத்திரி ?"

இங்கு என்ன பதில் சொல்வது என்று ராஜுவிற்கு தெரியவில்லை .

சிறிது யோசித்துவிட்டு "எனக்குத் தெரியலை சார். இப்பதான் அவங்க அம்மா சொல்லிட்டு போச்சு. கேட்டுட்டு போன் பண்றேன். " என்று சொல்லிவிட்டு லைனை கட் செய்தான்.

'எந்த ஆஸ்பத்திரி சார் சொல்றது ?"

"ஜெய் இந்த டைம்ல எந்த ரோட் ப்ரீயா இருக்கும் ?"

"ஏன் சார் ?"

" இவங்களை அங்க வர சொல்லிடலாம். ட்ராபிக் இல்லாத ஏரியாவா இருந்தா வசதியா இருக்கும் ."

"சென்ட்ரல் இறக்கம் பிரீயாதான் இருக்கும் "

"அப்ப கவர்ன்மென்ட் ஆஸ்பத்திரிக்கு வரவெச்சிடலாம்."

"ராஜு, முதல்ல அவங்க எங்க இருக்காங்கனு கேளு. அப்புறம் கவர்ன்மென்ட் ஆஸ்பத்திரிக்கு உடனடியா வர சொல்லு

மறுபடியும் அவர்களை அழைத்த ராஜு "சார் எங்க இருக்கீங்க இப்ப ?"

"இப்ப அம்மாபேட்டை வழியா வந்துகிட்டு இருக்கோம் ."

"சரி அப்ப நேர கவர்ன்மென்ட் ஆஸ்பத்திரிக்கு வந்திருங்க சார். கொஞ்சம் சீரியஸ்னு சொல்றாங்க "

"ம்ம். சரி ஒரு அரைமணி நேரத்துல அங்க இருப்பேன் ."

அழைப்பைத் துண்டித்தவன், காரை ஓட்டிக் கொண்டிருப்பவனைப் பார்த்து "என்ன பண்ணலாம் ? ரமேஷ் இப்ப ஹாஸ்பிட்டல்ல இருக்கான் . அவனைப் போய் பார்ப்போமா இல்லை ...?

"ரெண்டு பேரும் போறது ரிஸ்க். நான் கொஞ்சம் தூரம் முன்னாடி வண்டியை நிறுத்திடறேன். நீ மட்டும் தனியா போய் பார்த்துவிட்டு வா. இவரை வண்டில வெச்சிகிட்டு அங்க போறது ரொம்ப ரிஸ்க். நீ இறங்கினவுடனே நான் வண்டியை மூவ் பண்ணிடுவேன். உள்ள போயிட்டு வந்தவுடனே போன் பண்ணு ,வந்து பிக் பண்ணிக்கறேன். "

"ம்ம் அதுவும் சரிதான் ...."

அவர்கள் காரை அங்கிருந்து கிளப்பினர்.

அதே சமயத்தில் , சேகர் அங்கு அவர்களை மடக்க தேவையானவற்றை செய்துக் கொண்டிருந்தார். அவர்கள் ஆஸ்பத்திரியை அடைய இரண்டு வழிகளே இருந்ததால் ,அந்த வழிகளில் போலிசை மப்டியில் நிறுத்தினார். ஆஸ்பத்திரிக்கு முன்பு இருந்த பாலத்தின் அடியில் இருந்த இருட்டு அவர்களுக்கு சாதகமாக இருந்தது . அங்கு இரண்டு பக்கமும் தடுப்புகளை அமைத்து தற்காலிக செக் போஸ்ட் ஒன்றை ரெடி செய்தார்.

நேரம் கடந்து கொண்டிருக்க , சரியாக இருபது நிமிடம் கழித்து , டவுன் ரயில்வே ஸ்டேஷன் ரோட்டில் இருந்து வேகமாக வந்தக் கார் ஒன்று திடீரென கோகுல்நாதா பள்ளி எதிரே இருண்டிருந்த ரயில்வே ட்ரேக் அருகே நின்றது. அதிலிருந்து ஒரு மனிதன் இறங்கியவுடன் , மீண்டும் வேகமாகக் கிளம்பியக் கார் , நேராக வராமல், கலெக்டர் அலுவலகம் நோக்கி சென்றது. இதை எதிர்பாராததால் சிறிது திகைத்த சேகர் , ராஜுவை நோக்க, அவன் அது தன் கார்தான் என்று உறுதி சொன்னான்.

தன் வாக்கி டாக்கி மூலம் அந்தக் காரின் விவரங்களை கலெக்டர் அலுவலகம் அருகே இருந்த காவலர்களுக்கு சொல்லி அந்தக் காரை நிறுத்த சொன்ன சேகர், நடந்து வரும் அந்த மனிதனைப் பிடிக்க தயாரானார்.

மிக நிதானமாக நடந்து வந்துக் கொண்டிருந்தவன், சுற்றிலும் பலமுறைப் பார்த்துக் கொண்டே வந்தான். பாலத்தின் அருகே வந்தவன் , சிறிது தயங்கி பின் தொடர்ந்து நடக்க ஆரம்பித்தான்.

பி.கு . அலுவலக ஆணியின் காரணமாக தொடர்ந்து எழுத முடியலை. அடுத்த பகுதியில் முடிச்சிடறேன்.

-தொடரும்

அன்புடன் எல்கே

பதிவுலகை விழுங்கும் கூகிள் பஸ்

2011-06-27T07:22:00.000+05:30

வர வர நெறைய சீனியர் பதிவர்கள் பதிவு எழுதறதை குறைத்து விட்டார்கள் அல்லது எழுதுவதையே நிறுத்தி விட்டார்கள். ஆனால் காணாமல் போகவில்லை. இணையத்தில்தான் இருக்காங்க . இன்னும் எழுதறாங்க ஆனால் பதிவில் அல்ல ? அப்புறம் எங்க ? கூகிள் பஸ்ஸில்.

அதென்னயா கூகிள் பஸ் ? இன்னொரு சோசியல் நெட்வொர்கிங் தளம் என்று சொல்லலாம். இது எல்லோரயும் இழுத்த முக்கியக் காரணம், இதுக்காக தனி விண்டோ ஓபன் பண்ண வேண்டாம் . ஜிமெயிலில் இருந்து கொண்டே பஸ்ஸில் சுத்தலாம். பதிவு ரொம்பப் பெருசா இல்லை சின்னதா என்று எந்தக் கவலையும் வேண்டாம். ஒரே வரில கூட ஏதாவது சொல்லிவிட்டு நிறுத்திக்கலாம் . அதுக்கு உங்கள் நண்பர்கள் பின்னூட்டம் இடலாம். இப்ப பல பிரச்சனைகளில் சூடான விவாதக் களம் கூகிள் பஸ்தான்.

ஒரு சிலர் கூட மட்டும் ஏதாவது விவாதிக்கனுமா ? அதுக்கும் வழி இருக்கு. ப்ரைவேட் பஸ் விட்டுடலாம். அப்புறம் கமென்ட் வேண்டாமா ? அந்த விவாதத்துக்கு மட்டும் பின்னூட்டத்தை க்ளோஸ் பண்ணி வெச்சிடலாம். யார் யார் உங்களை பாலோ பண்ணலாம் என்பது வரை உங்கள் கண்ட்ரோலில் இருக்கும் . அதனால இப்ப பாதி பதிவர்கள் அங்கதான் இருக்கோம் ,அடியேன் உட்பட.

ஆனால், அதுவும் ஒரு நேரம் விழுங்கி என்பதில் எந்த வித சந்தேகமும் இல்லை. அங்கப் போனப்புறம் பதிவெழுதறது குறைஞ்சு போச்சு . அதே சமயத்தில் பலரின் புதிய நட்புகள் கிடைத்திருக்கிறது. ஆனால் முகநூல்/ஆர்குட்டை விட இதில் ஆபத்து குறைவு . சில சமயங்களில் பஸ் ஓடும் ரூட்கள் ஆபத்தா இருந்தாலும், பல நாட்கள் ரூட் எல்லாம் ஜாலியாதான் இருக்கும் .

இதில் இன்னொரு முக்கிய விஷயம் , பதிவுக்கு பின்னூட்டம் வரும் வேகத்தை விட இங்கு வரும் வேகம் அதிகம். உலகக் கோப்பையின் போது ,நேரடி வர்ணனை ஓடிக் கொண்டிருந்தது பஸ்ஸில்.

ஆனாலும் இதெல்லாம் ஒரு சங்கிலிப் போன்றதோ என எண்ணுகிறேன். முதலில் ஆர்குட் அப்புறம் முக நூல் வந்தது அப்புறம் ட்விட்டர் இப்ப பஸ் அடுத்து ?? கொஞ்ச நாளில் இதில் மக்களின் ஆர்வம் குறையலாம்.பார்ப்போம் என்ன நடக்குதுன்னு.

பி.கு வியாபாரம் இன்னும் ஒரே ஒரு பதிவில் முடிந்துவிடும். அதுக்கப்புறம் ஒரு விடுமுறை எழுதுவதற்கு .....

அன்புடன் எல்கே

திவ்யாவின் கதை

2011-06-26T08:57:00.000+05:30

திவ்யாவை பற்றி எழுதி ரொம்ப நாள் ஆச்சு. கீழ திவ்யா சொன்ன கதையை அப்லோட் செய்த லிங்க் கொடுத்து இருக்கேன். மொபைலில் ரெகார்ட் செய்ததால் உங்கள் ஸ்பீக்கர் சவுண்ட் அதிகம் வைத்துக் கேட்கவும் . கதை அவுட்லைன் மட்டும்தான் எனக்கு புரிஞ்சது. இவ அவளோட பிரெண்ட் வீட்டுக்கு போயிட்டு வராலாம். அவ்ளோதான். உங்களுக்கு புரிஞ்சதை மத்தத சொல்லுங்க

http://www.esnips.com/doc/982058b1-b888-4f28-9789-ab5981d1bd5a/LK-Baby-ஸ்டோரி

கேட்டுட்டு சொல்லுங்க

அன்புடன் எல்கே

ஏர்டெல்லும் நானும்

2011-06-22T12:14:00.001+05:30

கால் சென்டரில் வேலை செய்யும் நான் , இன்னொரு கால் சென்டரைக் குறை சொல்லி ஒரு பதிவு எழுதுவேன்னு இதுவரைக்கும் நினைத்துக் கூடப் பார்த்தது இல்லை. ஒரு சில கால் சென்டரில் பீட்பேக் கேட்பாங்க அப்பக் கூட நல்லபடியாதான் சொல்லுவேன். கஸ்டமர் கேரில் கஷ்டமர்களால் ஏற்ப்படும் பிரச்சனை நல்லா தெரியும் அதே போல் இந்த பீட்பேக் மூலம் அங்க வேலை செய்யறவன் வேலை பாதிக்கப்படக்கூடாது அப்படின்னு எப்பவும் பாசிடிவ் பீட்பெக்க்தான் தருவேன். ஆனால் நேற்று நெகடிவ் பீட்பேக் கொடுக்க வேண்டிய நிலை ஏற்பட்டது, .

வீட்டில் ஏர்டெல் கனெக்க்ஷன் வைத்துள்ளேன். வீட்டில் இணையம் வேண்டாம் என்று முடிவெடுத்து கேன்சல் செய்வதற்கு பத்து நாட்களுக்கு முன்னால் அவர்களோட டோல் ப்ரீ எண்ணுக்கு கால் செய்தேன். அன்னிக்கே எரிச்சல் உண்டு பண்ணாங்க.

எனக்கு கனெக்க்ஷன் வேண்டாம் என்றுதானே கூப்பிடறேன். அந்த கோரிக்கையை எடுத்துக்கிட்டு என்ன செய்யணுமோ அதைப் பண்ணனும். அதைவிட்டுட்டு இந்த லைனை வேற யாருக்காவது மாத்தித் தரட்டுமா என்று கேட்டால் கோபம் வருமா வராதா ? இது என்ன பரிசுப் பொருளா பிரெண்டுக்கோ இல்லை அக்கா தம்பிக்கோ கொடுக்கறதுக்கு ? அவங்களுக்கு வேண்டுமென்றால் அவங்களே அப்ளை பண்ணி வாங்கிக்கப் போறாங்க . ஒருவழியா இதெல்லாம் வேண்டாம் , மொத்தமா ரத்து பண்ணுங்கன்னு சொன்னப்புறம், என்னோட பேரு, முகவரி, பிறந்த தேதி, ஈ மெயில் எல்லாம் வாங்கிட்டு ஒரு புகார் எண்ணை கொடுத்தாங்க. ஒருவாரத்தில் லைன் கட் ஆகிடும் என்று சொன்னார்கள்.

ஒரு வாரம் இல்லை பத்து நாள் ஆச்சி கட் ஆகலை. இது வேலைக்கு ஆகாதுன்னு ,நேற்று மாலை ஒரு ஏழரை மணிக்கு கஸ்டமர் கேருக்கு கால் பண்ணேன். மறுபடியும் முதல்ல இருந்து எல்லா விவரத்தையும் சொன்னேன் . ஒரு நிமிஷம் லைன்ல இருங்க ,செக் பண்ணிட்டு வரேன்னு போனவன்தான் வரவே இல்லை லைன் கட் பண்ணிட்டான். சரின்னு மறுபடியும் பேசினேன். அப்பவும் கோபப் படலை . அவனும் ஹோல்டில் போட்டு லைனை கட் பண்ணான்.

அப்பதான் கொஞ்சம் டென்ஷன் ஆக ஆரம்பித்தேன். மூணாவது முறை போன் பண்ணப்ப பாவம் அந்தப் பையன் அவன் பண்ணாத தப்புக்கு என்கிட்ட நல்லா வாங்கிக் கட்டினான். ஒரு வழியா அவனோட மேனஜர்கிட்ட பேசினேன். அங்கதான் திருப்பமே ...நான் போன் பண்ணி லைன கட் பண்ண சொன்னப்ப அவங்க அதுக்கு உண்டான கோரிக்கையை எடுதுக்கலையாம். அதுக்கு நான் தவறான விவரங்களை தந்ததுக் காரணமாம் . என் பிறந்த தேதி, முகவரி தப்பா சொன்னேனான். என்னக் கொடுமை இது ??

அப்புறம் ஒரு வழியா , மறுபடியும் அந்தக் கோரிக்கையை எடுத்துகிட்டு இருக்காங்க . இந்தப் பதிவை டைப் செய்யறப்ப அவங்கக்கிட்ட இருந்து போனும் வந்தது . பார்ப்போம் என்ன பண்றாங்கன்னு .

தந்தையர் தின வாழ்த்துக்கள்

2011-06-19T06:25:00.000+05:30

நான் விழிக்கும் முன்
நீ
சென்றிருப்பாய் வேலைக்கு.

நீ திரும்பும் முன்
நான் உறக்கத்தில் ...

விடுமுறை நாள் அன்றே
நமது விளையாட்டு ...

நீ கல்லாதது எனைப்
பயில வைத்தாய் ..
இவ்வுலகை எனக்குப்
புரிய வைத்தாய். ..

சிறு வயதில் ஆசானாய்
வாலிப வயதில்

தோழனாய்...

அந்நேரத்தில் புரியவில்லை
உனது வார்த்தைகள்- இன்றோ
எனது தாரக மந்திரம்..

அனைத்து தந்தைகளுக்கும் தந்தையர் தின வாழ்த்துக்கள்

அன்புடன் எல்கே

வியாபாரம் 11

2011-06-14T16:03:00.001+05:30

பழைய வியாபாரங்களைக் காண

இந்த வழியை அவர்கள் தேர்ந்தெடுக்கக் காரணமே அந்த வழியில் எங்கும் சோதனைச் சாவடி இருக்காது என்பதுதான். ஆனால் அவர்கள் எண்ணத்திற்கு மாறாக, அவர்கள் அப்பாதையில் திரும்பிய உடனேயே அங்கிருந்து சிறிது தூரத்தில் ஒரு சோதனை சாவடி இருப்பது தெரிந்தது. அதைக் கண்டவுடன் , வண்டியை ஓட்டிக் கொண்டிருந்தவன் காரின் வேகத்தைக் குறைத்து
என்ன செய்யலாம் என்று , பின்னால் இருந்தவனிடம் கேட்டான்.

ஒரு நிமிட யோசனைக்குப் பிறகு "இது நம்ம அப்பா. உடல் நிலை சரி இல்லை. அதான் தூங்கரார்னு சொல்லிடலாம். உன்கிட்ட லைசென்ஸ் இருக்கா ?"

"ம். இருக்கு. என்னிக்காவது உபயோகம் ஆகும்னு தெரியும் . "

"சரி நார்மல் ஸ்பீட்ல போ . ரொம்ப ஸ்லோ பண்ணாத அதேமாதிரி ரொம்ப பாஸ்ட்டாவும் போகாத ."

"சரி அதை நான் பார்த்துக்கறேன். உளராம பேசு அங்க ."

"லைட் போட்டு பார்த்தா என்ன பண்றது ?"

"பேசிக்கலாம். அவ்ளோ டீப்பா போகமாட்டாங்கன்னு நினைக்கிறேன் . பார்த்துப்போம் ."

அதன்பின் படப்படக்கும் இதயத்துடன் காரை செலுத்தினான் அவன். சோதனைச் சாவடியை நெருங்கவும் அங்கிருந்த போலீசார் , கைகாட்டி வண்டியை நிறுத்தவும் சரியாக இருந்தது .

*********************************************************************************************************
கீழே விழுந்த ரமேஷ் சுதாரித்து எழுவதற்கும், சேகர் அங்கே வரவும் சரியாக இருந்தது. எழுந்தவேகத்தில் அங்கிருந்து ஓட முயன்ற ரமேஷை சேகர் பிடித்துவிட்டார். அவரிடம் இருந்து தப்பி செல்ல முயன்று திமிறினான். ஆனால் அதற்குள் ரமேஷ் கீழே விழுந்ததைக் கண்ட ஜெயாவும் அங்கே வந்துவிட அவனால் தப்ப இயலவில்லை.

அங்கிருந்து ரமேஷை பைக்கில் கமிஷனர் அலுவலகம் அழைத்து செல்வது என்பது அவன் தப்பிக்க வழி வகுக்கும் என்றெண்ணிய சேகர் , ஜெயாவை கண்ட்ரோல் ரூமுக்கு தகவல் கொடுத்து ஜீப்பை வரவழிக்க சொல்லிவிட்டு, ரமேஷை அருகில் இருந்த போலிஸ் அவுட் போஸ்ட்டிற்கு அழைத்து சென்றான்.

ரமேஷை சேகர் இழுத்து செல்வதைப் பார்த்த விஜி தான் கடைக்கு வெளியே நிற்பதையும் மறந்து அழ ஆரம்பித்தாள். சேகரைத் தொடர்ந்து போக ஆரம்பித்த விஜியை ஜெயா தடுத்து நிறுத்தினாள்.

"எதுக்கு அவங்க பின்னாடி போற ?"

"இல்லை ..."

"தேவை இல்லாமல் இந்த கேஸ்ல நீ மாட்டிக்காத. இப்ப வரைக்கும் இந்த கேஸ்ல உன் பங்கு எதுவும் இல்லை. நீயா உள்ளார தலையை விட்டு வம்புல மாட்டிக்காத. உன் நல்லதுக்குத்தான் சொல்றேன். முதல்ல போய் லீவ் சொல்லிட்டு வீட்டுக்கு கிளம்பிப் போ . தேவைப்பட்ட நாங்க உன்னை கூப்பிடறோம்."

"சரி..."

*********************************************************************************************************

தன் காரில் யாரோ ஒருப் பெரியவரை இருவர் அழைத்து செல்வதைப் பார்த்த ராஜூ, ரமேஷுக்கு போன் செய்தும் அவன் எண் கிடைக்காததால் என்ன செய்வது என்று யோசித்தான். பின் காவல் நிலையத்தில் சென்று கார் தொலைந்துவிட்டது என்று புகார் தரலாம் என்றெண்ணி காவல் நிலையம் சென்று புகார் கொடுத்துவிட்டு வீட்டுக்குத் திரும்பினான்.

அவன் வீட்டின் வாசலிலேயே ஒருவர் பைக்கில் காத்திருந்தார் .

"யார் வேணும் சார் உங்களுக்கு ?"

"நீங்கதானே ராஜு ?"

"ஆமாம். நீங்க?"

"நான் ஜெய். ஒரு கேஸ் விசயமா உங்களைப் பார்க்க வந்தேன்."

இதைக் கேட்டவுடன் ராஜுவின் மனதில் பயம் தோன்ற ஆரம்பித்துவிட்டது. அப்போதைக்கு அதை வெளிக்காட்டாமல்

"நான் பாட்டுக்கு என் வேலை உண்டு நான் உண்டுன்னு இருக்கேன். என்கிட்டே போய் கேஸ் அது இதுன்னு சொல்றீங்க ."

"அதை நாங்க முடிவு பண்றோம் ராஜு. ரமேஷ் உங்க பிரெண்ட்தான ?"

"ஆமாம் சார்."

"நல்ல க்ளோஸ் பிரெண்டா ?"

"ஆமாம் சார். சின்ன வயசில் இருந்து ஒரே ஏரியாதான். அதுவுமில்லாமல் ரெண்டு பேரும் ஒட்டுக்காதான் கார் ஓட்டக் கத்துக்கிட்டோம். ரெண்டு பேரும் இதே லைன்லதான் இருக்கோம். ஏன் சார் இப்ப அவனைப் பத்திக் கேக்கறீங்க ?"

"அதை அப்புறம் சொல்றேன். உன் கார் எங்க ?"

அவர் வார்த்தைகளில் மரியாதைக் குறைந்துவிட்டதைக் கண்ட ராஜு, அவருக்கு தன் மேல் சந்தேகம் வந்துவிட்டதோ என்று எண்ணினான்.

"கொஞ்ச நேரத்துக்கு முன்னாடிதான் சார் , யாரோ அடிச்சிட்டு போய்ட்டாங்க. இப்பதான் ஸ்டேஷன்ல புகார் கொடுத்துட்டு வரேன்."

"அப்படியா ? சரி என் கூட வா. கொஞ்சம் விசாரிக்க வேண்டி இருக்கு ."

"சார் அதான் நீங்கக் கேட்டதுக்கு எல்லாம் பதில் சொல்லிட்டேன்ல. அப்புறம் எதுக்கு கூப்பிடறீங்க ?"

"இன்னும் விசாரிக்க வேண்டி இருக்கு, நீயா வரியா ..?"

அதற்கு மேல் முரண்டுப் பிடிக்காமல் அவருடன் வர ராஜு ஒத்துக்கொண்டான். அங்கிருந்துக் கிளம்பும் முன் , சேகருக்கு போன் செய்ய அலைபேசியை ஜெய் எடுத்த அதே நேரத்தில் , சேகர் அவனுக்கு கால் செய்தான்.

"ஜெய் ! எங்க இருக்கீங்க ? உடனே கமிஷனர் ஆபிஸ்க்கு வாங்க "

"கிளம்பிட்டேன் சார். இன்னொரு விஷயம் ரமேஷோட பிரெண்ட் ராஜுவை கூட்டிட்டு வரேன். எனக்கு அவன் மேல கொஞ்சம் சந்தேகமா இருக்கு .:

"ஓகே குட் . ரமேஷும் மாட்டிக்கிட்டான்."

"சீக்கிரம் கிளம்பி வாங்க."

"எஸ் சார்."

*********************************************************************************************************

போலீசார் சைகைக்கு இணங்கி வண்டி நின்றவுடன், அங்கிருந்த போலீசாரில் ஒருவர் வேகமாக வந்தார். அவர் வருவதைப் பார்த்து கொஞ்சம் பயத்துடனேயே காரில் இருவரும் இருந்தனர்.

காரை நெருங்கி வந்தவர் "எங்க போறீங்க ?"

"ஏற்காடுதான் சார் போயிட்டு இருக்கோம் ."

"உள்ள யார் யார் இருக்காங்க ?"

"நான், எங்க அப்பா, அண்ணன் சார் ."

"இந்த வழில இன்னிக்கு போக முடியாது. பாறை விழுந்து பாதை அடைச்சிருக்கு. இப்படியே திரும்பி போய் அஸ்தம்பட்டி வழியா போங்க."

"இன்னிக்கு கிளியர் ஆகாதா சார் ?"

"கஷ்டம். வெளிச்சம் வேற இல்லை. சுத்திக்கிட்டுதான் போகணும். வேற வழியில்லை. "

"சரி சார் "

எதிர்பாராத் திருப்பமாய் இப்படி ஒரு சிக்கல் வர வேறு வழியில்லாமல் காரைத் திருப்பினார்கள். சோதனை சாவடியில் இருந்து சிறிது தூரம் சென்றப்பின் வண்டியை நிறுத்தி என்ன செய்யலாம் என்று யோசிக்கத் துவங்கினார்கள். சிறிது யோசனைக்குப் பிறகு ரமேஷிற்கு போன் செய்துப் பேசலாம் என்று முடிவு செய்து அவன் எண்ணை அழைத்தார்கள் .

பி கு : கொஞ்சம் தாமதமாய் அப்டேட் செய்வதற்கு மன்னிக்கவும். இந்த வாரத்தில் கதையை முடிச்சிடறேன் .

- வியாபாரம் தொடரும்

ராஜகுமாரி

2011-06-13T06:12:00.000+05:30

அன்னை சுமந்தாள்
உன்னை வயிற்றில் -மனதால்
நான் சுமந்தேன் ..

இவ்வுலகில் நீ வந்த
பின்னும் மாதம் ஒரு
முறையே என்றாகியது
உன் தரிசனம் ...

"ப்பா" உன் முதல்
உச்சரிப்பில் எனை
மறந்தேன்...

மாலையில் உன்
விளையாட்டில் அன்றைய
வேதனை மறந்தேன்...

வீட்டின் ராஜகுமாரியாய்
வலம் வருகிறாய் -உன் சொல்லே எனக்கு வேதம் ...

உன்னுடன் இருக்கும்
நிமிடங்களே எனக்கு
சொர்க்கம்....

பி . கு : இன்று திவ்யாவின் பிறந்தநாள்

அன்புடன் எல்கே

என்னில் பாதி....

2011-06-06T06:06:00.001+05:30

என்னில் பாதியாய்
வாழ்வின்
மீதியாய் கலந்தாய்

என் வெற்றியில் நீ
மகிழ்ந்தாய் - தோல்வியில்
உற்சாகமூட்டினாய்.

கண்ணசைவில் சித்திரங்கள்
படைத்தாய் - வாழ்வை
வசந்த கால சோலையாக்கினாய்...

என் சுகமே உன்
விருப்பம் என்றாக்கிக்
கொண்டாய்..

கோபங்களையும் சிரிப்பால்
புன்னைகை ஆக்கினாய்..

உன் பாதியாய் அல்ல
முழுதுமாய் நானானாய் ...

என்ன பரிசு தர நான் - எனை
முழுதும் அளித்தாலும் அது தகுமோ ??

பி .கு : இன்று எனது பாதி சௌம்யாவின் பிறந்தநாள்.

அன்புடன் எல்கே

வியாபாரம் 10

2011-06-05T08:39:00.000+05:30

பழைய வியாபாரங்களைக் காண

அவள் மனதை பயம் கவ்வியிருந்ததை அவள் முகம் படம் போட்டுக் காட்டியது. நெற்றியில் ஆங்காங்கே தோன்றிய வியர்வை முத்துக்கள் அதற்கு சாட்சியம் கூறியது. அந்த கடையின் வெளியே நடைப்பாதையில் கடைக்கு எதிரே இருந்த இரும்பு தடுப்புக் கம்பிகளைப் பற்றி இருந்த அவளதுக் கரங்கள் நடுங்கிக் கொண்டிருந்தது.

அவன் எப்பொழுது வருவான், வந்தால் அவனை எச்சரிப்பதா இல்லை வேண்டாமா என்று ஒரு போராட்டமும் அவள் மனதினுள் நடந்துக் கொண்டிருந்தது. சில நிமிட யோசனைக்குப் பிறகு , அவன் வரும்பொழுதே கண்ணால் சைகை செய்யலாம் என்று முடிவு செய்தாள்.

அவள் அப்படி முடிவு செய்யவும், அந்த தாழ்வாரத்தின் மறுபுறம் அவன் வரவும் சரியாக இருந்தது. ஆனால் நாம் நினைப்பது எல்லாம் நடந்துவிடுகிறதா என்ன ? நாம் நினைப்பது மட்டுமே நடந்தால் வாழ்வு நன்றாகத்தான் இருக்கும்.

ரமேஷ் நடந்து வரவும், சேகர் ஜூஸ் கடையில் இருந்து வெளியே வந்து போன் பேசிக் கொண்டே நடப்பவனைப் போல் ரமேஷை நோக்கி நடக்க ஆரம்பித்தான்.

**********************************************************************************
கிட்டத் தட்ட அதே நேரத்தில் ராஜு, ரமேஷின் நண்பர்கள் தங்கியிருந்த வீட்டை அடைந்து, ரமேஷ் கொடுத்த எண்ணுக்கு கால் செய்தான்.

"கார் ரெடி ."

"இவ்ளோ சீக்கிரமா ? ரமேஷ் எங்க ?"

"அவர் வேற ஒரு இடத்துக்கு போயிருக்கார். என்னை கொண்டுவந்து காரைக் கொடுக்க சொன்னார் ."

"சரி . எங்க இருக்கீங்க ?"

"நீங்க இருக்கற வீட்டுக்கு எதிர்ல இருக்கறேன். "

"அப்படியே வண்டிய கொண்டுவந்து வீட்டுக்கு முன்னாடி விட்டுடுங்க. சாவியை ஜன்னல் வழியா உள்ள தூக்கி போட்டுடுங்க. "

"உங்களை உடனே இந்த இடல்தில் இருந்து கிளம்ப சொல்லி ரமேஷ் சொன்னார் ."

"எதவாது காரணம் சொன்னாரா அதுக்கு ?"

"அதெல்லாம் எதுவும் சொல்லலை. சீக்கிரம் கிளம்பசொல்லி சொன்னார். ஏற்காடுல ஏரிக்கு பக்கத்தில் உங்களை அவரோட நண்பர் மீட் பண்ணுவார்னு சொன்னார் "

"சரி ஓகே. வண்டியை கொண்டு வந்து நிறுத்திட்டு சாவியை தூக்கி உள்ள போடு "

மறுமுனையில் இருந்த குரல் சொல்லியவாறே வண்டியை நிறுத்திவிட்டு , சாவியையும் தூக்கி உள்ளே போட்டுவிட்டு அங்கிருந்து செல்லத் துவங்கினான். மனதிற்குள் நம் காரை இவர்களுக்குத் தருவதால் நமக்கு ஏதாவது பிரச்சனை வருமோ என்று எண்ணமும் ஓடிக் கொண்டிருந்தது.

ரமேஷ் அவனிடம், அவனோட நண்பர்கள் ஊரில் இருந்து வந்திருப்பதாகவும், ஏற்காடு போக கார் வேண்டும் என்றும் , டிரைவர் வேண்டாம், கார் மட்டும் கொடுத்தால் போதும் என்று சொல்லியிருந்தான். அதனால் வண்டியை விட்டுவிட்டு எதிரே இருந்த டீக்கடைக்கு சென்று டீ ஆர்டர் செய்துவிட்டு அங்கிருந்த பேப்பரை புரட்டத் துவங்கினான்.

"சார்! டீ எடுத்துக்கோங்க என்ற மாஸ்டரின் குரல் கேட்டு டீ கிளாசை வாங்கிக் கொண்டு திரும்பியவனின் கண்ணில் எதிர் வீட்டில் இருந்து வெளியே வந்தவர்கள் பட்டனர். ஒரு பெரியவரை தூக்கி வந்து உள்ளே வைத்து கதவை சார்த்தி வண்டியைக் கிளப்பிக் கொண்டு சென்றனர்.

கண்டிப்பா இது எதோ பிரச்சனையான விவகாரம்தான் என்று நினைத்தவன் , தன் செல்லை எடுத்து ரமேஷை அழைத்தான். அவன் பல நிமிடங்கள் முயற்சி செய்தும் அவனது லைன் கிடைக்கவே இல்லை.

அவன் செய்வதறியாது முழித்தான். அவனை காரில் இருந்தவர்கள் சட்டைப் பண்ணியதாகவே தெரியவில்லை. அவன் தங்களைப் பார்ப்பதையே கண்டுக் கொள்ளாமல் வண்டியை வெகு வேகமாக சேலம் டவுன் ஏரியாவை நோக்கி செலுத்தினார்கள். ஏற்கனவே ரமேஷ் சொன்னவாறு அயோத்தியாப்பட்டினம் செல்லும் சாலையில் அந்த மாருதி ஆம்னி பறந்தது.

செக் போஸ்ட் அருகே வந்தவுடன் அவர்களுக்கு கொஞ்சம் நடுக்கம் இருக்கத்தான் செய்தது. ஆனால் அந்த என்றதில் அங்கு எந்த வாகனத்தையும் சோதனை செய்யாதது அவர்களுக்கு நிம்மதியாய் இருந்தது.

அந்த சோதனை சாவடியைக் கடந்து வேறு எங்கும் நிற்காமல் ஏற்காட்டு மலைப்பாதைக்கு வண்டியை விரட்டினர். அந்த மலைப்பாதையில் நுழைந்து சில மீட்டர்களிலேயே அவர்களுக்கு அதிர்ச்சி காத்திருந்தது.

**********************************************************************************

ரமேஷ் , எதிரே நடந்து வரும் சேகரைப் பார்த்து ஒரு கணம் திகைத்தாலும் உடனே சுதாரித்துக் கொண்டு அங்கிருத்து வெளியேற வேறு வழி இருக்கிறதா என்றுப் பார்த்தான். அவனுக்கு இருந்த ஒரே வழி, அவனது வலப்புறம் இருந்த தடுப்பைத் தாண்டி குதிப்பதுதான். ஆனால் அதுவே அவன் மாட்டிக் கொள்ளவும் வசதியான வழியாக அவனுக்குப் பட்டது.

சேகர் கடந்து செல்லும் வரை வேறு ஏதாவது கடையினுள் நுழைய வேண்டியதுதான் என்று எண்ணியவாறே இடது பக்கம் இருந்த புத்தகக் கடைக்குள் நுழைய முயன்றான். ஆனால் அதே நேரம் அவன் பின் பக்கம் இருந்து வந்த ஒரு நபர் அவன் மேல் மோத, தன் நிலைத் தடுமாறிக் கீழே விழுந்தான்.

அன்புடன் எல்கே

வியாபாரம் 9

2011-05-30T20:08:00.002+05:30

பழைய வியாபாரங்களைக் காண

போனையும் தன்னையும் மாற்றி மாற்றி பயந்த முகத்துடன் பார்த்துக் கொண்டிருந்த ராஜியைப் பார்த்த சேகர் "போனை எடுத்து பேசு " என்று காவல் துறைக்கே உண்டான அதிகாரத் தொனியில் சொன்னான்.

சேகரின் கட்டளையை ஏற்பதைத் தவிர வேறு வழி இல்லாததால் அழைப்பை ஏற்று போனை காதில் வைத்தவள் நடுங்கும் குரலுடன் "ஹலோ" என்றால் ,

மறுமுனையில் "உங்களுக்குப் பிடித்த பாடலை உங்கள் போனிற்கு டவுன்லோட் செய்ய ..." என்றுப் பதிவு செய்யப் பட்டக் குரலை கேட்டவுடன் அவளையும் அறியாமல் நிம்மதிப் பெருமூச்சு வந்தது.

"ஏர்டெல் கால் சார் " என்று ஒருவித சலிப்புடன் சேகரிடம் சொன்னாள்.

போன் அட்டென்ட் பண்ணும் பொழுது அவளிடம் இருந்த பயத்தையும் இப்பொழுது கொஞ்சம் பயம் நீங்கிய விதத்தையும் கவனித்த சேகர் " சரி சொல்லுங்க. அந்த ரமேஷை எவ்வளவு நாளா தெரியும் உங்களுக்கு "

"ஒரு வருஷத்துக்கு மேல தெரியும் சார் "

"எப்படி பழக்கம் ?"

"முன்ன செவ்வாய் பேட்டையில் கடையில் வேலை செஞ்சுகிட்டப்ப பழக்கம் சார். "

"உங்களுக்கும் அவருக்கு என்ன உறவு?"

இதற்கு ராஜியிடம் இருந்து பதில் வராமல் போனதால்

"நீங்க எதுக்கு உங்க அப்பா பேர்ல அவருக்கு சிம் கார்ட் வாங்கி தந்தீங்க ? உங்க அப்பா பேர்ல அவருக்கு சிம் வாங்கி தர அளவுக்கு என்ன உறவு ?" கேள்வியை சிறிது மாற்றிக் கேட்டான் .

இதற்கும் பதில் வராமல் போனதால் அவன் ஜெயாவைப் பார்த்தான்.அவன் பார்வையின் பொருளைப் புரிந்து கொண்ட ஜெயா

"இங்கப் பாருமா, இங்கயே ஒழுங்கா பதில் சொல்லிடு. நீ பண்ணி இருக்கறதை ஒரு பையன் பண்ணியிருந்தா இந்நேரம் ஸ்டேஷனுக்கு கூட்டிட்டு போய்தான் விசாரிச்சிருப்போம்.இப்ப நீ பேசாம இப்படியே இருந்தா ஸ்டேஷனுக்கு கூட்டிகிட்டு போய் விசாரிக்க வேண்டி இருக்கும்."

ஜெயா அவளிடம் பேசிக் கொண்டிருந்த நேரத்தில், சேகர் ராஜியின் செல்போனில் அதுவரை வந்திருந்த அழைப்புகளைப் பார்த்துக் கொண்டிருந்தார். அதில் அவர் எதிர்பார்த்த ஒரு எண் இருந்தது . பின் அந்த மொபைலில் அவன் போட்டோ ஏதாவது இருக்குமா என்று பார்த்துக் கொண்டிருந்தவரின் கண்களில் ஒரு போட்டோ சிக்கியது.

அதில் இருந்தது அன்றுக் காலை அவர் விசாரித்த அதே ஆள்.

"இந்த போட்டோவில் இருக்கறதுதான் ரமேஷா ?"

"ஆமாம் சார் "

"ஜெயா நீங்க கேட்டுகிட்டு இருந்த உடனே வரேன் " என்று சொல்லிவிட்டு இரண்டு போன்களையும் எடுத்துக் கொண்டு கடையை விட்டு வெளியே வந்தான். சில நிமிடங்கள் யோசித்தவன் பின் கடைசியாக வந்த அழைப்புகளின் எண்களை பார்த்தான். ஒரே எண்ணில் இருந்து வந்திருந்த இரண்டு மிஸ் கால்களைப் பார்த்துவிட்டு அந்த எண்ணுக்கு தனது போனில் இருந்து கால் செய்தான்.

மறுமுனையில் குரல் கேட்டவுடன் "இது எந்த ஏரியா ? " என்று அவன் கேட்டதற்கு பதில் நக்கலாய் வந்தது .

"போலிஸ் டிபார்ட்மென்ட்ல இருந்து கால் பண்றோம்" என்று சொன்னவுடன் மறுமுனையில் பணிவு உடனடியாய் தென்பட்டது. அவன் கேட்ட கேள்விகளுக்கு பதிலும் கிடைத்தது.

அவன் பேசிவிட்டு உள்ளே வரவும் , ஜெயா விஜியிடம் பேசி முடிக்கவும் சரியாக இருந்தது.

"என்ன ஏதாவது பேசினாளா ?"

"பேசினாள் சார். இந்தப் பொண்ணு அவனை விரும்பி இருக்கு. அவன் கார்டு வேணும்னு சொன்னதால அவங்க அப்பா பேர்ல வாங்கித் தந்திருக்கு. மத்தபடி இந்தப் பொண்ணுக்கு வேற எந்த விஷயமும் தெரியலை சார் ."

அவள் சொல்லி முடிக்கவும் மீண்டும் விஜியின் போன் ஒளிரத் துவங்கியது.

"அனேகமா அவன்தான் பண்றான்னு நினைக்கிறேன் . போனை அட்டென்ட் பண்ணுங்க. அவனை பாக்கணும்னு சொல்லி இங்க வர சொல்லுங்க. நாங்க இங்க இருக்கறது அவனுக்குத் தெரியாதக் கூடாது.

அவர் சொன்னதற்கு பதில் சொல்லாமல் வெறும் தலையாட்டலின் மூலம் சம்மதத்தை சொன்ன விஜி , அழைப்பை உயிர்ப்பித்தாள்.

"ஏன் காலை அட்டென்ட் பண்ணலை ? எதுக்கு கட் பண்ண ?"

சில கணம் என்ன சொல்வது என்று திகைத்த விஜி பின் நடுங்கும் குரலுடன் "இல்லை. கடையில கூட்டம் இருந்தது. அதான் எடுக்க முடியலை. இப்ப எங்க இருக்க ?"

"அங்கதான் இருக்கேன் ."

"இங்கயா ?" கேட்ட விஜியின் குரலில் சிறிது படப்படப்பு கூடி இருந்தது.

"ஆமாம் . வலசையூர் போற பஸ் இருக்கற இடத்தில இருக்கேன். இங்க வர முடியுமா?"

"இல்லை. இப்ப அங்க வந்தா மேனேஜர் சத்தம் போடுவார். நீ கடைகிட்ட இருக்கற ஜூஸ் கடைகிட்ட வா. நான் அங்க இருக்கேன்"

"சரி" என்று ரமேஷ் சொல்லியவுடன் அழைப்பு கட் ஆனது.

"குட் . ஒழுங்கா பேசி இருக்க. இப்ப வெளில போய் அவனுக்காக வெய்ட் பண்ணு. "

"ஜெயா நீங்க இந்த பொண்ணு நிக்கற இதத்தை விட்டு கொஞ்ச தூரம் தள்ளி நின்னு என்ன நடக்குதுன்னு பாருங்க. நான் இங்க இருக்கேன். என்னை அவன் பார்த்திருக்கன். அதனால நான் அங்க இருந்தா அவன் தப்பிச்சிடுவான்."

அவன் சொல்லியவாறே இருவரும் கடையில் இருந்து வெளியே சென்று காத்திருந்தனர். விஜி கண்ணில் படுமாறு ஒரு மேஜையை செலெக்ட் பண்ணி அங்கே அமர்ந்தான் சேகர். விஜி படப்படக்கும் இதயமும் , பயந்த முகமுமாய் வெளியே நின்றுக் கொண்டிருந்தாள்.

வியாபாரம் தொடரும்

வியாபாரம் 8

2011-05-29T19:20:00.000+05:30

பழைய வியாபாரங்களை பார்க்க

ரமேஷ் அங்கிருந்து கிளம்பியவுடன் சிறிது யோசனையில் ஆழ்ந்த சேகர், பின் தன் செல்போனில் இருந்து யாரையோ அழைத்தான் .

"ஆமாம் ஜெய் . நேரா அங்க போய் அவர்கிட்ட கேட்டுப் பாரு . இருந்தா வாங்கிக்கோ. இல்லைனாலும் பிரச்சனை இல்லை. அட்ரஸ் இருக்கும் எப்படியும் அந்த ஏரியால போய் விசாரிச்சு பாரு. எவ்வளவு நேரத்தில் அப்டேட் பண்ற ?"

"ஒரு ரெண்டு மணி நேரத்துல நானே உங்க லைனுக்கு வரேன் சார். "

"அப்படியே அந்த கிருஷ்ணன் வீடு இருக்கற அதே ரோட் எண்ட்ல ஒரு கடை இருக்கும். அந்தக் கடை ஓனர் கிட்டயும் விசாரிக்கணும். "

"ஓகே சார் . பண்ணிடறேன். "

ஜெய் ,சேகரின் நம்பிக்கைக்குரிய சப் இன்ஸ்பெக்டர். ஜெய்யிடம் பேசிவிட்டு , மீண்டும் மற்றொரு எண்ணுக்கு அழைத்தார்.

"ஜெயா! உடனே கிளம்பி பழைய பஸ் ஸ்ட்டேன்ட்ல இருக்கற கார்பரேஷன் காம்ப்ளெக்ஸ் தெரியும்தானே ? அங்க வந்திருங்க. ஒரு பொண்ணை விசாரிக்கணும்."

"ஓகே சார். "

"முக்கியமான விஷயம். யூனிபார்ம்ல வர வேண்டாம். நார்மல் ட்ரெஸ்ல வாங்க."

"ஓகே சார். அரைமணி நேரத்துல வந்துடறேன் சார்."

தானும் இப்ப கிளம்பினா சரியா இருக்கும் என்று எண்ணியவன், காரை கமிஷனர் ஆபிசுக்கு எடுத்து செல்ல சொல்லிவிட்டு அவனும் பழைய பேருந்து நிலையத்தை நோக்கி வண்டியை செலுத்தினான்.

அதே நேரம் அங்கு விஜி, ஒருவாறு தன்னை சமாளித்துக் கொண்டு முகத்தை அலம்பிவிட்டு கடையில் வியாபாரத்தை கவனித்துக் கொண்டிருந்தாள். ஜெயா அங்கு வந்து சேர்வதுக்கு முன்பே அங்கே வந்த சேகர் , கடைக்கு எதிர்புறம் நின்று கொண்டு கடையை ஆராய்ந்து கொண்டிருந்தான்.

அவன் அங்கு வந்து சிறிது நேரத்திலேயே அவனது அலைபேசி சிணுங்கியது. ஜெயாவின் நம்பரில் இருந்து போன் . அழைப்பை உயிர்ப்பித்து அவளை அந்தக் கடை அடையாளம் சொல்லி அங்கே வர சொன்னான் .

"ஜெயா ! இந்தக் கடையில் வேலை செய்யற பொண்ணுதான் அந்த டிரைவருக்கு கார்ட் வாங்கி தந்திருக்கு. அந்த டிரைவர்தான் குற்றவாளியான்னு நமக்கு உறுதியாத் தெரியாது. அதனால கடையில் வெச்சி விசாரிக்க வேண்டாம். அந்த பொண்ணுகிட்ட போய் பேசி வெளில கூட்டிகிட்டு வாங்க. நான் பக்கத்தில் இருக்கற ஜூஸ் ஷாப்ல இருக்கறேன். எப்படி பேசணும்னு தெரியும்தான?"

"அதை நான் பார்த்துக்கறேன் சார். அஞ்சு நிமிசத்தில் ஜூஸ் ஷாப்ல மீட் பண்றேன்" சொல்லிவிட்டு அந்த ம்யூசிக் ஷாப்பினுள் நுழைந்தாள் ஜெயா.

கடைக்கு வந்த வாடிக்கையாளர் என்றே அவளை நினைத்த அவளை "வாங்க மேடம்! என்ன சிடி வேண்டும் உங்களுக்கு ?" என்று கடை மேற்பார்வையாளர் போல் இருந்தவர் கேட்டார்.

"இல்லை . எனக்கு சி டி எதுவும் வேண்டாம். இங்க விஜின்னு ஒரு பொண்ணு வேலை செய்யுத்துள்ள , அந்த பொண்ணோட அக்கா நான். இந்தப் பக்கம் வந்தேன். அதான் பார்த்துட்டு போலாம்னு .."

"நீங்க விஜியோட அக்காவா ? இருங்க விஜிய கூப்பிடறேன்."

"விஜி விஜி இங்க வாம்மா. உன் அக்கா வந்திருக்காங்க பாரு ".

கடையின் மறு புறத்தில் ஒரு வாடிக்கையாளருக்கு எதையோ எடுத்துக் காட்டிக்கொண்டிருந்த விஜி திகைப்படைந்தாள். தனக்கு யாரும் அக்கா இல்லியே என்று யோசித்துக் கொண்டே "இதோ ஒரு நிமிஷம் , வரேன் சார்" என்று குரல் கொடுத்தாள்.

அவள் குரல் கொடுக்கவும் ஜெயா அந்த இடத்திற்கு வரவும் சரியாக இருந்தது.

அவள் இருந்த கவுண்டரை நெருங்கிய ஜெயா மெல்லியக் குரலில் "போலிஸ் டிபார்ட்மென்ட்ல இருந்து வரேன். கொஞ்சம் என் கூட வா. உன் கிட்ட விசாரிக்க வேண்டி இருக்கு. அக்காகூட ஜூஸ் கடை வரைக்கும் போயிட்டு வரேன்னு சொல்லிட்டு வா. மறக்காம உன் செல் போனையும் எடுத்துக்கிட்டு வா ."

நடப்பவற்றை கண்டு குழப்பமடைந்த விஜி என்ன பதில் சொல்வது என்றுப் புரியாமல் பேயறைந்த முகத்துடன் தலையை மட்டும் ஆட்டி வைத்தாள்.

மீண்டும் கடையின் முன்பக்கம் வந்த ஜெயா , கடை சூபர்வைசரிடம் "சார் ! பக்கத்தில் இருக்கற ஜூஸ் கடை வரை கூட்டிகிட்டு போயிட்டு வரேன் சார். "

"ரொம்ப லேட் பண்ணிடாதீங்க. சீக்கிரம் அனுப்பிடுங்க. கஸ்டமர் வர நேரம் இது "

"இல்லை சார். ரொம்ப லேட் ஆகாது சார். ஒரு பத்து பதினைஞ்சு நிமிஷத்தில் அனுப்பிடறேன் சார். "

"சரி சரி "

விஜியை அழைத்துக் கொண்டு கடையில் இருந்து வெளியே வந்த சமயம், விஜியின் கையில் இருந்த அலைபேசியின் திரை ஒளிரத் துவங்கியது . கடையில் இருந்ததால் சைலெண்டில் போட்டு வைத்திருந்ததால் அழைப்போசை வரவில்லை.

பக்கத்தில் ஜெயா இருந்ததாலும், திரையில் வந்த என்னும் புதியதாய் இருந்ததாலும் அந்த அழைப்பை ஏற்கலாமா வேண்டாமா என்று ஒரு கணம் யோசித்துப் பின் ஜெயா தன்னை கவனிக்கிறாளா என்று ஓர கண்ணால் பார்த்தாள். ஜெயா இவளைப் பார்த்த மாதிரி தோன்றவில்லை அவளுக்கு. அவள் தன்னை கவனிக்கவில்லை என்றுத் தெரிந்தவுடன் அந்த அழைப்பைத் துண்டித்தாள். ஆனால் அலைபேசி ஒளிரத் துவங்கியதுமே விஜி என்ன செய்யப் போகிறாள் என்று யோசித்துக் கொண்டிருந்த ஜெயா இவள் அழைப்பைத் துண்டித்ததை கவனித்து விட்டாள். ஆனால் அதை கவனியாது போல் ஆவலுடன் ஜூஸ் கடையினில் நுழைந்தாள்.

கடையினில் நுழைந்து சேகர் இருந்த மேஜைக்கு சென்று அங்கிருந்த நாற்ககலியில் அமரவும் மீண்டும் அலைபேசி ஒளிரத் துவங்கியது. இந்த முறை சேகரும் கவனித்துவிட்டான். என்ன செய்வது என்றுப் புரியாமல் குழப்பமும் பயமும் கலந்த முகத்துடன் போனையும் சேகரின் முகத்தையும் மாறி மாறி பார்த்துக் கொண்டிருந்தாள்

-வியாபாரம் தொடரும்

அன்புடன் எல்கே

வியாபாரம் 7

2011-05-16T15:48:00.002+05:30

பழைய வியாபாரங்களைப் பார்க்க

மொபைலில் தெரிந்த எண் புதிதாய் இருந்ததால் எடுப்பதா வேண்டாமா என்றக் குழப்பத்தில் ஒரு கணம் யோசித்தாலும், பின் அழைப்பை உயிர்ப்பித்தாள்.

அழைப்பு இணைக்கப்பட்டவுடனேயே மறுமுனையில் இருந்து
"விஜி ! நான்தான் பேசறேன் !"

தனக்கு பழக்கமான குரல் என்றவுடன் , மீண்டும் ஒருமுறை அது எந்த எண் என்றுப் பார்த்தாள். எதோ ஒரு தொலைபேசி எண் என்றுத் தெரிந்தவுடன் "என்ன லேன்ட்லைனில் இருந்து பண்ற ? மொபைல் என்னாச்சு எதுக்கு ஆப் பண்ணி வெச்சிருக்க ?"

"இல்லை ஒரு சின்ன பிரச்சனை . அதான் ஆப் பண்ணி வெச்சிருக்கேன் ."

"அது உனக்கு சின்ன பிரச்சனையா ? அந்த கார்டை வெச்சு என்ன பண்ண ? என்னை தேதி வீடு வரைக்கும் போலிஸ் வந்திருச்சி . கார்டை வெச்சிருக்கியா இல்லை என்ன பண்ண ?"

"போலிஸ் வந்துச்சா ? என்ன கேட்டாங்க ?"

"நீ என்ன பண்ண அதை முதல்ல சொல்லு ."

"அதை போன்ல சொல்ல முடியாது . நேர்ல வந்து சொல்றேன். போலிஸ் என்ன கேட்டாங்க அதை சொல்லு."

"நீ தப்பு பண்ணியா ? இல்லாட்டி அதை எதுக்கு திருப்பி திருப்பி கேட்கற ? இன்னும் என் கிட்ட எதுவும் கேட்கலை. வீட்டுக்கு போயிருக்காங்க. அனேகமா இங்க வருவாங்கான்னு நினைக்கிறேன்."

"சரி போலிஸ் கேட்டா, நீதான் வாங்கினே, ஆனா தொலைஞ்சு போச்சுன்னு சொல்லி சமாளி"

"ஆமாம் . அப்படியே நான் சொன்னா சரின்னு கேட்டுகிட்டு போய்டுவாங்க பாரு . சொல்றதை சரியா சொல்லணும் . நீ என்ன பண்ணுவியோ எனக்குத் தெரியாது. உடனே கிளம்பி இங்க வா. நேர்ல பேசியாகணும் உன்கிட்ட."

"நிலைமை புரியாம விளையாடறியே நீ."

"என் நிலைமையை பாரு. உனக்கு கார்ட் வாங்கி தந்தது மட்டும்தான் நான். ஆனால் இப்ப பிரச்சனை எனக்குதான். அதை கொஞ்சம் கூட புரிஞ்சிக்க மாட்டேங்கறியே நீ ."

இத்தனை நேரம் பொங்கி வந்துக்கொண்டிருந்த அழுகையை கட்டுபடுத்தி பேசிக்கொண்டிருந்த விஜி அதற்கு மேல் கட்டுப்படுத்த முடியாமல் அழத் துவங்கினாள்.

பெண்களின் கடைசி ஆயுதம் பிரயோகிக்கப் பட அதற்கு மேல் எந்த காரணமும் சொல்ல இயலாத ரமேஷ் , "சரி சரி அழாத. கொஞ்ச நேரத்தில வரேன். அங்க வந்துட்டு மறுபடியும் கூப்பிடறேன் " என்று சொன்னான் .

"ஏமாத்த மாட்டியே ? சீக்கிரம் வா " என்று கண்ணில் வழிந்த கண்ணீரை துடைத்த வண்ணம் கூறி அழைப்பை துண்டித்தாள் விஜி.

அழைப்பு துண்டிக்கப்பட்டவுடன் குழப்பத்தில் ஆழ்ந்தான் ரமேஷ். இப்பொழுது அவளை சென்றுப் பார்ப்பதா இல்லை இருக்கும் ஆபத்தை சமாளிப்பதா என்று யோசிக்கத் துவங்கினான். சிறிது நேர சிந்தனைக்குப் பிறகு , எப்படியும் அவளை பார்த்தாக வேண்டும் . போலிஸ் அவள் மூலம் நம்மை அணுகும் முன் இங்கிருந்து இடத்தையும் மாற்றியாக வேண்டும் . முதலில் காரை விட்டு வந்த இடத்திற்கு சென்று அங்கிருக்கும் நிலையை ஆராய முடிவு செய்தான். பின் அடுத்து என்ன செய்வது என்ற முடிவுக்கு வருவோம் என்றெண்ணி நண்பனிடம் கடன் வாங்கி வந்திருந்த பைக்கை கிளப்பினான்.

காரை விட்ட இடத்திற்கு அருகில் வந்தவன் , அதன் எதிரே இருந்த டீக்கடையில் போலிஸ் இருப்பதை பார்த்துவிட்டு அங்கே நுழையாமல் அதன் அருகில் இருந்த ஒரு பொட்டிக்கடையில் சிகரெட் வாங்கிக் கொண்டு அதை பற்ற வைத்துக் கொண்டு டீக் கடையில் நடப்பவற்றை பார்க்க ஆரம்பித்தான்.

அங்கிருந்தவர்களை விசாரித்துக் கொண்டிருந்த சேகர் அக்கம்பக்கத்தில் இருப்பவர்களையும் நோட்டம் விடுவதை பார்த்த ரமேஷ் மெதுவாக அங்கிருந்து கிளம்ப முயற்சித்தான்.

அவன் அங்கு வந்து நின்றது முதலே அவனை பார்த்துவிட்ட சேகர் , அவன் நழுவ முயன்றவுடனேயே துரத்திப் பிடித்தார்.

"சார் விடுங்க சார். எதுக்கு சார் என்னைப் பிடிக்கறீங்க ?"

"எதுக்கு இங்கிருந்து இவ்வளவு அவசரமா போகப் பார்த்த ?"

"எனக்கும் இதுக்கும் என்ன சார் சம்பந்தம்? போற வழில தம் அடிக்க நின்னேன். முடிச்சிட்டேன் . கிளம்பறேன். இங்க என்னப் பிரச்சனைன்னு கூட எனக்குத் தெரியாது. நான் எதுக்கு பயப் படனும்"

உள்ளுக்குள் பயமிருந்தாலும், வெளியே அதைக் காட்டாமல் மிகத் தெளிவாக உரத்து பேசினான்.

"உன் பேரு என்ன ?"

"ரமேஷ் "

"வண்டி யாருது ?"

"என் பிரெண்டோட வண்டி சார்."

"வண்டி ஆர் சி இருக்கா?"

"இருக்கு சார்."

பெட்ரோல் டேங் மேலிருந்த கவரில் இருந்து ஆர்சி யை எடுத்துக் கொடுத்தான்

அதைப் பார்த்த சேகர் ,"சரி உன் பிரெண்ட கூட்டிகிட்டு வந்து வண்டியை ஸ்டேஷன்ல இருந்து எடுத்துக்க . இப்ப நீ கிளம்பு ."

"ஏன் சார் ? இப்ப என்ன பிரச்சனை ? எதுக்கு வண்டியை தரமாட்டேங்கறீங்க ?"

"வண்டி உன் பிரெண்டோட வண்டிதான?"

"ஆமாம்"

"அப்புறம் என்ன பிரச்சனை? அவனை கூட்டிகிட்டு வா . வண்டியை எடுத்துகிட்டு போலாம். "

இனி அவரிடம் பேசி பிரயோஜனம் இல்லை என்று முடிவெடுத்த ரமேஷ் "சரி சார். அவனைக் கூட்டிகிட்டு வந்து வண்டியை எடுத்துக்கறேன்" என்று சொல்லி கிளம்ப எத்தனித்தான்.

"ரமேஷ் , ஒரு நிமிஷம் " என்று அவனை நிற்க சொன்ன சேகர் அங்கிருந்த கான்ஸ்டபிளை அழைத்தான்.

" இவரோட அட்ரஸ் அப்புறம் லைசென்சை வாங்கி வெச்சுகோங்க. அவர் பிரெண்டை கூட்டிகிட்டு வந்தப்புறம் விசாரிச்சிட்டு வண்டியை குடுங்க "

ஒரு வழியாய் அங்கிருந்து கிளம்பிய ரமேஷ் , உடனடியாய் விஜியை பார்க்க போவதா வேண்டாமா என்று யோசித்தான். தான் அங்கே செல்லும்பொழுது இந்த சேகர் அங்கு வந்தால் தான் வசமாக மாட்டிக் கொள்வோம் என்று நினைத்தான். எனவே இப்பொழுது தங்கி இருக்கும் இடத்தில் இருந்து எப்படி வெளியேறுவது என்ற வழியை முதலில் பார்ப்போம் என்று முடிவெடுத்தவனாய் தனக்கு தெரிந்த இன்னொரு நண்பனுக்கு அழைக்கத் துவங்கினான் . தன் நண்பனை அழைத்து காருக்கு ஏற்பாடு பண்ணியவன் மாலையில் வந்து காரை எடுத்துக் கொள்வதாகக் கூறினான்.

தாற்காலிகமாக அவர்கள் தங்கியிருந்த இடத்திற்கு வந்த ரமேஷின் முகத்தில் தெரிந்த சோர்வை கண்ட சங்கர்

"என்னாச்சு ரமேஷ் ? எதாவது பிரச்சனையா ?"

"பிரச்சனையா ? நீ வேற . தப்பி வரதுக்குள்ள ஒரு வழி ஆகிட்டேன் . "

"என்னாச்சு ?"

"இவர் வீட்டுக்கு போன் பண்ணிட்டு , காரை விட்ட இடத்தில் நிலை எப்படி இருக்குதுன்னு பார்க்க போனேன் . இன்ஸ்பெக்டரிடம் மாட்டிக்கிட்டேன். எதோ சொல்லி தப்பிச்சிட்டேன்."

"சந்தேகப் படலையா ?"

"கொஞ்சம் சந்தேகம் இருக்கும்னு நினைக்கிறேன் ."

"எதுக்கும் ஈவ்னிங் இங்க இருந்து நாம கிளம்பிடறது நல்லது. "

"நைட் தான கிளம்பலாம்னு இருந்தோம் "

"ஆமாம் . ஆனால் இங்க இருக்கறது அவ்ளோ நல்லது இல்லை. எவ்ளோ சீக்கிரம் கிளம்பரமோ அவ்ளோ நல்லது."

"சரி எந்த வழில இங்க இருந்து போகப் போறோம் ?"

"நீங்க ரெண்டு பேரும் இவரை கார்ல ஏத்திகிட்டு இங்க இருந்து அம்மாப்பேட்டை வழியா அயோத்தியாபட்டினம் கேட்டுக்கு போய்டுங்க. அங்க இருந்து வலசையூர் போற வழி தெரியும்தானே ?"

"தெரியுமே . அங்க போய் ..."

"வலசையூர்ல இருந்து ஏற்காட்டுக்கு ஒரு வழி போகுது . அந்த ரூட் பிரச்சனை இருக்காது. பொதுவா அங்க எந்த செக் போஸ்ட்டும் இல்லை. அயோத்தியாப்பட்டினம் செக் போஸ்ட்ல எனக்குத் தெரிஞ்சு பத்துமணிக்கு மேலதான் போலிஸ் இருப்பாங்க,. அதுக்கு முன்னாடி நாம அதை க்ராஸ் பண்ணிடனும். உங்க கிட்ட காரை கொடுத்தப்புறம் நான் பஸ் பிடிச்சு ஏற்காடு வந்திடுவேன். உங்களுக்கு அந்த ரூட் தெரியும்தானே ?"

"ம்ம் தெரியும் ரெண்டு முறை போயிருக்கேன் ."

"அப்ப சரி. நான் மலைக்கு வந்தப்புறம் உங்களுக்கு கால் பண்றேன். "

- வியாபாரம் தொடரும்

வியாபாரம் 6

2011-05-09T16:42:00.003+05:30

பழைய வியாபாரங்களைப் பார்க்க

டென்சனில் என்ன பேசுவது என்றுப் புரியாமல் தவித்த விஜி , ஒரு வழியாய் எதோ ஒரு சமாதானம் சொல்லி அழைப்பை முடித்தாள். அதன் பின்னும் அவளுக்கு படப்படப்புக் குறையவில்லை என்பதை அவள் முகமே சொல்லியது . பின் எதோ நினைத்தவளாக , தன் அலைப்பேசியில் ஒரு எண்ணைத் தேடி அதற்கு அழைத்தாள். மறுமுனையில் அந்த எண் தொடர்புக் கொள்ளும் நிலையில் இல்லை என்ற மெசேஜ் வர சலிப்புடன் அழைப்பைத் துண்டித்தாள்.

சாதாரணமாக செய்த உதவி தன்னை இப்படி ஒரு சிக்கலில் மாட்டி விடும் என்று அவள் எதிர்ப்பார்க்கவே இல்லை. கோபம், பயம், குழப்பம் என்று அனைத்து உணர்ச்சிகளும் ஒரே சமயத்தில் கிட்டத் தட்ட அழுதுவிடுவது போல் இருந்தாள். அடுத்து என்ன செய்வது என்றுப் புரியாமல் குழம்பிய மனத்துடன் , எதிரே இருந்த பஸ்களைப் பார்த்தாவாறே நின்றிருந்தாள்

கண்ணின் ஓரத்தில் கண்ணீர்த் துளிகள் எட்டிப்பார்த்துக் கொண்டிருக்க அதே சமயத்தில் அவள் அலைபேசி அழைக்க அதில் இருந்த எண் புதிதாய் இருந்ததால் ஒரு கணம் யோசித்தாள். பின் அழைப்பை உயிர்ப்பிக்க மறுமுனையில் அவளுக்குப் பழக்கமானக் குரல் பேசத் துவங்கியது .

*****************************************************************************************************

"இன்னும் எவ்வளவு நேரம் நாம இங்க இருக்கணும் ?"

"இருட்டும் வரைக்கும் எங்கயும் போக முடியாது . சிட்டியை விட்டு எப்படி வெளிலப் போறதுன்னு முதல்ல யோசிக்கணும் . இருந்த காரும் ரிப்பேர் ஆகிடுச்சி."

"அதுக்குதான் ரமேஷ் போயிருக்கான். வேற கார் ஏற்பாடு பண்ணமுடியுமான்னு பார்த்துட்டு அப்படியே நாம அந்தக் காரை விட்டுட்டு வந்த இடத்தில் நிலைமை எப்படி இருக்குதுன்னு பார்க்கறேன்னு சொல்லி இருக்கான். "

"எப்ப வரேன்னு ஏதாவது சொன்னானா ?"

"போன் பண்றேன்னு சொல்லி இருக்கான்."

"ஹ்ம்ம் சரி . அவர் இன்னும் மயக்கதில்தானே இருக்கார்."

"ஆமாம். இப்போதைக்கு எழுந்திருக்க மாட்டார்"

"அதுதான் நல்லது."

அதே நேரத்தில் செவ்வாய்ப்பேட்டை பஜாரில் ஸ்ரீனிவாச செட்டியார் காணமல் போன செய்தி வெளியே பரவ ஆரம்பிக்க , பஜார் முழுவதும் ஒருவித மெல்லியப் பரபரப்பு காணப்பட்டது. அவர்கள் குடும்பத்திற்கு நெருங்கியவர்கள், நேராக வீட்டிற்கு சென்று விசாரிக்கத் துவங்கினர். கிருஷ்ணனுக்கு போன் செய்ய நினைத்தவர்கள் அவன் காவல் துறையினரைப் பார்க்க சென்றிருக்கிறான் என்றவுடன் தங்கள் நினைப்பைக் கைவிட்டனர். இப்பொழுது போன் செய்தால் தங்களுக்கும் ஏதாவது பிரச்சனை வருமோ என்ற சுயநலத்தில் நழுவினர்.

********************************************************************************************************

கிருஷ்ணனிடம் அவருக்கு அழைப்பு வந்த எண்ணை வாங்கிய சேகர், அதை ஒரு நிமிடம் ஆராய்ந்தார். தனியார் தொலைப்பேசியின் எண் என்றுத் தெரிந்தது. ஒரு வேளை ஒரு ரூபாய் போட்டுப் பேசும் பொதுத் தொலைப்பேசியாய் இருக்குமோ என்று சந்தேகம். இருந்தாலும் எந்த ஏரியா என்பதுத் தெரிந்துவிடுமே என்று கண்ட்ரோல் ரூமுக்குத் தகவல் தந்து அந்த எண் எந்தப் பகுதியில் உள்ளது என்று விசாரிக்க சொன்னார்.

பின் அங்கிருந்த கான்ஸ்டபிளை அணுகியவர் , அந்தப் பகுதியைப் பற்றி விசாரிக்கத் துவங்கினார். அவரிடம் பேசியவாறே கார் இருந்தப் பகுதியை மீண்டும் பார்த்தவரின் கண் புதிதாய் அங்கு எதையோ பார்த்தது போல் ஒரு நிமிடம் பிரகாசம் ஆனது. பின் அதைப் பார்த்தும் பார்க்காதவர் போல் எதிர்புறம் இருந்தக் கடைகளில் இருந்தவர்களை பார்த்தவர், மெதுவாக டீக்கடையை நோக்கி சென்றார்.

அவர் அங்கு நுழைந்ததுமே உள்ளிருந்தவர்களை ஒரு முறை பார்த்தவர் , போலீசைக் கண்டவுடன் வரும் சாதாரண பயமே அங்கிருந்தவர்கள் முகத்தில் இருப்பதைப் பார்த்து பின் கடை உரிமையாளரிடம் விசாரிக்கத் துவங்கினார். விசாரிக்கும் பொழுதே அவர் கண்கள் அக்கம் பக்கக் கடைகளிலும் நோட்டம் விட்டுக் கொண்டிருந்தது.

இவர் பார்ப்பதைப் பார்த்தவுடன் , அங்கிருந்து ஒருவன் மெதுவாக நழுவ முற்பட்டான். அதைக் கண்ட அவர் , உடனடியாக அவனை நோக்கி விரைந்தார்.

- வியாபாரம் தொடர்ந்து நடக்கும்

பயோடேட்டா அ(ட) ப்பாவி தங்கமணி

2011-05-08T21:20:00.002+05:30

பெயர் : அப்பாவி தங்கமணி

இயற்பெயர் : புவனி

தலைவி : குடும்பம் மற்றும் அவரது வலைப்பூவுக்கு

துணைத் தலைவர் : எப்பவும் தலைவிதான்

மேலும்
துணைத் தலைவர்கள்        : திரு கோவிந்த்
தொழில்      : கதை எழுதுகிறேன் என்று தமிழ் வலைப்பூ வாசகர்களை படுத்துதல் பலம்          : அப்பாவி என்று பெயருக்கு முன் சேர்த்துக்கொண்டது
பலவீனம்       : நுணலும் தன் வாயால் கெடும் என்பது போல் உளறிக் கொட்டி மாட்டிக்கொள்வது
நீண்ட கால சாதனைகள் :ரமணி சந்திரனின் பதிவுலக ஜெராக்ஸ் என்று அனைவரும் நம்புவது
சமீபத்திய சாதனைகள்   : வலைச்சர ஆசிரியராக இருந்தது
நீண்ட கால எரிச்சல்        : ஐவர் பேரவை
சமீபத்திய எரிச்சல்       : ஐவர் பேரவை விரிவாக போவதை எண்ணி
மக்கள்          : பின்னூட்டம் போடுபவர்கள் மட்டும்
நண்பர்கள்       : எப்படி கதை எழுதினாலும் படிப்பவர்கள்

எதிரிகள்        : எல்கே, அனாமிகா ,போர்க்கொடி, ப்ரியா அக்கா இன்னும் சிலர்
ஆசை      : ரமணி சந்திரன் மாதிரி இதழ்களில் கதை எழுத
நிராசை      : என்ன செய்தாலும் இட்லி சரியாமல் இருப்பது

பாராட்டுக்குரியது         : அப்படி ஏதாவது இருக்கா ??
பயம்   : ஜில்லுனு ஒரு காதலை எப்படி முடிப்பது ???
கோபம்       : அப்படினா ??
காணாமல் போனவை     : கடந்த செவ்வாய் அன்று போட வேண்டிய பதிவு

அன்புடன் எல்கே

வியாபாரம் 5

2011-05-06T22:41:00.001+05:30

பழைய வியாபாரங்களைப் பார்க்க

பகல் நேரம் என்பதால் கணேஷ் மியூசிக் ஸ்டோரில் அதிகம் கூட்டம் இல்லை. , இரண்டு கஸ்டமர்கள் மட்டுமே உள்ளே இருந்தனர். டிவிடி ப்ளேயரில் எஸ்பிபி இளையராஜாவின் இசையில் தேனாய் குழைந்துக் கொண்டிருக்க , இருந்த இரண்டு வாடிக்கையாளர்களையும் வேறு ஒருப் பெண் கவனித்துக் கொண்டிருக்க , மீதம் இருந்த விஜியும், மற்றொரு பெண்ணும் அரட்டையில் மும்முரமாக இருந்தனர்.

எஸ்பிபியின் தேனோசையை குலைக்கும் விதமாக மொபைல் ஒன்று அலறத் துவங்கியது. கையிலே வைத்திருந்த போன் அலறத் துவங்கியவுடன் , நம்பரைப் பார்த்த விஜி, கேஷ் வாங்கும் இடத்தில் மேலாளர் போல் இருந்தவரிடம் சொல்லிவிட்டு , அழைப்பை உயிர்ப்பித்துக் கொண்டே கடையில் இருந்து வெளியே சென்று பேசத் துவங்கினாள்.

விஜி கொஞ்சம் கறுப்பென்றாலும் , பார்ப்பவரை தன் பக்கம் ஈர்க்கும் கறுப்பென்றே சொல்லலாம். இது கருமை நிறத்துக்கே உரிய விசேஷமாகும். இருபது வயதுக்கே உண்டான துடுக்குத் தனத்துடன் கொஞ்சம் வாயும் அதிகம். இது அவளைப் பற்றி அவளை சுற்றியுள்ளோரின் கணிப்பு .

பள்ளிப்படிப்புக்கே குட்டிகர்ணம் அடித்ததால் , மேற்கொண்டுப் படிக்காமல், புத்தகத்துக்கு விடைகொடுத்தவள் விஜி.

வீட்டில் வெட்டியாய் இருப்பதை விட, வேலைக்கு சென்றால் காசும் கிடைக்கும் பொழுதும் கழியும் என்றெண்ணி , முதலில் சிலக் கடைகளில் வேலை செய்தாள். அவை அவளுக்கு ஒத்து வராததால், ஒரு வருடத்திற்கு முன்பு இந்தக் கடையில் தன் தோழியின் மூலம் வேலைக்கு சேர்ந்தாள். இங்கு இடுப்பொடிக்கும் அளவிற்கு வேலை இல்லாததாலும், அவளுக்குப் பிடித்தப் பாடல்களைக் கேட்டுக் கொண்டே இருக்கலாம் என்பதாலும் அங்கிருந்து விலகவில்லை.

அந்த நேரத்தில் தன் வீட்டில் இருந்து எதற்கு போன் வரவேண்டும் என்று யோசித்துக் கொண்டே பேசத் துவங்கினாள். மறுமுனையில் அவள் தந்தை கோபத்துடன் திட்ட ஆரம்பிக்க, முதலில் இவளுக்கோ ஒன்றும் புரியவில்லை. பின் நடந்தவை முழுவதும் அவர் சொல்ல, பின்தான் அவளுக்கு முழுவதும் விளங்கியது. அவர் மறுமுனையில் பேச பேச இங்கு விஜிக்கு பயத்தில் நாக்கு உலர்ந்த, முகத்தில் வேர்வை முத்துக்கள் பூக்கத் துவங்கின.

சேகர் காரை நெருங்கவும், கிருஷ்ணன் தனதுக் காரில் அங்கு வந்து சேரவும் சரியாக இருந்தது.

"சார் , இந்தக் கார் உங்களதுதானே ?"

"ஆமாம் சார். எங்கக் கார்தான். இங்க எப்படி சார்? டிரைவர் எங்க சார் ?"

"விடியற்காலையில் காரை இங்க யாரோக் கொண்டுவந்து நிறுத்திவிட்டு போயிருக்காங்க. யார் அதை பண்ணினது என்றுத் தெரியலை. டிரைவரைப் பத்தியும் எந்தத் தகவலும் இல்லை. ஒண்ணா டிரைவரே உங்கப்பாவை எங்கையோ கடத்தி வெச்சிருக்கணும் இல்லை டிரைவரையும் சேர்த்து யாரோக் கடத்தியிருக்கணும். இதுல எது நடந்திருக்குன்னுதான் தெரியலை ."

"சரி உங்களுக்கு ஏதாவது அழைப்பு வந்துச்சா ?"

"இதுவரைக்கும் எதுவும் வரலை சார். "

கிருஷ்ணன் சொல்லி முடிக்கவும் , அவரது அலைபேசி சிணுங்கத் துவங்க, அதை எடுத்து நம்பரைப் பார்த்தக் கிருஷ்ணன் , சேகரிடம்

"எதோ புதிய நம்பரா இருக்கு சார் "

"போனை அட்டென்ட் பண்ணுங்க . உங்க நம்பருக்கு வரும் கால்ஸ் எல்லாத்தையும் ட்ரேஸ் பண்ண சொல்லியிருக்கேன்."

அழைப்பை உயிர்ப்பித்து பேசத் துவங்கிய கிருஷ்ணன் முகத்தில் கவலை ரேகைகள் விழத் துவங்கின. நெற்றியில் வியர்வை ஓடத் துவங்க , இதயத் துடிப்பு அதிகரிக்கத் துவங்கியது .

இரண்டு நிமிடமே நீடித்த அந்த அழைப்பு முடிந்தவுடன் ,

"யாருங்க கிருஷ்ணன் ? ஏன் உங்க முகம் இப்படி இருக்கு ?"

"யார்னு தெரியலை சார் . பேரு சொல்லலை. இப்ப அப்பா அவங்கக் கிட்டத்தான் இருக்காராம். அவர் உயிரோட வேணும்னா காசு வேணும்னு சொல்றாங்க ."

"எவ்வளவு கேக்கறாங்க ?"

"ஐம்பது லட்சம் ."

"மை குட்னஸ். பேசின குரல் உங்களுக்கு தெரிஞ்ச குரலா இருக்கா ?"

"தெரியலை சார். அந்த டென்சன்ல என்னால ஒன்னும் கவனிக்க முடியலை ." என்று சொன்னக் கிருஷ்ணனின் குரலில் இன்னமும் படப்படப்பு இருந்தது.

"எந்த நம்பர்ல இருந்த கால் வந்துச்சு? அந்த நம்பரை சொல்லுங்க ."

கிருஷ்ணன் சொன்ன நம்பரை குறித்துக் கொண்ட சேகர், தன் வண்டியில் சொருகி வைத்திருந்த வயர்லஸ் போனை எடுத்து அதில் கண்ட்ரோல் ரூமை அழைத்தான்.

-வியாபாரம் தொடரும்

பி கு : அடுத்தப் பகுதி ஞாயிறு அன்று வரும்

அன்புடன் எல்கே

வியாபாரம் 4

2011-05-03T12:09:00.003+05:30

பழைய வியாபாரங்களைப் பார்க்க

போலிப்பெயரில் அந்த கார்ட் வாங்கப் பட்டிருக்கும் என்று முன்னமே தெரிந்திருந்தாலும் , அங்கு கிடைத்த தகவல்கள் இந்த வழக்கில் இன்னும் சிலர் சம்பந்தப் பட்டிருப்பரோ என்று எண்ணத்தூண்டியது .

முகவரியில் குறிப்பிடப்பட்டிருந்த வீட்டை அணுகி , கதவைத் தட்டிவிட்டுக் காத்திருந்தான். சில நொடிகள் காத்திருத்தலுக்குப் பிறகு , நாற்பது வயதை ஒட்டியப் பெண்மணி ஒருவர் கதவைத் திறந்தார். காவல்துறைக்கே உரிய காக்கி உடையில் வராமல் சாதாரண உடையில் சேகர் வந்ததால்

"யாருங்க ? யார் வேணும் உங்களுக்கு ?

" முத்து யாருங்க இங்க ."

"என் வீட்டுக்காரர்தான். நீங்க யாரு ? உங்களுக்கு என்ன வேணும் ?"

" நான் போலீஸ் டிப்பார்ட்மெண்ட்ல இருந்துவரேன். இப்ப சமீபத்தில் அவர் எதவாது மொபைல் கார்டு வாங்கினாரா ?

"எனக்கு அதெல்லாம் தெரியாதுங்க. அவர் உள்ளதான் இருக்கார் . அவர்கிட்டயே கேட்டுகோங்க "

"ஏங்க கொஞ்சம் வாங்க " என்றுத் தன் கணவரை அழைத்தவாறே சேகரையும் உள்ளே வரசொன்னாள்.

"நீங்கதான் முத்துவா ?"

"ஆமா சார். என்ன விஷயம் ?"

"இப்ப சமீபத்தில எதவாது சிம் கார்ட் வாங்கினீங்களா ?"

" ஏன் சார் என்னாச்சு ?"

"கேட்டதுக்கு பதில் சொல்லுங்க "

"இல்லீங்களே . நான் ஒரு வருசத்துக்கு முன்னாடி வாங்கினேன் . அதுக்கப்புறம் எதுவும் நான் வாங்கலயே சார் ."

"அப்ப இந்த நம்பர் யாருது ? இந்த நம்பர் உங்க பேர்லதான் வாங்கி இருக்காங்க ?" என்று சொல்லி அந்த நம்பரை சொன்னான் .

"இல்லீங்களே . நான் எதுவும் இப்ப கார்ட் வாங்கலயே ."

"வேற யாருக்காவது வாங்கித் தந்தீங்களா ?"

"என் பொண்ணுதான் கார்ட் வாங்கனும்னு சொன்னா. ஆனா இந்த நம்பர் அவளோட நம்பர் இல்லையே ?"

"உங்க பொண்ணுக்கு நீங்க வாங்கிக் கொடுத்தீங்களா இல்லை வெறும் டாக்குமென்ட் மட்டும் கொடுத்தீங்களா ?"

"எதோ அட்ரஸ் ப்ரூப் வேணும்னு ரேஷன் கார்டு வாங்கிட்டு போச்சுங்க "

"உங்க பொண்ணு இப்ப எங்க ? வீட்ல இருந்தா கூப்பிடுங்க."

"இல்லீங்க வேலைக்கு போயிருக்கு . "

"எங்க வேலை செய்யறாங்க? அந்த அட்ரஸ் கொடுங்க ?"

"டவுன் பஸ் ஸ்டேன்ட்ல காம்ப்ளக்ஸ்ல கணேஷ் ம்யூசிக் ஸ்டோர்ல வேலை செய்யுதுங்க."

"உங்க பொண்ணு பேரு என்ன ? "

"விஜி "

"சரி நான் அங்க போய் விசாரிச்சுக்கறேன் "

"சார் எதாவது பிரச்சனையா ?"

"ஆமாம். உங்க பொண்ணு உங்க பேர்ல வேற ஒருத்தருக்கு சிம் கார்ட் வாங்கி தந்திருக்கு . அந்த ஆளை இப்ப வேற ஒரு கேஸ் விஷயமா தேடிகிட்டு இருக்கோம் ."

"என் பொண்ணுக்கு எந்தப் பிரச்சனையும் வராதே ?"

"அது உங்க பொண்ணு சொல்ற விஷயத்தை பொறுத்து இருக்கு . தேவைப்பட்டா மறுபடியும் வரேன். "

அங்கிருந்து கிளம்பிய சேகர் பழைய பஸ் ஸ்டேண்டை நோக்கி வண்டியை செலுத்திக் கொண்டிருந்தான். குகைப் பகுதியை நெருங்கிக் கொண்டிருந்த பொழுது அவனது அலைபேசி மீண்டும் அலறத் துவங்கியது.

"அப்படியா ?"

"பத்து நிமிஷத்தில் அங்க இருப்பேன் " என்று சொல்லியவாறே வண்டியைத் திருப்பியவன் எதோ நினைத்தவனாக வண்டியை சாலை ஓரத்தில் நிறுத்தி , முதல் நாள் தான் குறித்துக் கொண்ட கிருஷ்ணனின் எண்ணுக்கு அழைத்து உடனே கிளம்பி உடையாப்பட்டி பை பாஸில் இருந்து சீலநாயக்கன்பட்டி பை பாஸ் செல்லும் ரோட்டில் ஒரு இடத்தை சொல்லி அங்கு வருமாறு சொல்லிப் பின் தன் வண்டியை அங்கே விரட்டினான்.

பதினைந்து நிமிடம் கழித்து அந்த இடத்திற்கு சென்றவன் அங்கு நிறுத்தப்பட்டிருந்த காரின் அருகே தன் வண்டியை நிறுத்தினான். பின் காரின் அருகே சென்று அதைப் பார்த்தவரே அங்கிருந்த காவல் துறையினரிடம் விசாரிக்க ஆரம்பித்தான்.

"எப்ப இருந்து இந்த கார் இங்க நிக்குது ? யார் முதலில் பார்த்தது ?"

"நேத்து நைட் ரெண்டு மணி வரைக்கும் இந்த கார் இங்க இல்லை சார் . அதுக்கு அப்புறம்தான் கொண்டுவந்து நிறுத்தி இருக்கணும்."

"அதெப்படி அவ்வளவு கரெக்ட்டா சொல்றீங்க ?"

"நைட் ரெண்டு மணிக்கு ஹைவே ரோந்து போலிஸ் வருவாங்க சார். அவங்க கண்ணில் பட்டிருந்தா அப்பவே விஷாரிச்சிருப்பங்க. "

"கார் லாக் ஆகி இருக்கா?"

"இல்லை சார். வண்டி சாவிக் கூட உள்ளதான் இருக்கு."

"யார் ரிப்போர்ட் பண்ணது?"

"எதிர்ல இருக்கற டீக்கடைக்காரர் தான் சொன்னார்."

"சரி வாங்க. கார் ஓனருக்கு சொல்லியிருக்கேன். அவர் வரதுக்கு முன்னாடி அந்த டீக்கடைக்காரரை விஷாரிச்சிட்டு வருவோம் ."

"இந்தக் காரை எப்ப பார்த்த?"

"எப்பவும் காலையில் அஞ்சு மணிக்கு கடையை திறப்பேன். அப்பவே இந்தக் கார் இங்கதான் இருந்தது சார் "

"எத்தனை மணிக்கு போலிசுக்கு சொன்ன ?"

"இப்பதான் கொஞ்ச நேரத்துக்கு முன்னாடி ."

"ஏன் இவ்ளோ லேட் பண்ண ?"

"சில சமயம் யாரவது கார் ரிப்பேர் ஆகி இருந்தாலும் , இங்க விட்டுட்டு போயிட்டு காலையில் ஆளக் கூட்டிகிட்டு வந்து சரி பண்ணி எடுத்துக்கிட்டுப் போவாங்க. அந்த மாதிரி ஏதாவது இருக்கும்னுதான் சொல்லலைங்க. ரொம்ப நேரம் ஆகியும் யாரும் வரலை. அதான் போலீஸ்க்கு இன்பார்ம் பண்ணேன் ."

"சரி "

"கார் உள்ள தேடித் பார்த்தியா ?"

"இல்லை சார். உங்களுக்கு இன்பார்ம் பண்ணிட்டு வெயிட் பண்ணிட்டிருந்தேன் "

"சரி வா. உள்ள எதவாது இன்பார்மேஷன் கிடைக்குதான்னு பார்ப்போம் "

என்றவாறே காரை நோக்கி சேகர் போகவும், மற்றொரு காரில் கிருஷ்ணன் வந்திறங்கவும் சரியாக இருந்தது .

- வியாபாரம் தொடரும்

கல்விக்கு உதவுங்கள் நண்பர்களே

2011-05-02T19:26:00.002+05:30

தெருவோரத்தில் உண்டு, உறங்கியபடி நரிக்குறவர் இனத்தைச் சேர்ந்த இரு மாணவர்கள் இன்ஜி., கல்லூரிகளில் படிக்கின்றனர். மிகுந்த சிரமத்துக்கு இடையே படிக்கும் இம்மாணவர்கள் படிப்பைத் தொடர, உதவும் உள்ளங்களின் உதவியை எதிர்பார்த்துக் காத்திருக்கின்றனர்.

பேரூர், செட்டிபாளையம் ஊராட் சிக்கு உட்பட்டது ஆறுமுகக்கவுண்டனூர். இங்கு நரிக்குறவர் குடும்பத்தினர் வசிக்கின்றனர். அவர்களில் தனியார் இன்ஜினியரிங் கல்லூரியில் பயிலும் இரு மாணவர்கள், படிப்பை தொடர நிதியின்றி பரிதவிக்கின்றனர்.

நரிக்குறவர் இனத்தைச் சேர்ந்த மாணவர் பார்த்திபன், இந்துஸ்தான் கல்லூரியில் எம்.சி.ஏ., முதலாமாண்டு படிக்கிறார்; 83 சதவீத மதிப்பெண்களைப் பெற்றுள்ள இவர் படிப்பதும், உறங்குவதும் தெருவில் தான்.சமீபத்தில் பெய்த மழை வெள்ளத்தால் குடிசையில் இருந்த பொருட்கள் அடித்துச் செல்லப்பட, இரவில் ரோட்டோரத்தில் படுத்து இவரது குடும்பத்தினர் உறங்குகின்றனர். ஒரு முறை கல்லூரி பாடப் புத்தகங்களும் மழைவெள்ளத்தில் நனைந்து நாசமான சம்பவமும் நடந்திருக்கிறது. இரவு 12.00 மணிக்கு கடைகள் அடைக்கப்பட்டு, வாகனப்போக்குவரத்து குறைந்தபின்னர் பேரூர் ரோட்டோரங்களில் படுத்து உறங்குகின்றனர். பார்த்திபன் பி.சி.ஏ., பட்டப்படிப்பையும் தனியார் கல்லூரியில் முடித்திருக்கிறார். ஆனால், முதல் பட்டதாரிக்கான கல்வி உதவித்தொகை உட்பட எந்த கல்வி உதவித்தொகையும் இவருக்கு கிடைக்கவில்லை. படிப் பதற்கு புத்தகங்கள் வாங்க பணம் இல்லாததால், கல்லூரி நூலகத்தை பயன்படுத்திக் கொள்கிறார். எம்.சி. ஏ., படித்த போதும், லேப்டாப் இல்லை. இரவில் அண்டை வீடுகளில் கேட்டு, வாசலில் உள்ள மின்விளக்கு வெளிச்சத்தில் படிக்கிறார். வங்கியில் கல்விக்கடன் வழங்கப்படுகிறது; ஆயினும் 1.7 லட்Œம் செலவாகி உள்ள நிலையில் 1.5 லட்சம் ரூபாய் மட்டுமே கடனாக கிடைத்திருக்கிறது.

அதேபோன்று, மதன் என்ற மற்றொரு நரிக்குறவர் இன மாணவர், இன்டஸ் இன்ஜி., கல்லூரியில் பி.டெக்., தகவல் தொழில்நுட்பம் முதலாமாண்டு பயின்று வருகிறார். கவுன்சிலிங் மூலம் இடம் கிடைத்திருக்கிறது. இவ ரும் கல்விக்கடன் பெற்றுள்ளார். இதுவரை, 56 ஆயிரம் ரூபாய் செலவாகி இருக்க, 26 ஆயிரம் ரூபாய் மட்டுமே கிடைத்திருக்கிறது. ஒரு ஆறுதலாக, முதல்பட்டதாரிக்கான உதவித்தொகை இவருக்கு வழங்கப்படுகிறது. இவரும், தெருவில் படுத்துறங்கி பக்கத்து வீட்டுவாசலில் உள்ள மின்விளக்குகள் மூலமே படித்து வருகிறார். கல்லூரி பஸ்சுக்கு ஆண்டுக்கு 5,000 ரூபாய்; கல்விக்கட்டணமாக 15,000 ரூபாய் செலவு ஏற்படுதாக கூறும் இவருக்கு "லேப்டாப்' இல்லை.நல்ல உடை இல்லை; கட்டாயம் ஷூ அணிந்து செல்ல வேண்டும், புத்தகங்களை நூலகத்தில் எடுத்து மட்டுமே படிக்க முடியும் என்ற போதும் மனம்தளராமல் படித்து வருகின்றனர். இருவருமே பிளஸ் 2வரை தமிழ்வழியில் படித்தவர்கள் என்பதால், ஆங்கில அறிவை வளர்த்துக் கொள்ள, பயிற்சி வகுப்புக்குச் செல்ல விரும்புகின்றனர். கட்டணம் செலுத்த முடியாததால்செல்லவில்லை. தெருவில் உறங்கி தெருவிலேயே படிப்பதை விட, விடுதியில் தங்கிப் படிப்பது போன்ற வசதிகளை ஏற்படுத்திக் கொடுத்தால் அவர்களால் படிப்பில் கூடுதல் கவனம் செலுத்த முடியும். பெற்றோர் ஊசி, பாசி விற்பதன் மூலம் ஈட்டும் வருவாய் அவர்களின் உணவுக்கே போதாத நிலையில், கல்விக்கு கூடுதலாக செலவிட நினைப்பது சிரமமே. சமூக, பொருளாதார ரீதியாக மிகவும் பின்தங்கிய இரு மாணவர்கள், சுயமாக முன்னேறி இருக்கின்றனர். உதவும் உள்ளங்கள் 97506 70733 என்ற எண்ணில் தொடர்பு கொள்ளலாம்

அன்புடன் எல்கே

தலைப்பிடப்படாதவை I

2011-04-25T07:10:00.000+05:30

கடந்த வாரம் வெள்ளி என்றெண்ணுகிறேன். காலை மணி எட்டரை இருக்கும். அன்று அதிகம் வெய்யிலும் இல்லை. காற்றும் லேசாக என்னைத் தழுவி செல்ல அன்றையக் காலை அற்புதமாக தெரிந்தது.

அலுவலகத்திலிருந்து வழக்கமாய் செல்லும் டீக்கடைக்கு நடந்து கொண்டிருந்தேன். புறாக்கூட்டம் ஒன்று எங்கிருந்தோ வந்தது. டீக் கடையில் நின்றுக் கொண்டு அவற்றை வேடிக்கைப் பார்த்துக் கொண்டிருந்தேன். சிறகடித்து ஒலி எழுப்பியப் படி பறந்து கொண்டிருந்த புறாக்களில் ஒன்று திடீரென்று அங்கிருந்த ஹை வோல்டேஜ் ட்ரான்ச்பார்மரில் அமர , அடுத்த நொடி அது தூக்கி எறியப் பட்டது.

கீழே விழுந்த அந்தப் புறாவின் உடலில் உயிர் இருந்தால் காப்பாற்றலாம் என்று இரண்டு எட்டு எடுத்து வைப்பதற்கு முன் இதற்காகவே காத்திருந்தது போன்று அங்கு வந்த நாய் , அந்தப் புறாவைக் கவ்விக் கொண்டு சென்று விட்டது.

அந்த சம்பவம் என் மனதில் வேறு சில அதிர்வலைகளை தூண்டி விட்டது. அவை இங்கே.

காலை நேரம் என்பது நமது இளமைப் பருவம். இங்கு சிறகடித்துப் பறப்பது நாம்தான்.

ட்ரான்ச்பார்மரில் உட்காருவது என்பது நாம் செய்யும் தவறான காரியங்கள். அதன் உடனடி விளைவு கீழே விழுவது. அங்கிருந்த புறாக்களில் ஒரு புறா மட்டும் ஏன் அங்கு வந்து அமரவேண்டும் ? அதற்க்கு என்ன காரணம் ? நம் நண்பர்கள் கூட்டத்தில் கண்டிப்பாக இளமையில் ஏதேனும் தவறு செய்து அதனால் பாதிக்கப்படும் நண்பர் ஒருவராவது இருப்பார்.

ஒரு தவறு செய்தால் ஏற்படும் தொடர் நிகழ்சிகள் அதனால் ஏற்படும் பாதிப்புகள்தான் அந்த நாய் புறாவை எடுத்து செல்வது.

என்ன நான் சொல்லி இருப்பது சரியா நண்பர்களே ?

பி.கு : அப்பப்ப இந்த மாதிரி மனதில் வரும் எண்ணங்களை "தலைப்பிடப்படாதவை" என்றத் தலைப்பில் பகிரலாம் என்று இருக்கிறேன்.

அன்புடன் எல்கே

கூட்டு 24.04.2011

2011-04-24T08:42:00.000+05:30

ஸ்மார்ட் டிவி

சாம்சங் புதிதாய் ஸ்மார்ட் டிவியை அறிமுகப்படுத்தி உள்ளனர். கணினி , டிவி ரெண்டும் இணைந்ததுதான் இந்த ஸ்மார்ட் டிவி. நார்மலா டிவியும் பார்த்துக்கலாம். அதே சமயத்தில் இணையம் சென்று அங்கிருந்து வீடியோவும் பார்த்துக்கலாம்.வீடியோ பார்ப்பதோடு சாட் பண்ணலாம். மேலும் அவர்கள் கொடுத்துள்ள அப்ளிகேசன் மூலம் இன்னும் சில பயன்களைப் பெறலாம். இதுதான் இதோட சுருக்கமான விளக்கம்.

அமெரிக்கா மற்றும் ஐரோப்பாவில் இது பெரும் வரவேற்பை பெற்றதை தொடர்ந்தி இந்தியாவிலும் அறிமுகப் படுத்தி உள்ளனர். இதன் குறைந்தபட்ச விலை Rs 57000.

இதை பற்றி மேலும் விவரங்களை அறிய இங்கே செல்லவும்.

பார்க்கிங் பிரச்சனை

ரெயில்வே ஸ்டேசனில் இருக்கும் இரண்டு சக்கர வாகனம் நிறுத்தும் இடம் ஆகட்டும் அல்லது அரசு பேருந்து நிலையங்களில் இருப்பதாகட்டும் , வண்டி நிறுத்துபவர்களுக்கு வசதியாக உள்ளதா ? குறிப்பாக சென்ட்ரலில் இருக்கும் இரண்டு சக்கர வாகனங்கள் நிறுத்தும் இடம். வருடா வருடம் டெண்டர் மூலம் அந்த ஸ்டேன்ட் நடத்துவதற்கு ஒப்பந்ததாரர் தேர்ந்தெடுக்கப்படுகிறார். எனக்குத் தெரிந்தவரை பல லட்சங்களுக்கு மேல் போகிறது அந்த டெண்டர். இதன் மூலம் ரெயில்வேக்கு நல்ல லாபம்தான். ஆனால் பொதுமக்களுக்கு வசதி எதுவும் இல்லை.

வண்டி நிறுத்தும் இடம் முழுவதும் சேறும் சகதியுமாய் இருக்கிறது. போதாக்குறைக்கு , முட்களும் ,கல்லும் எப்பொழுது வண்டி டயரை பதம் பார்க்கலாம் என்று காத்திருக்கின்றன. ஒப்புக்கு ஒருகூரை. அதன் கீழ் இருபது வண்டிகளை மட்டுமே நிறுத்த முடியும் .

நல்ல லாபம் சம்பாதிக்கும் இடத்தில் பொதுமக்களுக்கு ஏன் வசதிகளை ஏற்படுத்திக் கொடுக்கக் கூடாது ?

டவுட்டு

தனியார் நடத்தும் மால்கள் ஆகட்டும், அரசாங்க இடத்தில் ஒப்பந்தக்காரர்கள் நடத்தும் பார்க்கிங் ஆகட்டும் அவர்கள் கொடுக்கும் டோக்கனில் "வண்டியை இங்கு உங்கள் சொந்த ரிஸ்கில் நிறுத்துகிறீர்கள். வண்டியில் உள்ள பொருளோ வண்டியின் பாகங்களோ தொலைந்தால் நிர்வாகம் பொறுப்பல்ல " என்று எழுதி இருப்பார்கள்.

இவர்கள் பொறுப்பேற்க மாட்டேன் என்றால் எதற்காக கட்டணம் வசூலிக்க வேண்டும் ? இந்தமாதிரி பிரிண்ட் செய்திருப்பது சட்டப்படி சரியா ? சட்டம் தெரிந்தவர்கள் சொல்லுங்களேன்.

போக்குவரத்து விதிகள்

சிக்னலில் காவல்துறை அதிகாரி இருக்கிறாரோ இல்லையோ சிக்னலை மதித்து நடக்கவேண்டியது ஒரு நல்ல குடிமகனின் கடமை. ஆனால் இன்றைய சூழ்நிலையில் எத்தனை பேர் அப்படி செய்கிறோம் ? குறிப்பா படிச்சவங்கதான் யாருமே இல்லையே ? எதுக்கு நிக்கணும் அப்படின்னு சிக்னலை மதிக்காம விதிமுறைகளை மீறுகிறார்கள்.

இவர்கள் விதிமுறைகளை மீறிவிட்டு , பின் காவல்துறையினர் லஞ்சம் கேட்கின்றனர் என்று புலம்புகின்றனர். அதிகாரிகளிடமும், அரசியல்வாதிகளிடமும் நேர்மையை எதிர்பார்க்கும் நாம் நேர்மையா இருக்கிறோமா ? . யோசிக்க வேண்டிய விஷயம் இது.

கீது ஜோஸ்

கேரளாவை சேர்ந்து கீது ஜோஸ் என்கின்ற பேஸ்கட்பால் வீராங்கனை அமெரிக்கா சென்றுளார். இதில் என்ன விஷயம் இருக்கிறது என்கிறீர்களா ? அமெரிக்காவில் நடைபெறும் NBA மற்றும் WNBA தொழில் முறை கூடைபந்தாட்ட போட்டிகள் உலகப் புகழ் பெற்றவை. ஒரு வருடமாவது அதில் கலந்துக் கொண்டு விளையாடவேண்டும் என்பதுதான் பெரும்பாலான கூடைப்பந்தாட்ட வீரர்கள்/வீராங்கனைகளின் ஆசை .

அங்கு சென்று விளையாட கீதுவிற்கு வாய்ப்பு வந்துள்ளது. அங்குள்ள மூன்று அணிகளின் தகுதித் தேர்வுகளில் பங்கு பெற இப்பொழுது சென்றுள்ளார் கீது. அவர் தேர்வு செய்யப்படும் பட்சத்தில் NBA மற்றும் WNBA வில் விளையாடும் முதல் இந்தியர் என்றப் பெருமை கீதுவிற்கு கிடைக்கும்.

கீது தேர்வாக எனது வாழ்த்துக்கள்.

இந்தவாரப் பதிவர்

எல்லாவற்றையும் நேசிப்போம் என்றப் பெயரில் வலைப் பூ வைத்துள்ள திரு வெங்கட்ராமன் முருகன். இவர்தான் இந்த வாரப் பதிவர். இவர் சிறுகதைகள் அதிகம் எழுதியுள்ளார். அவற்றில் எனக்குப் பிடித்தது "அப்பாச்சி ". கதைய்டாவ் சுருக்கம் இதுதான். நகரத்தில் பிறந்து வளரும் இந்தகால சிறுவனுக்கு பாட்டி மற்றும் அவர்களின் ஊர் பிடிக்கவில்லை. ஆனால் அங்கு சென்றாகவேண்டியக் கட்டாயம். அவன் அங்கு சென்று தன் மனதை மாற்றிக் கொண்டானா இல்லையா என்பதைப் படிக்க அவரது தளத்திற்கு செல்லுங்கள்.

http://confidencecorner.blogspot.com/

டிஸ்கி : இந்த வாரம் கூட்டு எல்லோருக்கும் சரியா இருக்கும்னு நினைக்கிறேன். உங்க கருத்தை சொல்லுங்க.

அன்புடன் எல்கே

வியாபாரம் 3

2011-04-22T12:20:00.002+05:30

பழைய வியாபாரங்களைப் படிக்க

சிலநொடிகள் ராமுவை உற்று நோக்கிய சேகர் பின் அங்கிருந்து கிளம்பி தன் அலுவலகத்தை அடைந்தான். அலுவலகம் வந்தவுடன், கார் டிரைவரின் எண்ணிற்கு அங்கிருந்த லேண்ட்லைன் போனில் இருந்து அழைத்தான். அவன் எதிர்பார்த்தவாறே சுவிட்ச் ஆப் செய்யப்பட்ட மெசேஜை பதிவுசெய்யப்பட்டக் குரல் ஒலிக்க அழைப்பைத் துண்டித்து அந்த எண் எந்த நிறுவனத்தின் எண் என்று ஆராய முற்பட்டான்.

ஏற்கனவே நேரம் ஆனதுடன் இன்னொரு சலிப்பும் சேர்ந்துக் கொண்டது அவனுக்கு. ஒரே எண்ணை வைத்து கம்பெனியை மட்டும் மாற்றிக் கொள்ளும் வசதி வந்தது நமக்குதான் தொல்லை என்று எண்ணியவாறே முதலில் பி எஸ் என் எல் அலுவலகத்திற்கு தொடர்புக் கொண்டான். அவன் எதிர்பார்த்த பதில் கிடைக்கவில்லை என்பது அவன் அழைப்பைத் துண்டித்து அடுத்த எண்ணை டையல் செய்தபொழுதே தெரிந்தது. இரண்டு மூன்று நிறுவனங்களை அழைத்தப்பின் அவனுக்குத் தேவையான விவரங்கள் கிடைத்தன.

அவர்களிடம் அவன் தனக்குத் தேவையான விவரங்களைக் கேட்டுப் பெற்றான். பின் அந்த நம்பருக்கு கடந்த இரு தினங்களில் வந்த அழைப்புகள் மற்றும் அந்த நம்பரில் இருந்து செய்யப்பட்ட அழைப்புகள் இந்த இரண்டு விவரங்களையும் அடுத்த நாள் காலைக்குள் தனக்கு அனுப்புமாறு சொல்லிவிட்டு அழைப்பைத் துண்டித்தான்.

பின் அவர்களிடம் இருந்து பெற்ற விவரங்களை ஆராயத் துவங்கினான். அவர்கள் வீட்டில் சொன்ன டிரைவரின் பெயரும் கார்ட் வாங்கும் பொழுது கொடுக்கப்பட்டிருந்த பெயரும் வேறு வேறாக இருந்தது அவனுக்கு டிரைவரின் மேல் லேசாக சந்தேகம் வந்தது. எதற்கும் அதில் கொடுக்கப்பட்டிருந்த முகவரியில் சென்று விசாரிக்க முடிவு செய்து நேரத்தை பார்த்தான். மணி அப்பொழுதே பத்தை நெருங்கிக் கொண்டிருந்தது. அந்த முகவரிக்கு செல்ல எப்படியும் அரைமணி நேரம் ஆகும். அந்த முகவரியும் உண்மைதானா என்று அவனுக்கு உறுதியாகத் தெரியவில்லை. இரவு நேரத்தில் சென்று அங்குத் தேடுவதை விட பகலில் செல்லலாம் என்று முடிவெடுத்தான்.

பின் தன் உயரதிகாரியை அலைப்பேசியில் அழைத்தவன், அவரிடம் நடந்ததை விவரித்து அடுத்த நாள் தான் செய்யவிருப்பதையும் சொன்னான்.

புதிய நபர் ஒருவர் தன் கடை வாசலில் வண்டியை நிறுத்தியவுடன் முதலில் கோபப்பட்டாலும் , உடனே அவர் காவல்துறையை சேர்ந்தவர் என்று அடையாளம் கண்டுக் கொண்டவுடன் அந்த நேரத்தில் அவருக்கு என்ன வேலை என்று சந்தேகம் வந்தது ராமுவிற்கு. பின் சேகர் , ஸ்ரீனிவாச செட்டியார் வீட்டிற்குள் சென்றதைப் பார்த்த ராமுவிற்கு வியப்பு ஏற்பட்டது.

இந்த நேரத்தில், காவல் துறையை சேர்ந்தவருக்கு அங்கு என்ன வேலை ? வியாபர சம்பந்தப்பட்ட எந்த சிக்கலானாலும் கடையில் வைத்தே தீர்ப்பதுதானே அவரது வழிமுறை. இன்று புதிதாய் எதோ நடக்கிறதே என்று எண்ணியவரின் மனதில் மதியத்தில் இருந்து செட்டியாரை பஜாரில் பார்க்காதது பற்றி சந்தேகம் உதித்தது. பொதுவாய் ஒரு மணி நேரத்தில் மீண்டும் பஜாருக்கு திரும்பும் செட்டியார் அன்றுத் திரும்பி வந்ததை தான் பார்க்கவில்லை என்பது அப்பொழுதுதான் அவர் மனதில் உறைத்தது.

அவர் மனதில் இந்த சந்தேகம் உதித்தப்பின் அவரால் கடையில் அமைதியாக உட்கார இயலவில்லை. செட்டியாரின் வீட்டிற்கு சென்று
என்ன நடந்தது என்றுக் கேட்கவேண்டும் என்று எண்ணினார். ஆனால் போலிஸ் அங்கு இருக்கும்பொழுது தான் அங்கு செல்வது அவ்வளவு உசிதம் அல்ல என்று எண்ணியவர் சிறிது நேரம் பொறுமையாக இருந்தார் .

பின் பொறுமை இழந்தவராய் , அவரது வீட்டு எண்ணிற்கு அழைத்தார். கிருஷ்ணனே போனை எடுத்தது அவருக்கு வசதியாய் இருந்தது. கிருஷ்ணனும் அவரும் கிட்டத்தட்ட ஒரே வயது . அதனால் கொஞ்சம் நெருக்கமும் கூட. அவன் போனை எடுத்தவுடன் யார் என்று அறிந்துக் கொண்டு , தனக்கு மறுமொழி சொல்லாமல், அங்கு யாருக்கோ பதில் சொன்னதை வைத்தே , இன்னும் காவல்துறையை சேர்ந்தவர் அங்கிருப்பதை புரிந்துகொண்ட ராமு, அதிக நேரம் பேசாமல் அழைப்பை முடித்துக் கொண்டார். அவர் அழைப்பைத் துண்டிக்கவும் , சேகர் மீண்டும் தன் வண்டியை எடுக்க அவர் கடையருகே வரவும் சரியாக இருந்தது.

சேகர் அங்கிருந்து கிளம்பி அந்த வீதியைத் தாண்டி போகும் வரைக் காத்திருந்த ராமு, பின் தன் கடைப் பையனை கடையை அடைக்க சொல்லிவிட்டு, கிருஷ்ணனின் வீட்டிற்கு சென்றார். கிருஷ்ணனிடம் பேசி விவரங்களைத் தெரிந்துக் கொண்டவர் , அவனுக்கு ஆறுதல் கூறி அங்கிருந்துக் கிளம்பினார்.

மறுநாள், அந்த கார்ட் வாங்கியபொழுது குடுக்கப்பட்டிருந்த விலாசத்திற்கு செல்லும் வழியில் செவ்வாய்பேட்டைக்குள் மீண்டும் நுழைந்த சேகர், பஜார் வழியாக சென்றான். அவன் வந்தது காலை நேரம் என்பதால் அதிகப் பரபரப்பு இன்றி வீதிகள் கொஞ்சம் அமைதியாய் இருந்தன. இந்நேரம் செட்டியார் இல்லாதது பற்றி ஏதேனும் செய்திகள் பரவி இருக்கோமோ என்று சிறிது சந்தேகமும் அவனுக்கு இருந்தது. நகரின் சிரியப் பகுதியில் ஒரு நபர் திடீரென்று காணவில்லை என்றால் செய்திகள் அதிவிரைவில் பரவும் என்று அவனுக்கு நன்றாகவே தெரியும். இந்த வழக்கை விரைவில் முடிக்கவேண்டும் என்ற எண்ணியவாறே வண்டியின் வேகத்தைக் கூட்டினான்.

அலைபேசி நிறுவனத்தில் இருந்து அவன் பெற்ற முகவரி இருந்த ஏரியாவை அடைந்தவன், அதில் குறிப்பிடப் பட்டிருந்த வீதிக்கு வந்தான். நடுத்தரமக்கள் வசிக்கும் பகுதி போல் தோன்றிய அந்த வீதியை ஆராய்ந்தவன், தான் போகவேண்டிய வீட்டை அடைந்து விசாரிக்கத் துவங்கினான்.

தன் சொந்தப் பெயரில் கார்டை அந்த டிரைவர் வாங்கவில்லை என்று முதல் நாளிரவே தெரிந்துக் கொண்டவன், அந்த வீட்டில் விசாரித்தப் பின் அதிர்ச்சியே அடைந்தான்.

-வியாபராம் தொடரும்

மினி கூட்டு 18.04.2011

2011-04-18T07:55:00.000+05:30

லோக்பால் மசோதா

எப்பொழுதும் ஆளும் கட்சிக்கு எதிரான ஒரு சட்டத்திற்கு மக்கள் ஆதரவு அதிகம் இருந்தால் , அந்த சட்டத்தை ஆதரிப்பது போல் ஆதரித்து, சட்டத்தை நீர்த்துப் போக என்ன செய்யவேண்டுமோ அந்த விஷயங்களை ஆளும்கட்சி பின்னணியில் செய்யும். அது இப்பொழுது லோக்பால் விஷயத்தில் நிரூபணம் ஆகி உள்ளது. ஒருபுறம் சோனியா , அன்னா ஹசாரேக்கு ஆதரவுத் தெரிவிக்கிறார். மறுபுறம், திக்விஜய்சிங்க் போன்ற காங்கிரஸ் கட்சியினர் அவரின் போராட்டத்தைப் பற்றி அவதூறு கிளப்பிக் கொண்டிருக்கின்றனர்.

எனக்குமே இந்த லோக்பால் சட்டத்தில் சில சந்தேகங்கள் இருந்தாலும், இவ்வலைப் பெரியப் போராட்டத்தை கையில் எடுத்ததற்காக அன்னா ஹசாரேயை பாராட்டத்தான் செய்வேன். இன்னும் இந்த மசோதா உருபெற்று பாராளுமன்றத்தில் வெற்றிப் பெற்று சட்டமாக மாற என்ன என்ன சோதனைகளை சந்திக்கவேண்டுமோ தெரியவில்லை.

தேர்தல்

எப்பொழுதும் இல்லாத அளவிற்கு அதிகபட்ச ஓட்டுக்கள் பதிவாகி உள்ளன. அது யாருக்கு சாதகம் என்பதை அரசியல் கட்சியினர் கணித்துக் கொள்ளட்டும். இத்தனைப் பேர் வந்து ஓட்டுப் போட்டதே பெரிய சாதனைதான். அதற்காக தேர்தல் கமிஷனைப் பாராட்ட வேண்டும். அரசு இயந்திரம் தவறாகப் பயன்படுத்தப்படுவதை தடுத்து நிறுத்தி உள்ளது.

மறுபடியும் கூட்டு பகுதி எழுத ஆரம்பித்தபொழுது நான் எழுதிய முதல் விஷயம் பிரச்சாரத்தால் ற்படும் போக்குவரத்து பாதிப்பு. எனக்குத் தெரிந்து சென்னையில் எங்குமே தேர்தலினால் போக்குவரத்து பாதிக்கப்படவில்லை. இதுபோன்றுதான் இனி தேர்தல்கள் நடக்கவேண்டும்.

டவுட்டு

மே மாதம் பத்தாம் தேதி வரை கருத்துக் கணிப்பு எதுவும் வெளியிடக் கூடாது என்று தேர்தல் கமிஷன் தடை செய்துள்ளது. இது நமது வலைப்பதிவர்களுக்கும் , கூகிள் பஸ் ஓட்டுபவர்களுக்கும் பொருந்துமா ?

இந்தவாரப் பதிவர்

கீதமஞ்சரி என்றப் பெயரில் வலைப்பூ வைத்திருக்கும் திருமதி கீதா (ஆஸ்ட்ரேலியா) அவர்கள்தான் இந்தவாரப் பதிவர். பெரும்பாலும் காதல் கவிதைகள்தான் எழுதுகிறார். அவர் எழுதியதில் எனக்குப் பிடித்தது

மெய் தீண்டோம்...

அன்புடன் எல்கே

பெண் எழுத்து

2011-04-17T07:47:00.001+05:30

திருமதி ராஜி அவர்கள் "பெண் எழுத்து " என்றத் தொடர் பதிவுக்கு அழைத்திருக்கிறார்கள். அநேகமாய் பெண் எழுத்தை பற்றி சிறிது நாட்களாய் சென்றுக் கொண்டிருக்கும் இந்த தொடர் பதிவில் எழுதப் போகும் முதல் ஆண் பதிவர் நான்தான் என்று எண்ணுகிறேன்.

இன்று எழுத்துலகில் ஆண்களுக்கு சரிசமமாக பெண்களும் எழுதிக் கொண்டுதான் உள்ளனர். எல்லாவிதக் கருத்துகளையும் ,அனைத்து தலைப்புகளிலும் எழுதுகின்றனர். மாறுதல் என்பது ஒரே இரவில் வந்துவிடாது. சொல்லப்போனால் இந்த நிலை நடுவில் ஏற்ப்பட்ட சில மாற்றங்களால் வந்தது என்றே சொல்லலாம். சங்கக் காலத்தில் பெண் புலவர்கள் பலர் இருந்ததற்கு சான்றுகள் பல உள்ளன. இடைக்கலாதில் ஏற்ப்பட்ட அயலார் படையெடுப்பே பெண்கள் வீட்டிற்குள் முடங்குவதற்கு முதல் மற்றும் முக்கியக் காரணமாய் அமைந்தது.

இன்று அந்நிலை மாறி பல பெண்கள் எழுத்துலகில் தங்களுக்கென்று ஒரு இடத்தைப் பிடித்துள்ளனர். அவ்வளவு ஏன் நமது தமிழ் பதிவுலகிலேயே பல பெண் பதிவர்கள் தங்கள் எழுத்துக்களால் தனி இடத்தைப் பிடித்துள்ளனர். துளசி டீச்சர், கீதா மாமி , வல்லியம்மா, புதுகைத் தென்றல், விதூஷ், சித்ரா இன்னும் இப்படி பலரை சொல்லிக் கொண்டேப் போகலாம்.

பெரும்பாலானோர் வைத்துள்ள குற்றச்சாட்டு அல்லது பெரும்பாலானோரின் கருத்து ஒரு சில விஷயங்களை பெண்கள் எழுத முடிவதில்லை என்பதே. ஒரு சில தலைப்பில் பெண்கள் எழுதும்பொழுது அதற்கு எழும் கருத்துக்கள் எழுதுபவர்களை குற்றம் சாட்டுகின்றன இல்லை காயப் படுத்துகின்றன என்று சொல்கிறார்கள். இதற்க்கு முதல் காரணம், தமிழ் எழுத்துலகில் குறைந்தபட்சம் இந்தப் பதிவுலகில் எழுதப் படும் கருத்துக்களை யார் எழுதுகிறார்கள் என்பதை வைத்தே மதிப்பீடு செய்கின்றனர். எழுதியவரைக் கருத்தில் கொள்ளாமால் எழுதப் படும் எழுத்தை மட்டும் ஆராய்வது என்பது இங்கு வெகு அரிதாக உள்ளது. எனவே அதை பெரிதாக யாரும் கருத வேண்டிய அவசியம் இல்லை. அந்த மாதிரி கருத்துக்களைப் புறம்தள்ள வேண்டும்.

எந்த மாற்றம் நிகழ்வதற்கும் சிறிது காலம் தேவைப் படும். அது நமது சூழலில் கொஞ்சம் அதிகம் தேவைப் படுகிறது, அவ்வளவே.

எனக்குத் தெரிந்த வரையில் பெண் எழுத்தைப் பற்றி எழுதி உள்ளேன். இதைத் தொடர நான் அழைப்பது

கீதா சாம்பசிவம்

வல்லிசிம்ஹன்

காயத்ரி மணிகண்டன்

பி. கு : சொல்ல மறந்தது. இது எனது முன்னூறாவது பதிவு

அன்புடன் எல்கே

வியாபாரம் 2

2011-04-15T07:38:00.004+05:30

வியாபாரம் 1

இரவு மணி எட்டை நெருங்கிக் கொண்டிருந்தது. அப்பொழுதுதான் கமிஷனர் அலுவலகத்தில் இருந்துக் கிளம்பி அஸ்தம்பட்டியை நோக்கிச் சென்றுக் கொண்டிருந்த சேகரின் அலைபேசி அலறத் துவங்கியது. வண்டியை சாலை ஓரம் நிறுத்தி அலைபேசியில் காண்பித்த பெயரைப் பார்த்த சேகர் அதை உடனடியாக உயிர்ப்பித்து "எஸ் சார். சொல்லுங்க " என்று விறைப்பாக பதில் சொன்னான் .

"எங்கயா இருக்க ?"

"இப்பதான் செவன் ஆர்ட்சை தாண்டி போயிட்டு இருக்கேன் சார்."

"சரி சரி . அப்படியே வண்டியைத் திருப்பி செவ்வாய்ப்பேட்டைக்கு போ. அங்க ஸ்ரீனிவாசன்னு கொஞ்சம் பெரிய ஆளு. அவரை காணோம்னு புகார் வந்திருக்கு. கொஞ்சம் பெரிய இடம். அதனாலதான் உன்னை நேரடியா அனுப்பறேன். என்னனு விசாரிச்சு சீக்கிரம் ரிப்போர்ட் பண்ணு "

"ஓகே சார் ".

சலிப்புடன் அழைப்பைத் துண்டித்தவன் வண்டியை திருப்பினான். மீண்டும் கமிசனர் அலுவலகத்தைக் கடந்து வலது பக்கம் திரும்பி சென்ட்ரல் இறக்கத்தில் வண்டியைப் பறக்கவிட்டான்.

அதே நேரத்தில் , செவ்வாய்ப்பேட்டையில் ஸ்ரீனிவாசின் வீடு பரபரப்பாய் இருந்தது. ஸ்ரீனிவாஸ் , எப்பொழுதும் மொட்டைத் தலையுடன் இருப்பதால் செவ்வாய்ப் பேட்டையில் மொட்டை செட்டியார் என்று பேசப்படுபவர். அந்தப் பகுதியின் பணக்காரர்களுள் பணக்காரர். தெய்வ பக்தியும், கருணை குணமும் கொண்டவர். அந்தப் பகுதியின் பலக்கோவில்களும் அவர் அளித்த நன்கொடையில் கட்டப்பட்டவையே . மிக எளிமையாய் , பெரும்பாலான நேரத்தில் வெள்ளை பனியனும், வேஷ்டியும் மட்டுமே அவரது உடை.

பால் மார்க்கெட்டை நெருங்கியவன் அதன் பின் எப்படி செல்லலாம் என்று ஒரு கணம் யோசித்துப் பின் பின்பக்க வழியிலே நுழையலாம் என்று முடிவெடுத்து பாலத்தை ஒட்டிய வழியிலே வண்டியைத் திருப்பினான்.

அவர்கள் வீடு இருந்த வீதிக்குள் நுழைந்தவன், வண்டியை அவர்கள் வீட்டின் முன் நிறுத்தாமல் சற்றுத் தள்ளி அந்த வீதியின் எதிரில் இருந்த ஒருக் கடையின் வாசலில் நிறுத்தினான். அவன் வண்டியை நிறுத்தியவுடன்,அந்தக் கடையில் இருந்தவர் அவனைப் பார்த்தவாறே

"யாருப்பா அது வண்டியைக் கடை முன்னாடி நிறுத்தறது ?"

கேள்விக் காதில் விழுந்தவுடன் , சேகர் திரும்பிப் பார்த்தப் பார்வையில் அவன் யார் என்பதை ராமு புரிந்துக் கொண்டான். இந்த நேரத்தில் போலீசிற்கு இந்தத் தெருவில் என்ன வேலை. போக்குவரத்து போலிசாக இருந்தாலும் காசு வாங்க மெயின் ரோட்டில் போக வேண்டும் என்று நினைத்துக் கொண்டே, கடை வாசலில் வந்து நின்றுக் கொண்டு சேகர் எங்குப் போகிறான் என்று பார்த்தான்.

சீராக ஒரே வேகத்தில் நடந்துக் கொண்டிருந்த சேகர் , எங்கும் பார்க்காதது போல் தோன்றினாலும், அந்தத் தெருவின் அமைப்பை நன்கு தன் மூலையில் பதிய வைத்துக் கொண்டிருந்தான். எது எந்த சமயத்தில் உதவும் என்று சொல்ல முடியாது என்பது அவனுக்கு பால பாடம்.

ஸ்ரீனிவாசனின் வீட்டை அடைந்த சேகர், பூட்டாமல் இருந்த கேட்டைத் திறந்து பெல் அடித்தான். சில நொடித் தாமதத்திற்குப் பின் உள்கதவு திறக்கப்பட்டது.

"நீங்க ?"

"கமிஷனர் அனுப்பினார் ."

"உள்ள வாங்க"

வீட்டின் அமைப்பை ஆராய்ந்த வண்ணம் நுழைந்து அங்கிருந்த ஒரு சோபாவில் அமர்ந்தவன் "சொல்லுங்க சார் என்ன நடந்தது ?" அங்கிருந்தவர்களில் நடுத்தர வயதாக இருந்தவரைப் பார்த்துக் கேட்டான் .

"நான் அவர் மகன் கிருஷ்ணன். வழக்கம்போல மதியம் ஒரு மூணு மணிக்கு கடையில் இருந்து வீட்டுக்கு சாப்பிட வந்தார். வீட்டுக்கு வந்துட்டு வெளியில் போகிறேன் என்று சொல்லிக் கிளம்பியவர் இது வரைக்கும் வரலை சார் .'

"அவர் எங்க போறேன்னு சொன்னாரா ?"

"இல்லை சார். பொதுவா அவரே சொல்லிட்டு போவார். ஆனால் இன்னிக்கு அவர் எதுவும் சொல்லலை. "

"சரி அவர்கிட்ட செல்போன் இருக்கா ? அதுக்கு கால் பண்ணி பார்த்தீங்களா ?"

"இல்லை சார். அவர் செல்போன் யூஸ் பண்றது இல்லை. வெளியில் போறதா இருந்தா வண்டி டிரைவர் போனோ இல்லை கூட வர எங்க போனோ இருக்கும். "

"சரி அந்த டிரைவர் எங்க இப்ப ?"

"காரில் போனவரைத்தான் காணோம் சார். "

"டிரைவர் நம்பருக்கு ட்ரை பண்ணீங்களா ?"

"அதெல்லாம் பண்ணிப் பார்த்தாச்சு சார். மொபைல் ஆப் ஆகி இருக்கு ".

"உங்களுக்கு யார் மேலயாவது சந்தேகம் இருக்கா ?"

"ஏன் சார் இப்படிக் கேட்கறீங்க ?"

""எனக்கென்னவோ யாரோ உங்கப்பாவை கடத்தி இருக்கலாம் என்று தோணுது .உங்களுக்கு தொழில்ல போட்டி எதிரிகள் அப்படின்னு யாரும் இருக்காங்களா ?

"அப்படி யாரும் இல்லையே சார். இங்க கிட்டத்தட்ட எல்லாருமே ஒரே ஜாதிதான் . இன்னும் சொல்லப்போனா நெறையப் பேரு சொந்தக்காரங்கக் கூட.யார் மேல சந்தேகப் படமுடியும் "

"அப்படி சொல்ல முடியாது . யார் வேண்டுமானாலும் செஞ்சிருக்கலாம் . பிரச்சனைன்னு வந்துட்டா எல்லாரையும் சந்தேகப் பட்டுதான் ஆகணும். வேற வழி இல்லை. "

"அவர் கார் நம்பர், ட்ரைவரோட செல் நம்பர் ரெண்டும் சொல்லுங்க. உங்களுக்கு எதாவது கால் வந்தா உடனடியா எனக்கு கால் பண்ணுங்க. உங்க போனுக்கு வர கால்ஸ் எல்லாம் ட்ரேஸ் பண்ண சொல்லிடறேன். "

தன் நம்பரைக் கொடுத்துவிட்டு அவர்களின் எண்ணை குறித்துக் கொண்டு அங்கிருந்து அவன் கிளம்பவும், அவர்கள் வீட்டு லேண்ட்லைன் ஒலிக்கவும் சரியாக இருந்தது.

வாசல் வரை சென்றவன் மீண்டும் திரும்பினான். அதற்குள் போனை எடுத்த கிருஷ்ணன் அழைத்தவர் யார் என்று விசாரித்து , ஒரு கையால் ரீசிவரை மூடிக் கொண்டு "பஜார்ல இருந்து கூப்பிடறாங்க சார் ." என்று அவரிடம் சொல்லிவிட்டு போனில் தொடர்ந்தான்.

தான் எதிர்பார்த்த அழைப்பு இல்லை என்றுத் தெரிந்ததும், அங்கிருந்து கிளம்பினான் சேகர். மீண்டும் தான் பைக் நிறுத்தி இருந்த கடைக்கு வந்தவன் பைக்கில் கிளம்பும் முன் அந்தக் கடையில் இருந்தவரைப் பார்த்தான். அவர் பார்வையில் அவர் பதட்டமாய் இருந்தது போல் அவனுக்குத் தோன்றியது.

-வியாபரம் தொடர்ந்து நடக்கும்

அன்புடன் எல்கே

தமிழ் புத்தாண்டு நல்வாழ்த்துக்கள்

2011-04-14T06:41:00.001+05:30

நண்பர்கள் anaivarukkum இன்றுப் பிறக்கும் புதிய தமிழ் வருடமான "கர" ஆண்டு வாழ்த்துக்கள்.

அன்புடன் எல்கே

ஸ்ரீராம நவமி ஸ்பெசல்

2011-04-12T06:35:00.000+05:30

இன்று ஸ்ரீராம நவமி. அதையொட்டி திரு பாலமுரளி கிருஷ்ணா அவர்களின் இரண்டு பாடல்கள். இந்த வீடியோவில் ராமாயணக் காட்சிகள் முழுவதும் இணைக்கப்பட்டுள்ளது. இரண்டு பாடல்களும் கேட்டு முடிக்கும் பொழுது ராமாயணத்தையும் பார்த்து முடித்திருக்கலாம்.

அனைவருக்கும் ஸ்ரீராம நவமி வாழ்த்துக்கள். இராமனை வணங்குவோம். இன்று நாடுள்ள நிலையில் அவர்தான் நம்மை காக்க வேண்டும்.

அன்புடன் எல்கே